ട്രിപ്പിൾ ലോക്ഡൗണിൽ സ്വപ്ന മുങ്ങിയത് എങ്ങനെ?

തി​രു​വ​ന​ന്ത​പു​രം: സ്വ​ർ​ണ​ക്ക​ട​ത്ത് കേ​സി​ലെ മു​ഖ്യ​പ്ര​തി സ്വ​പ്ന സു​രേ​ഷ് ത​ല​സ്ഥാ​നം വി​ട്ട​ത് ട്രി​പ്പി​ൾ ലോ​ക്ഡൗ​ൺ സ​മ​യ​ത്തെ​ന്ന് വ്യ​ക്ത​മാ​കു​ന്നു. സ്വ​പ്ന​യു​ടെ ഫോ​ണി​​​െൻറ ട​വ‍ർ ലൊ​ക്കേ​ഷ​ൻ പ​രി​ശോ​ധി​ച്ച​തി​ൽ​നി​ന്നാ​ണ് സ്വ​ർ​ണം പി​ടി​കൂ​ടി​യ ദി​വ​സം ഇ​വ​ർ തി​രു​വ​ന​ന്ത​പു​ര​ത്ത് ഉ​ണ്ടാ​യി​രു​ന്നെ​ന്ന്​ സ്​​ഥി​രീ​ക​രി​ച്ച​ത്. സ്വ​ർ​ണം പി​ടി​കൂ​ടി​യ ജൂ​ലൈ അ​ഞ്ചി​ന് സ്വ​പ്ന തി​രു​വ​ന​ന്ത​പു​രം ന​​ഗ​ര​ത്തി​ൽ ഉ​ണ്ടാ​യി​രു​ന്നെ​ന്നാ​ണ് കോ​ൾ ലി​സ്​​റ്റി​ൽ​നി​ന്ന്​ വ്യ​ക്ത​മാ​കു​ന്ന​ത്. അ​ഞ്ചി​ന് ഉ​ച്ച​യോ​ടെ​യാ​ണ് സ​രി​ത്തി​നെ ക​സ്​​റ്റ​ഡി​യി​ലെ​ടു​ത്ത​ത്. പി​റ്റേ​ന്ന്​ രാ​വി​ലെ​യോ​ടെ സ​രി​ത്തി​നെ കൊ​ച്ചി​യി​ലേ​ക്ക് കൊ​ണ്ടു​പോ​യി.

ഈ ​സ​മ​യ​ത്ത് സെ​ക്ര​േ​ട്ട​റി​യ​റ്റ് പ​രി​സ​ര​ത്താ​ണ് സ്വ​പ്ന​യു​ടെ ലൊ​ക്കേ​ഷ​ൻ കാ​ണു​ന്ന​ത്. സെ​ക്ര​ട്ടേ​റി​യ​റ്റി​ന് സ​മീ​പ​ത്തെ ശി​വ​ശ​ങ്ക​റി​​​െൻറ ഫ്ലാ​റ്റി​ൽ​നി​ന്നാ​ണ് സ്വ​പ്ന ഒ​ളി​വി​ൽ പോ​യ​തെ​ന്ന ആ​രോ​പ​ണ​ത്തെ ട​വ‍ർ ലൊ​ക്കേ​ഷ​ൻ സം​ബ​ന്ധി​ച്ച വി​വ​ര​ങ്ങ​ൾ ശ​ക്തി​പ്പെ​ടു​ത്തു​ന്നു. ശി​വ​ശ​ങ്ക​ർ താ​മ​സി​ച്ചി​രു​ന്ന ഫ്ലാ​റ്റി​ൽ സ്വ​പ്ന​ക്കും വാ​ട​ക​മു​റി​യു​ണ്ടാ​യി​രു​ന്നെ​ന്ന വി​വ​ര​ങ്ങ​ളും പു​റ​ത്തു​വ​രു​ന്നു​ണ്ട്.

ജൂ​ലൈ നാ​ലി​ന് സ്വ​പ്ന അ​മ്പ​ലം​മു​ക്കി​ലെ ഫ്ലാ​റ്റി​ൽ​നി​ന്ന്​ കു​ടും​ബ​സ​മേ​തം പോ​യ​താ​യി സി.​സി.​ടി.​വി ദൃ​ശ്യ​ങ്ങ​ളി​ൽ വ്യ​ക്ത​മാ​ണ്. അ​വി​ടെ​നി​ന്ന്​ സ്വ​പ്ന എ​ത്തി​യ​ത് സെ​ക്ര​ട്ടേ​റി​യ​റ്റി​ന് സ​മീ​പ​ത്തെ ഫ്ലാ​റ്റി​ലാ​ണെ​ന്ന്​ ട​വ​ർ ലൊ​ക്കേ​ഷ​ൻ വി​വ​ര​ങ്ങ​ൾ വ്യ​ക്ത​മാ​ക്കു​ന്നു.

സ്വ​പ്ന തി​രു​വ​ന​ന്ത​പു​ര​ത്തു​നി​ന്ന്​ എ​റ​ണാ​കു​ളം വ​ഴി ബം​ഗ​ളൂ​രു​വി​ലേ​ക്ക് പോ​യ​താ​യാ​ണ് പ​റ​യു​ന്ന​ത്. ട​വ​ർ ലൊ​ക്കേ​ഷ​ൻ ന​ൽ​കു​ന്ന വി​വ​രം ശ​രി​യാ​ണെ​ങ്കി​ൽ ട്രി​പ്പി​ൾ ലോ​ക്ഡൗ​ൺ നി​ല​വി​ൽ വ​ന്ന തി​ങ്ക​ളാ​ഴ്ച​യാ​ണ് അ​വ​ർ തി​രു​വ​ന​ന്ത​പു​രം വി​ട്ട​ത്.