Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമുഖ്യമന്ത്രിക്കുവേണ്ടി...

മുഖ്യമന്ത്രിക്കുവേണ്ടി വിദേശ കറൻസി കടത്തിയെന്ന്​ സ്വർണക്കടത്ത്​ പ്രതികളുടെ മൊഴി

text_fields
bookmark_border
pinarayi vijayan swapna suresh
cancel

കൊച്ചി: മുഖ്യമന്ത്രി പിണറായി വിജയനുവേണ്ടി വിദേശ കറൻസി കടത്തിയെന്ന് സ്വർണക്കടത്ത് കേസിലെ പ്രതികളുടെ മൊഴി. യു.എ.ഇ കോൺസുലേറ്റിലെ സാമ്പത്തിക വിഭാഗം ഉദ്യോഗസ്ഥൻ ഖാലിദ് പ്രതിയായ ഡോളർ കടത്ത് കേസിൽ ജൂലൈ 29ന് കസ്​റ്റംസ് അയച്ച കാരണം കാണിക്കൽ നോട്ടീസിലാണ് മുഖ്യമന്ത്രിയെ ബന്ധപ്പെടുത്തി പ്രതികളായ സ്വപ്ന സുരേഷി​െൻറയും സരിത്തിെൻറയും മൊഴിയും ഉൾപ്പെട​ുത്തിയിട്ടുള്ളത്. സ്വപ്ന, സരിത്ത് എന്നിവർ ഉൾപ്പെടെ ആറ് പ്രതികൾക്കാണ് കാരണം കാണിക്കൽ നോട്ടീസ് അയച്ചിരിക്കുന്നത്.

2017ൽ യു.എ.ഇയിലേക്കുള്ള മുഖ്യമന്ത്രിയുടെ ആദ്യ യാത്രയിൽ ഡോളർ കടത്തിയെന്നാണ് ആരോപണം. യു.എ.ഇ കോൺസുലേറ്റിലെ അഡ്മിൻ അറ്റാഷെ അഹമ്മദ് അൽദൗഖി വഴിയായിരുന്നു ഡോളർ കടത്ത്​. മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കറിെൻറ നിർദേശപ്രകാരം സരിത്താണ് ഡോളർ വാങ്ങി അൽദൗഖിക്ക് കൈമാറിയതെന്ന് സ്വപ്ന പറയുന്നു.

2017​െൻറ തുടക്കത്തിൽ മുഖ്യമന്ത്രി യു.എ.ഇയിലേക്ക് പോയിരുന്നു. അവിടെ എത്തിയതിനുശേഷം ശിവശങ്കർ തന്നെ ഫോണിൽ വിളിച്ചു. ഒരുപൊതി മറന്നുവെച്ചെന്നും അത് മുഖ്യമന്ത്രിക്ക് എത്തിച്ചുനൽകണമെന്നുമാണ്​ ആവശ്യപ്പെട്ടത്. കോൺസുലേറ്റിലെ അഡ്മിൻ അറ്റാഷെയായ അഹമ്മദ് അൽദൗഖി മുഖേന പൊതി എത്തിക്കണമെന്നാണ്​ ആവശ്യപ്പെട്ടത്. ഇത്​ സെക്ര​ട്ടേറിയേറ്റിലെത്തി വാങ്ങിയത്​ സരിത്താണെന്നും സ്വപ്​ന പറയുന്നു. മുൻ സ്​പീക്കർ പി. ശ്രീരാമകൃഷ്ണനുവേണ്ടി ഡോളർ കടത്തിയതായി സരിത്ത് തന്നോട് പറഞ്ഞിട്ടുണ്ടെന്നും സ്വപ്നയുടെ മൊഴിയുണ്ട്.

പൊതി വാങ്ങിയത് പൊതുഭരണ വകുപ്പ് ഉദ്യോഗസ്ഥനായ ഹരികൃഷ്ണനിൽനിന്നാണെന്ന് സരിത്ത് പറഞ്ഞെന്നും കസ്​റ്റംസ് വെളിപ്പെടുത്തുന്നു. ആകാംക്ഷ തോന്നി പൊതി സ്കാനർ ഉപയോഗിച്ച് പരിശോധിച്ചപ്പോഴാണ് കറൻസി കണ്ടതെന്ന് സരിത്ത് തന്നോട് പറഞ്ഞതായും സ്വപ്നയുടെ മൊഴിയിലുണ്ട്​. അഡ്മിൻ അറ്റാഷെയാണ് ഇത്​ മുഖ്യമന്ത്രിക്ക് കൈമാറിയതെന്നും മൊഴിയിലുണ്ട്. ഇതുസംബന്ധിച്ച് ശിവശങ്കറിനോട് വിശദീകരണം തേടിയിരു​െന്നന്ന് കസ്​റ്റംസ് വ്യക്തമാക്കി. മുഖ്യമന്ത്രിക്ക് പൊതി എത്തിച്ചുനൽകിയത് ശിവശങ്കർ സ്ഥിരീകരിച്ചിട്ടുണ്ട്. എന്നാൽ, പ്രതിനിധികൾക്ക് നൽകാനുള്ള സമ്മാനമാണ് അതിലുണ്ടായിരുന്നതെന്നാണ് ശിവശങ്കർ പറഞ്ഞത്. അതേസമയം, പൊതി ആരാണ് എത്തിച്ചത് എന്നതിനെക്കുറിച്ച് അറിയില്ലെന്നും ശിവശങ്കർ പറയുന്നു.

2020 നവംബർ 27ന്​ സ്വപ്​ന കസ്​റ്റംസിന്​ നൽകിയ മൊഴിയിലാണ്​ ഇക്കാര്യം വെളിപ്പെടുത്തിയിരിക്കുന്നത്​. കാരണം കാണിക്കൽ നോട്ടീസിലെ 10ാം ഖണ്ഡികയിലാണ്​ മുഖ്യമന്ത്രിയെക്കുറിച്ച പരാമർശമുള്ളത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Gold smuggling caseswapnaPinarayi Vijayan
News Summary - swapna's statement against cm came out
Next Story