Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകണ്ണും, തൊലിയുമൊക്കെ...

കണ്ണും, തൊലിയുമൊക്കെ ചികിത്സിച്ച നേതാവിനെ ന്യായീകരിച്ചോളൂ, പക്ഷേ മോർഫിങ് കലാപരിപാടി കുറ്റകരമാണ്​ -എം. സ്വരാജ്​

text_fields
bookmark_border
കണ്ണും, തൊലിയുമൊക്കെ ചികിത്സിച്ച നേതാവിനെ ന്യായീകരിച്ചോളൂ, പക്ഷേ മോർഫിങ് കലാപരിപാടി കുറ്റകരമാണ്​ -എം. സ്വരാജ്​
cancel

കൊച്ചി: പുരാവസ്തു തട്ടിപ്പ് കേസില്‍ അറസ്റ്റിലായ മോന്‍സണ്‍ മാവുങ്കലിനൊപ്പം നിൽക്കുന്നുവെന്ന പേരിൽ ത​െന്‍റ ചിത്രം മോർഫ്​ ചെയ്​ത്​ പ്രചരിപ്പിക്കുന്നതിനെതിരെ നിയമനടപടി സ്വീകരിക്കുമെന്ന്​ സി.പി.എം സംസ്ഥാന കമ്മിറ്റിയംഗം എം. സ്വരാജ്. 2016ല്‍ മമ്മൂട്ടിക്കൊപ്പം സ്വരാജ് നില്‍ക്കുന്ന ചിത്രമാണ് മോര്‍ഫ് ചെയ്ത് പ്രചരിപ്പിക്കുന്നത്. 'തട്ടിപ്പുകാരന്‍റെ വീട്ടില്‍ സ്ഥിരം കയറിയിറങ്ങി കണ്ണും, തൊലിയുമൊക്കെ ചികിത്സിച്ച നേതാവിനെ രക്ഷിച്ചെടുക്കാന്‍ എന്ത് ന്യായീകരണം വേണമെങ്കിലും പറഞ്ഞു കൊള്ളുക. പക്ഷേ ഇത്തരം മോര്‍ഫിങ് കലാപരിപാടികളും ഇതൊക്കെ ഷെയര്‍ ചെയ്യുന്നതും ശിക്ഷാര്‍ഹമായ കുറ്റമാണ്. ഇതൊക്കെ ഷെയര്‍ ചെയ്യുന്നതും ശിക്ഷാര്‍ഹമായ കുറ്റമാണ്' -സ്വരാജ് ഫേസ്ബുക് പോസ്റ്റില്‍ കുറിച്ചു.

മോന്‍സണുമായി കെ.പി.സി.സി പ്രസിഡന്‍റ്​ കെ. സുധാകരനുള്ള ബന്ധം ചര്‍ച്ചയായിരുന്നു. താൻ ചികിത്സാവശ്യർഥമാണ്​ മോൻസണെ ക​ണ്ടതെന്നും അയാളുടെ തട്ടിപ്പിനെ കുറിച്ച്​ അറിയില്ലെന്നുമാണ്​ സുധാകരൻ ഇതേക്കുറിച്ച്​ പ്രതികരിച്ചത്​. ഇതിനിടെയാണ്​ സ്വരാജിന്‍റെ വ്യാജ ചിത്രം പ്രചരിച്ചത്​.



'ഇത്തരം ഹീന മനസുള്ളവരാണ് നമ്മുടെ മറുപക്ഷത്തുള്ള രാഷ്ട്രീയ പ്രവര്‍ത്തകര്‍ എന്ന വസ്തുത ദുഃഖകരമാണ്. ഇവരോടൊക്കെ എങ്ങനെയാണ് സംവദിയ്ക്കുക?' -സ്വരാജ് ചോദിച്ചു.

വിദ്യാഭ്യാസ മന്ത്രി വി. ശിവന്‍കുട്ടിയുടെ ചിത്രവും മോര്‍ഫ് ചെയ്ത് പ്രചരിപ്പിച്ചിരുന്നു. ചലച്ചിത്രതാരം ബൈജുവിനൊപ്പം ശിവന്‍കുട്ടി നില്‍ക്കുന്ന ചിത്രമാണ് മോന്‍സണിനൊപ്പം എന്ന പേരില്‍ പ്രചരിച്ചത്. തുടർന്ന്​ ശിവന്‍കുട്ടി തന്നെ യഥാര്‍ത്ഥ ചിത്രം പുറത്തുവിട്ടിരുന്നു. വ്യാജപ്രചരണം നടത്തിയവര്‍ക്കെതിരെ നിയമനടപടി സ്വീകരിക്കുമെന്ന് ശിവന്‍കുട്ടിയും അറിയിച്ചു.

എം. സ്വരാജിന്‍റെ ഫേസ്ബുക്ക് പോസ്റ്റ്:

തരംതാഴ്ന്ന പ്രചാരവേലകൾ തിരിച്ചറിയുക..

ഒരു സിനിമയുടെ ചിത്രീകരണത്തിനായി ഉദയംപേരൂരിൽ എത്തിയ ശ്രീ. മമ്മൂട്ടിയെ 2016ലെ നിയമസഭാ തിരഞ്ഞെടുപ്പ് പ്രചരണ സമയത്ത് സന്ദർശിച്ചിരുന്നു. ആ സമയത്ത് ആരോ എടുത്ത ഒരു ചിത്രമാണ് ഇപ്പോൾ മോർഫ് ചെയ്ത് തട്ടിപ്പു കേസിലെ പ്രതിയ്ക്കൊപ്പമാക്കി പ്രചരിപ്പിയ്ക്കുന്നത്.

ഇത്തരം ഹീന മനസുള്ളവരാണ് നമ്മുടെ മറുപക്ഷത്തുള്ള രാഷ്ട്രീയ പ്രവർത്തകർ എന്ന വസ്തുത ദുഃഖകരമാണ്. ഇവരോടൊക്കെ എങ്ങനെയാണ് സംവദിയ്ക്കുക ?

ബഹു. വിദ്യാഭ്യാസ മന്ത്രി സ. വി. ശിവൻകുട്ടി ചലച്ചിത്ര താരം ശ്രീ. ബൈജുവിനൊപ്പം നിൽക്കുന്ന ചിത്രവും ഇത്തരത്തിൽ തല മാറ്റി പ്രചരിപ്പിച്ചതായി കണ്ടു.

തട്ടിപ്പുകാരന്‍റെ വീട്ടിൽ സ്ഥിരം കയറിയിറങ്ങി കണ്ണും, തൊലിയുമൊക്കെ ചികിത്സിച്ച നേതാവിനെ രക്ഷിച്ചെടുക്കാൻ എന്ത് ന്യായീകരണം വേണമെങ്കിലും പറഞ്ഞു കൊള്ളുക. പക്ഷേ ഇത്തരം മോർഫിങ്ങ് കലാപരിപാടികളും, ഇതൊക്കെ ഷെയർ ചെയ്യുന്നതും ശിക്ഷാർഹമായ കുറ്റമാണ്. നിയമ നടപടി സ്വീകരിയ്ക്കും.

Show Full Article
TAGS:Monson Mavunkal m swaraj morphing 
News Summary - Swaraj to file complaint as his morphed photo with Monson Mavunkal was circulated
Next Story