എയിഡഡ്​ സ്​കൂളിലു​ം ശുചീകരണ ജോലിക്കാരുടെ തസ്​തിക: ആവശ്യം പരിഗണിക്കണമെന്ന്​​ ഹൈകോടതി

കൊച്ചി: ശുചിത്വവും സുരക്ഷിതത്വവും ഉറപ്പാക്കാൻ എയി​ഡഡ്​ സ്​കൂളുകളിലും ശുചീകരണ ജോലിക്കാരു​െട (മീനിയൽ) തസ്​തിക അനുവദിക്കണമെന്ന നിവേദനം പരിഗണിച്ച്​ തീർപ്പാക്കണമെന്ന്​ സർക്കാറിനോട്​ ഹൈകോടതി. ​സർക്കാർ പ്രൈമറി സ്​കൂളുകളിൽ മീനിയൽ​ തസ്​തിക അനുവദിച്ച സർക്കാർ, എയി​ഡഡ്​ സ്​കൂളുകളെ ത​ഴഞ്ഞതായി ചൂണ്ടിക്കാട്ടി തൃശൂർ ജില്ലയിലെ മൂന്ന്​ സ്​കൂൾ മാനേജ്​മ​െൻറുകൾ നൽകിയ ഹരജിയിലാണ്​ ജസ്​റ്റിസ്​ ഷാജി പി. ചാലിയുടെ ഉത്തരവ്​. കൈപ്പമംഗലം കൂരിക്കുഴി എ.എം.യു.പി സ്​കൂൾ, മണലിത്തറ ജെ.വി മച്ചാട്​ എൽ.പി സ്​കൂൾ, പള്ളിക്കൽ എ.യു.പി സ്​കൂൾ മാനേജ്​മ​െൻറുകളാണ്​ ഹരജി നൽകിയത്​.

മീനിയൽ തസ്​തിക നിലവിലില്ലാത്തതിനാൽ എയി​ഡഡ്​ സ്​കൂൾ വളപ്പും ക്ലാസ്​ മുറികളും മൂത്രപ്പുരയുമടക്കം വൃത്തിയാക്കേണ്ട ജോലി മാനേജ്​മെ​േൻറാ വിദ്യാർഥികളോ സ്വന്തമായി ചെയ്യേണ്ട അവസ്​ഥയാണുള്ളത്​. സർക്കാർ സ്​കൂളുകളിൽ​ മാത്രം മീനിയൽ തസ്​തിക അനുവദിച്ചത്​ വിവേചനപരവും ഭരണഘടനാ വിരുദ്ധവുമാണ്​. 2019 -20 അധ്യയന വർഷംതന്നെ ഈ തസ്​തികക്ക്​ അനുമതി നൽകണമെന്നാണ്​ ആവശ്യം.

എത്രയും വേഗം നിവേദനം പരിഗണിച്ച്​ നിയമപരമായി തീർപ്പാക്കാൻ കോടതി ഉത്തരവിട്ടു​. ഹരജിക്കാരനെ​ കേട്ടശേഷം മൂന്നുമാസത്തിനകം തീരുമാനമെടുക്കാനാണ്​ നിർദേശം.