Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസഭാ ഭൂമി ഇടപാട്: മാ​ർ...

സഭാ ഭൂമി ഇടപാട്: മാ​ർ ആ​ല​ഞ്ചേ​രി​യെ കുറ്റവിമുക്തനാക്കുന്ന റിപ്പോർട്ടിനെതിരെ വൈദികർ അപ്പീൽ നൽകും

text_fields
bookmark_border
Mar Alencherry
cancel

കൊച്ചി: എറണാകുളം-അങ്കമാലി അതിരൂപതാ ഭൂമി വിവാദത്തിൽ സീറോ മ​ല​ബാ​ർ സ​ഭ അ​ധ്യ​ക്ഷ​ൻ ക​ർ​ദി​നാ​ൾ മാ​ർ ജോ​ർ​ജ് ആ​ല​ഞ്ചേ​രി​യെ കുറ്റവിമുക്തനാക്കുന്ന റിപ്പോർട്ടിനെതിരെ പത്ത് ദിവസത്തിനകം അപ്പീൽ നൽകും. വത്തിക്കാൻ സുപ്രീം ട്രൈബ്യൂണലിൽ അപ്പീൽ നൽകാനാണ് അതിരൂപതയിലെ ഒരു വിഭാഗം വൈദികരുടെ തീരുമാനം. ഭൂമി വിവാദത്തിന്‍റെ ധാർമിക ഉത്തരവാദിത്തം മാ​ർ ആ​ല​ഞ്ചേ​രി ഏറ്റെടുക്കണമെന്ന് വൈദികർ ആവശ്യപ്പെട്ടു.

ഭൂമി ഇടപാട് വിവാദത്തെ കുറിച്ച് അന്വേഷിക്കാൻ വത്തിക്കാൻ നിയോഗിച്ച കമീഷന്‍ റിപ്പോർട്ട് മാ​ർ ആ​ല​ഞ്ചേ​രിക്കെതിരെ ഗുരുതര ആരോപണങ്ങളും ക്രമക്കേടുകളും കണ്ടെത്തിയിരുന്നു. 19 കോടി രൂപയുടെ നഷ്ടമുണ്ടാക്കിയെന്ന ആലഞ്ചേരിക്കെതിരെ പ്രധാന ആരോപണത്തിൽ വസ്തുതയുണ്ടെന്നും സുതാര്യമായല്ല ഭൂമി ഇടപാട് നടന്നതെന്നും ദല്ലാളുമാരുമായി അദ്ദേഹത്തിന് ബന്ധമുണ്ടെന്നും റിപ്പോർട്ട് ചൂണ്ടിക്കാട്ടുന്നു.

ഭൂമി ഇടപാട് സംബന്ധിച്ച വിവാദം അവസാനിപ്പിക്കണമെന്ന് നിർദേശിച്ച വത്തിക്കാൻ, സഭക്കേറ്റ നഷ്ടം നികത്താൻ കോട്ടപ്പടി ഭൂമി വിൽക്കാനും സിനഡിനോട് നിർദേശിച്ചിരുന്നു. ഭൂമി വിറ്റ് നഷ്ടം നികത്തുക വഴി മാർ ആലഞ്ചേരിയെ രക്ഷിക്കാനുള്ള ശ്രമമാണ് നടത്തുന്നതെന്ന് ആലോചനാ സമിതിയിലെ വൈദികർ ചൂണ്ടിക്കാട്ടുന്നു.

സീറോ മലബാർ സഭയുടെ കോട്ടപ്പടി ഭൂമി വിൽക്കാനുള്ള വത്തിക്കാൻ നിർദ്ദേശത്തെ എതിർത്ത് എറണാകുളം അങ്കമാലി അതിരൂപത ഫിനാൻസ് കമ്മിറ്റിയും രംഗത്തെത്തിയിരുന്നു. വത്തിക്കാൻ സുപ്രീം ട്രിബ്യൂണലിൽ അപ്പീൽ നൽകാനാണ് ഫിനാൻസ് കമ്മിറ്റിയുടെയും തീരുമാനം. എറണാകുളം അങ്കമാലി അതിരൂപതയിലെ വിവാദ ഭൂമി ഇടപാടും മാർ ആലഞ്ചേരിയെ മാറ്റണമെന്നത് അടക്കമുള്ള ആവശ്യങ്ങൾ ചൂണ്ടിക്കാട്ടിയുള്ള പ്രതിഷേധങ്ങൾക്ക് ശേഷമാണ് ഇക്കാര്യം അന്വേഷിക്കാൻ അന്വേഷണ കമീഷനുകളെ നിയോഗിച്ചത്.

ഭൂ​മി​ക്ക​ച്ച​വ​ട​ത്തി​ലെ ഇ​ട​നി​ല​ക്കാ​ര​നാ​യ സാ​ജു വ​ർ​ഗീ​സി​നോ​ട് 10 കോ​ടി രൂ​പ ദീ​പി​ക പ​ത്ര​ത്തി​ൽ ത​െൻറ പേ​രി​ൽ ഓ​ഹ​രി​യാ​യി നി​ക്ഷേ​പി​ക്കാ​ൻ ക​ർ​ദി​നാ​ൾ ആ​വ​ശ്യ​പ്പെ​െ​ട്ട​ന്നാണ് വ​ത്തി​ക്കാ​ൻ നി​യ​മി​ച്ച അ​ന്താ​രാ​ഷ്​​ട്ര ഏ​ജ​ൻ​സി കെ.​പി.​എം.​ജി​യു​ടെ റി​പ്പോ​ർ​ട്ടി​ൽ പ​റ​യു​ന്ന​ത്. സ​ഭാ സ്വ​ത്തു​ക്ക​ളു​ടെ ചു​മ​ത​ല​ക്കാ​ര​ൻ എ​ന്ന നി​ല​യി​ൽ ഭൂ​മി വി​ൽ​പ​ന​യി​ലും വാ​ങ്ങ​ലി​ലും അ​തി​രൂ​പ​ത​യു​ടെ താ​ൽ​പ​ര്യ​ങ്ങ​ൾ ക​ർ​ദി​നാ​ൾ സം​ര​ക്ഷി​ച്ചി​ല്ലെ​ന്ന് റി​പ്പോ​ർ​ട്ട് വി​ല​യി​രു​ത്തു​ന്നു.

കാ​നോ​നി​ക സ​മി​തി​ക​ളു​ടെ അം​ഗീ​കാ​രം നേ​ടാ​തെ​യാ​ണ് ഭൂ​മി​വി​ൽ​പ​ന ന​ട​ത്തി​യ​ത്, വി​ല നി​ശ്ച​യി​ച്ച​തി​ൽ കൃ​ത്യ​ത​യി​ല്ല, റി​യ​ൽ എ​സ്​​റ്റേ​റ്റ് ഏ​ജ​ൻ​റി​നെ നി​യ​മി​ച്ച​തി​ൽ സു​താ​ര്യ​ത​യി​ല്ല, വി​ൽ​പ​ന​യി​ൽ ല​ഭി​ച്ച പ​ണം ക​ടം വീ​ട്ടാ​നു​പ​യോ​ഗി​ച്ചി​ല്ല, കോ​ട്ട​പ്പ​ടി ഭൂ​മി​ക്ക് ആ​റ് കോ​ടി രൂ​പ​യാ​ണ് ര​ജി​സ്ട്രേ​ഷ​ൻ വി​ല​യെ​ങ്കി​ലും 15.38 കോ​ടി രൂ​പ​യാ​ണ് അ​തി​രൂ​പ​ത ന​ൽ​കി​യ​ത്. ഇ​തി​ന് തൃ​പ്തി​ക​ര​മാ​യ കാ​ര​ണം ല​ഭ്യ​മ​ല്ല എ​ന്നി​ങ്ങ​നെ​യു​ള്ള വി​ല​യി​രു​ത്ത​ലു​ക​ളാ​ണ് കെ.​പി.​എം.​ജി ന​ട​ത്തി​യി​രി​ക്കു​ന്ന​ത്.

2019 ഫെ​ബ്രു​വ​രി 23ന് ​സാ​ജു വ​ർ​ഗീ​സു​മാ​യി സം​സാ​രി​ക്കാ​റേ​യി​ല്ല എ​ന്ന് കെ.​പി.​എം.​ജി​ക്ക് ക​ർ​ദി​നാ​ൾ മൊ​ഴി ന​ൽ​കി​യി​രു​ന്നു. എ​ന്നാ​ൽ, ക​ർ​ദി​നാ​ളിെൻറ കാ​ൾ റെ​ക്കോ​ഡ് പ​രി​ശോ​ധി​ച്ച​പ്പോ​ൾ 21 ത​വ​ണ വി​ളി​ച്ച​താ​യി ക​ണ്ടെ​ത്തി. ഏ​റെ വി​വാ​ദ​ങ്ങ​ൾ​ക്ക് വ​ഴി​വെ​ച്ച ഭൂ​മി​വി​ൽ​പ​ന ഇ​ട​പാ​ടു​ക​ളി​ൽ ശാ​സ്ത്രീ​യ അ​ന്വേ​ഷ​ണം ന​ട​ത്തി കെ.​പി.​എം.​ജി വ​ത്തി​ക്കാ​ന് സ​മ​ർ​പ്പി​ച്ച റി​പ്പോ​ർ​ട്ടി​ലാ​ണ് വി​വ​ര​ങ്ങ​ളു​ള്ള​ത്.

Show Full Article
TAGS:Mar Alencherry Syro Malabar sabha land deal 
News Summary - Syro Malabar sabha land deal: Clergy appeal against report acquitting Mar Alencherry
Next Story