Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightനാണയം വിഴുങ്ങിയതല്ല...

നാണയം വിഴുങ്ങിയതല്ല കുട്ടിയുടെ മരണകാരണം; ശ്വാസതടസമുണ്ടായിരുന്നുവെന്ന്​ രാസപരിശോധന ഫലം

text_fields
bookmark_border
നാണയം വിഴുങ്ങിയതല്ല കുട്ടിയുടെ മരണകാരണം; ശ്വാസതടസമുണ്ടായിരുന്നുവെന്ന്​ രാസപരിശോധന ഫലം
cancel

കൊച്ചി: ആലുവയിൽ നാണയം വിഴുങ്ങിയ മൂന്നുവയസുകാരൻ മരിച്ചത്​ ശ്വാസതടസം മൂലം. നാണയം വിഴുങ്ങിയതിനെ തുടർന്നല്ല​ ശ്വാസ തടസമുണ്ടായതെന്ന്​ രാസപരിശോധന ഫലം. കുഞ്ഞിന്​ നേരത്തെയും ശ്വാസതടസമുണ്ടായിരുന്നതായും പറയുന്നു.

ആലുവ കടുങ്ങല്ലൂരിൽ വാടകക്ക്​ താമസിക്കുന്ന നന്ദിനി -രാജ്യ ദമ്പതികളുടെ ഏക മകനായ പൃഥിരാജാണ്​ ആഴ്​ചകൾക്ക്​ മുമ്പ്​ മരിച്ചത്​. നാണയം വിഴ​ുങ്ങിയതിനെ തുടർന്ന്​ മൂന്ന്​ ആശുപത്രികളിൽ ചികിത്സക്ക്​ എത്തിച്ചെങ്കിലും അവിടെ​െയല്ലാം ചികിത്സ നിഷേധിച്ചതാണ്​ കുട്ടി മരിക്കാൻ കാരണമെന്ന്​ ആരോപണം ഉയർന്നിരുന്നു.

സംശയകരമായതൊന്നും കുഞ്ഞി​െൻറ ശരീരത്തിൽ കണ്ടെത്തിയിട്ടില്ല. കുഞ്ഞിന്​ ​മുമ്പും ശ്വാസതടസുമുണ്ടായിരുന്നു. കുഞ്ഞി​െൻറ ശ്വാസകോശത്തിന്​ തകരാർ സംഭവിച്ചിരുന്നു. നാണയം കടന്നുപോയ സ്​ഥലങ്ങളിൽ മുറിവോ പഴുപ്പോ ഉണ്ടായിരുന്നില്ല. രാസപരിശോധന ഫലം പൊലീസ്​ സർജന്​ കൈമാറി. കുട്ടി വിഴുങ്ങിയ നാണയം വൻകുടലും കടന്ന്​ എത്തിയിരുന്നതായി പോസ്​റ്റുമോർട്ടം റിപ്പോർട്ടിൽ വ്യക്തമായിരുന്നു.

കുട്ടി നാണയം വിഴുങ്ങിയതോടെ ആദ്യം ആലുവ സർക്കാർ ആശുപത്രിയിൽ എത്തിക്കുകയായിരുന്നു. അവിടെനിന്ന്​ എറണാകുളം ജനറൽ ആശുപത്രിയിലേക്ക്​ അയച്ചു. അവിടെ ശിശുരോഗ വിദഗ്​ധൻ ഇല്ലാത്തതിനാൽ ആലപ്പുഴ മെഡിക്കൽ കോളജിലേക്ക്​ അയക്കുകയായിരുന്നു. ആശുപത്രിയിലെത്തിച്ച​േപ്പാഴെല്ലാം കുഴപ്പമില്ലെന്നും വെള്ളവും പഴവും നൽകിയാൽ നാണയം തനിയെ പോകുമെന്നും​ ഡോക്​ടർമാർ പറയുകയായിരുന്നു. എന്നാൽ തിരികെ വീട്ടിലെത്തിച്ച കുട്ടിയുടെ ആരോഗ്യ നില വഷളായി. തുടർന്ന്​ ആലുവ ആശുപത്രിയിലെത്തിച്ച കുട്ടി മരിച്ചു. ആശുപത്രികളിൽ ചികിത്സ നിഷേധിച്ചതാണ്​ മരണത്തിന്​ ഇടയാക്കിയതെന്ന ആരോപണം ഉയർന്നിരുന്നു. ഇതോടെ ആരോഗ്യമന്ത്രി കെ.കെ. ശൈലജ അന്വേഷണത്തിന്​ ഉത്തരവിട്ടു. സംസ്​ഥാന മനുഷ്യാവകാശ കമീഷനും കേസെടുത്ത്​ അന്വേഷണത്തിന്​ ഉത്തരവിട്ടിരുന്ന​ു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:aluvachild deathcoinswallowing coin
News Summary - swallowing coin Child Severe Breathing Problem
Next Story