കോഴിക്കോട് കെ.എസ്.ആർ.ടി.സി സ്റ്റാൻഡിലെ തൂണുകൾക്കിടയിൽ കുടുങ്ങി സ്വിഫ്റ്റ് ബസ്

കോഴിക്കോട് കെ.എസ്.ആർ.ടി.സി സ്റ്റാൻഡിലെ ഇടുങ്ങിയ തൂണുകൾക്കിടയിൽ കെ സ്വിഫ്റ്റ് ബസ് കുടുങ്ങി. വെള്ളിയാഴ്ച രാവിലെയാണ് ബസ് കുടുങ്ങിയത്. സ്റ്റാൻഡിന്റെ അശാസ്ത്രീയ നിർമാണം സംബന്ധിച്ച വിവാദങ്ങൾ നിലനിൽക്കെയാണ് കെ -സ്വിഫ്റ്റ് കുടുങ്ങിയത്.

സാധാരണ ബസുകൾ പോലും വളരെ കഷ്ടപ്പെട്ടാണ് ഈ തൂണുകൾക്കിടയിലൂടെ ഇവിടേക്ക് കയറുന്നത്. ഇത് സംബന്ധിച്ച് നിരവധി പരാതികൾ ഉയർന്നിട്ടുണ്ട്. അതിനിടെയാണ് പുതിയ സംഭവം. അടുത്തടുത്തുള്ള ഭീമൻ തൂണുകളിൽ സ്ഥാപിച്ചിട്ടുള്ള ഇരുമ്പ് വളയങ്ങൾ മുറിച്ചുമാറ്റി ബസ് പുറത്തെടുക്കാനുളള ശ്രമമാണ് നടക്കുന്നത്.