സ്വപ്​നയുടെ അഭിഭാഷകന്​ മുൻകൂർ ജാമ്യം

കൊച്ചി: കെ.എസ്​.ആർ.ടി.സി ഡ്രൈവറെ വേഷത്തിന്‍റെ പേരിൽ സമൂഹ മാധ്യമങ്ങളിലൂടെ മതപരമായി അധിക്ഷേപിച്ചതിന്​ സ്വപ്​ന സുരേഷി​ന്‍റെ അഭിഭാഷകൻ കൃഷ്​ണരാജിന്​ എറണാകുളം പ്രിൻസിപ്പൽ സെഷൻസ്​ കോടതി മുൻകൂർ ജാമ്യം അനുവദിച്ചു.

തൃശൂർ സ്വദേശിയായ അഭിഭാഷകൻ അനൂപ്​ വി.ആർ. നൽകിയ കേസിൽ സെൻട്രൽ പൊലീസ്​ കേസ്​ രജിസ്​റ്റർ ചെയ്​തതോടെയാണ്​ അഭിഭാഷകൻ മുൻകൂർ ജാമ്യം തേടി കോടതിയെ സമീപിച്ചത്​.

കെ.എസ്​.ആർ.ടി.സി മാവേലിക്കര ഡിപ്പോയിലെ ഡ്രൈവറുടെ ചിത്രം ഫേസ്​ബുക്കിൽ പങ്കുവെച്ചതിനൊപ്പം ചേർത്ത കുറിപ്പാണ്​ കേസിനാധാരം.