സ്വപ്ന സുരേഷിനെ ജ​യി​ലി​ലെ​ത്തി ഭീ​ഷ​ണി​പ്പെ​ടു​ത്തി​യെ​ന്ന പ​രാ​തി: ഹരജി വാദത്തിന്​ മാറ്റി

കൊ​ച്ചി: സ്വ​ർ​ണ​ക്ക​ട​ത്ത് കേ​സ് പ്ര​തി സ്വ​പ്ന സു​രേ​ഷി​നെ ജ​യി​ലി​ലെ​ത്തി ഭീ​ഷ​ണി​പ്പെ​ടു​ത്തി​യെ​ന്ന പ​രാ​തി​യി​ൽ കേ​സെ​ടു​ത്ത് അ​ന്വേ​ഷി​ക്ക​ണ​മെ​ന്ന മ​ജി​സ്​​ട്രേ​റ്റ്​ കോ​ട​തി ഉ​ത്ത​ര​വ് ചോ​ദ്യം ചെ​യ്ത് സ​ർ​ക്കാ​ർ ന​ൽ​കി​യ ഹ​ര​ജി ഹൈ​കോ​ട​തി വാ​ദ​ത്തി​നാ​യി മാ​റ്റി.

അ​ട്ട​ക്കു​ള​ങ്ങ​ര ജ​യി​ലി​ലെ​ത്തി ചി​ല​ർ ഭീ​ഷ​ണി​പ്പെ​ടു​ത്തി​യെ​ന്ന ആ​രോ​പ​ണ​ത്തെ തു​ട​ർ​ന്നു​ള്ള ഹ​ര​ജി​യി​ൽ തി​രു​വ​ന​ന്ത​പു​രം ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി പു​റ​പ്പെ​ടു​വി​ച്ച ഉ​ത്ത​ര​വ് റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ട്​ ന​ൽ​കി​യ ഹ​ര​ജി​യാ​ണ്​ 19 ന് ​പ​രി​ഗ​ണി​ക്കാ​ൻ ജ​സ്റ്റി​സ് വി.​ജി. അ​രു​ൺ മാ​റ്റി​യ​ത്.

ഉ​ന്ന​ത​രു​ടെ പേ​ര്​ വെ​ളി​പ്പെ​ടു​ത്ത​രു​തെ​ന്നും വ്യാ​ജ മൊ​ഴി ന​ൽ​ക​ണ​മെ​ന്നു​മാ​വ​ശ്യ​പ്പെ​ട്ട് പൊ​ലീ​സെ​ന്ന് സം​ശ​യി​ക്കു​ന്ന ചി​ല​ർ ഭീ​ഷ​ണി​പ്പെ​ടു​ത്തി​യെ​ന്നാ​യി​രു​ന്നു സ്വ​പ്ന​യു​ടെ ആ​രോ​പ​ണം. തു​ട​ർ​ന്ന് നെ​യ്യാ​റ്റി​ൻ​ക​ര സ്വ​ദേ​ശി അ​ഡ്വ. പി. ​നാ​ഗ​രാ​ജ് സ​മ​ർ​പ്പി​ച്ച ഹ​ര​ജി​യി​ലാ​ണ് ഫോ​ർ​ട്ട് പൊ​ലീ​സി​നോ​ട്​ കേ​സെ​ടു​ത്ത്​ അ​ന്വേ​ഷി​ക്കാ​ൻ മ​ജി​സ്ട്രേ​റ്റ് കോ​ട​തി ഉ​ത്ത​ര​വി​ട്ട​ത്.

ഇ​തി​നെ​തി​രെ സ്റ്റേ​ഷ​ൻ ഹൗ​സ് ഓ​ഫി​സ​ർ​ക്ക് വേ​ണ്ടി സ​ർ​ക്കാ​ർ ഹൈ​കോ​ട​തി​യെ സ​മീ​പി​ക്കു​ക​യാ​യി​രു​ന്നു. കേ​സി​ലെ തു​ട​ർ ന​ട​പ​ടി​ക​ൾ നി​ല​വി​ൽ സ്റ്റേ ​ചെ​യ്തി​രി​ക്കു​ക​യാ​ണ്.