വയനാട്ടി​ലെ പന്നിപ്പനി: സംസ്ഥാനത്ത് പന്നിമാംസം കൊണ്ടുപോകുന്നതിനും കൊണ്ടുവരുന്നതിനും നിരോധനം; രോ​ഗ​സ്ഥ​ല​ത്തെ പ​ന്നി​ക​ളെ കൊ​ല്ലും

തി​രു​വ​ന​ന്ത​പു​രം: വ​യ​നാ​ട് ജി​ല്ല​യി​ലെ മാ​ന​ന്ത​വാ​ടി, ത​വി​ഞ്ഞാ​ൽ പ്ര​ദേ​ശ​ങ്ങ​ളി​ൽ ആ​ഫ്രി​ക്ക​ൻ പ​ന്നി​പ്പ​നി സ്ഥി​രീ​ക​രി​ച്ച പശ്ചാത്തലത്തിൽ സം​സ്ഥാ​ന​ത്തി​ന​ക​ത്തേ​ക്കും പു​റ​ത്തേ​ക്കും പ​ന്നി, പ​ന്നി മാം​സം, മാം​സോ​ൽ​പ​ന്ന​ങ്ങ​ൾ എ​ന്നി​വ കൊ​ണ്ടു​പോ​കു​ന്ന​തും കൊ​ണ്ടു​വ​രു​ന്ന​തും നി​രോ​ധി​ച്ചു. മൃ​ഗ​സം​ര​ക്ഷ​ണ വ​കു​പ്പി​ന്‍റെ ചെ​ക്​​പോ​സ്റ്റു​ക​ളി​ൽ രോ​ഗ​നി​രീ​ക്ഷ​ണം ശ​ക്ത​മാ​ക്കും. സം​സ്ഥാ​ന ത​ല​ത്തി​ൽ അ​ഡീ​ഷ​ന​ൽ ഡ​യ​റ​ക്ട​റെ (എ.​എ​ച്ച്) സ്റ്റേ​റ്റ് നോ​ഡ​ൽ ഓ​ഫി​സ​റാ​യി നി​യ​മി​ച്ചു.

ഇന്നലെ ​ഭോ​പാ​ലി​ലെ നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് ഹൈ ​സെ​ക്യൂ​രി​റ്റി അ​നി​മ​ൽ ഡി​സീ​സ്​ ല​ബോ​റ​ട്ട​റി​യി​ലാ​ണ് സാ​മ്പ്​​ൾ പ​രി​ശോ​ധി​ച്ച് രോ​ഗം സ്ഥി​രീ​ക​രി​ച്ച​ത്. മൃ​ഗ​സം​ര​ക്ഷ​ണ വ​കു​പ്പ് ഡ​യ​റ​ക്ട​റു​ടെ അ​ധ്യ​ക്ഷ​ത​യി​ൽ ഉ​ന്ന​ത​ത​ല​യോ​ഗം ചേ​ർ​ന്ന് കേ​ന്ദ്ര​സ​ർ​ക്കാ​ർ നി​ർ​ദേ​ശ​മ​നു​സ​രി​ച്ച് തു​ട​ർ ന​ട​പ​ടി​ക​ൾ കൈ​ക്കൊ​ള്ളാ​നും രോ​ഗ​ബാ​ധ നി​യ​ന്ത്രി​ക്കാ​ൻ അ​ടി​യ​ന്ത​ര ന​ട​പ​ടി​ക​ൾ ത്വ​രി​ത​പ്പെ​ടു​ത്താ​നും തീ​രു​മാ​നി​ച്ചു.

സം​സ്ഥാ​ന ജ​ന്തു​രോ​ഗ നി​യ​ന്ത്ര​ണ പ​ദ്ധ​തി​യു​ടെ ആ​സ്ഥാ​ന​ത്ത് 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന സം​സ്ഥാ​ന​ത​ല ക​ൺേ​ട്രാ​ൾ റൂം ​തു​റ​ന്നു. ജി​ല്ല​ക​ളി​ൽ റ​വ​ന്യൂ, ആ​രോ​ഗ്യം, ത​ദ്ദേ​ശ​സ്വ​യം​ഭ​ര​ണം, പൊ​ലീ​സ്, വ​നം വ​കു​പ്പു​ക​ളു​മാ​യി ചേ​ർ​ന്ന്​ രോ​ഗ​പ്ര​തി​രോ​ധ ന​ട​പ​ടി​ക​ൾ ശ​ക്ത​മാ​ക്കും.

രോ​ഗ​ത്തി​ന്‍റെ പ്ര​ഭ​വ കേ​ന്ദ്ര​ത്തി​ന്​ ഒ​രു കി.​മീ​റ്റ​ർ ചു​റ്റ​ള​വി​ലു​ള്ള പ​ന്നി​ക​ൾ, തീ​റ്റ എ​ന്നി​വ ദ്രു​ത​ക​ർ​മ​സേ​ന​യു​ടെ സ​ഹാ​യ​ത്തോ​ടെ ന​ശി​പ്പി​ക്കും. രോ​ഗ​ത്തി​ന്‍റെ പ്ര​ഭ​വ കേ​ന്ദ്ര​ത്തി​ന്​ ഒ​രു കി.​മീ​റ്റ​ർ ചു​റ്റ​ള​വി​ലു​ള്ള പ​ന്നി​ക​ളെ അ​ടി​യ​ന്ത​ര​മാ​യി കൊ​ന്ന്​ ശാ​സ്​​ത്രീ​യ​മാ​യി മ​റ​വ് ചെ​യ്യും.

കേ​ന്ദ്ര സ​ർ​ക്കാ​ർ നി​ശ്ച​യി​ച്ച നി​ര​ക്കി​ൽ ക​ർ​ഷ​ക​ർ​ക്ക് ന​ഷ്​​ട​പ​രി​ഹാ​രം ന​ൽ​കും. പ്ര​ഭ​വ കേ​ന്ദ്ര​ത്തി​നു​ പു​റ​ത്ത് 10 കി.​മീ​റ്റ​ർ ചു​റ്റ​ള​വി​ൽ രോ​ഗ നി​രീ​ക്ഷ​ണം ഏ​ർ​പ്പെ​ടു​ത്തും. പ​ന്നി​ക​ർ​ഷ​ക​ർ​ക്ക് ഓ​ൺ​ലൈ​നാ​യി ബോ​ധ​വ​ത്ക​ര​ണം ന​ട​ത്തും.

സം​സ്ഥാ​ന​മൊ​ട്ടാ​കെ​യു​ള്ള പ​ന്നി ഫാ​മു​ക​ളി​ൽ രോ​ഗ​നി​രീ​ക്ഷ​ണം ന​ട​ത്താ​നു​ള്ള സം​വി​ധാ​നം പാ​ലോ​ട് മു​ഖ്യ രോ​ഗ​നി​ർ​ണ​യ കേ​ന്ദ്ര​ത്തി​ൽ സ​ജ്ജീ​ക​രി​ക്കും.