Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഅലന്‍റേതെന്ന്...

അലന്‍റേതെന്ന് സംശയിക്കുന്ന മൃതദേഹം കണ്ടെത്തി; ഡി.എൻ.എ പരിശോധന നടത്തും

text_fields
bookmark_border
landslide kottayam
cancel

ഗാന്ധിനഗർ: പ്രകൃതിദുരന്തത്തിൽപെട്ട് കാണാതായ കൂട്ടിക്കൽ പ്ലാപ്പള്ളി ആറ്റുചാലിൽ ജോമിയുടെ മകൻ അല​േൻറത്​ (13) എന്ന് സംശയിക്കുന്ന മൃതദേഹം കണ്ടെത്തി. തിങ്കളാഴ്ച വൈകീട്ട് 5.30ന് കൂട്ടിക്കൽ താളുങ്കൽ മടിയ്ക്കാങ്കൽ ചാക്കോയുടെ വീടിന്​ സമീപമുള്ള താളുങ്കൽതോട്ടിൽനിന്നാണ്​ കണ്ടെത്തിയത്. താളുങ്കൽ അംഗൻവാടിയിലെ അധ്യാപിക ഉഷയാണ് മൃതദേഹം തോട്ടിൽകിടക്കുന്നത് കണ്ടത്. അവർ പഞ്ചായത്ത് വൈസ് പ്രസിഡൻറ് ജെസി ജോസിനെ അറിയിച്ചു. മുണ്ടക്കയം പൊലീസെത്തി മൃതദേഹം കാഞ്ഞിരപ്പള്ളി മോർച്ചറിയിലേക്ക് മാറ്റി. ഫോറൻസിക് വിഭാഗത്തി​െൻറ പരിശോധനക്കുശേഷമേ അല​െൻറ മൃതദേഹം ആണോയെന്ന്​ ഔദ്യോഗികമായി പറയാൻ കഴിയൂവെന്ന് അധികൃതർ പറഞ്ഞു.

അതേസമയം കഴിഞ്ഞ ദിവസം അല​േൻറതെന്ന് കരുതി ബന്ധുക്കളുടെ സാന്നിധ്യത്തിൽ മുണ്ടക്കയം പൊലീസ് കോട്ടയം മെഡിക്കൽ കോളജ് മോർച്ചറിയിൽ പോസ്​റ്റ്​മോർട്ടത്തിനായി ഒരു മൃതദേഹം കൊണ്ടുവന്നിരുന്നു. ഇത്​ പതിമൂന്നുകാര​േൻറത​െല്ലന്ന് ഫോറൻസിക് ഡോക്ടർമാർ കണ്ടെത്തുകയും വിവരം പൊലീസിനെയും ബന്ധുക്കളെയും അറിയിക്കുകയും ചെയ്തു. തുടർന്ന് ഇന്നലെയും പൊലീസി​െൻറ നേതൃത്വത്തിൽ തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞില്ല. തിരച്ചിൽ നിർത്തി​െവച്ച ശേഷമാണ് ഒരു മൃതദേഹം തോട്ടിൽ കിടക്കുന്നതായറിഞ്ഞ്​ പൊലീസെത്തി കാഞ്ഞിരപ്പള്ളി ഗവ. ആശുപത്രി മോർച്ചറിയിലേക്ക് മാറ്റിയത്.

അതേസമയം കോട്ടയം മെഡിക്കൽ കോളജ് മോർച്ചറിയിൽ അല​േൻറതെന്ന് പറഞ്ഞ് മുണ്ടക്കയം പൊലീസ് കൊണ്ടുവന്ന തലയില്ലാത്ത മൃതദേഹം, കൂട്ടിക്കൽ പഞ്ചായത്തിലെ മൂന്നാം വാർഡിൽപെട്ട ഷാജിയെന്ന ആളാണോയെന്ന് സംശയിക്കുന്നുണ്ട്​. അവിവാഹിതനായി ഒറ്റക്ക്​ താമസിച്ചിരുന്ന ഇയാൾ നാട്ടുകാരുമായി സൗഹൃദം ഇല്ലാത്തയാളാണ്. നാട്ടിൽനിന്ന് പോയാൽ രണ്ടാഴ്ചയോ ചിലപ്പോൾ ഒരു മാസം കഴിഞ്ഞോ ആണ്​ തിരികെയെത്താറുള്ളത്​. ഇയാൾക്ക് റേഷൻ കാർഡോ മറ്റ് രേഖകളോ ഇല്ലായിരുന്നെന്നും ഈ വാർഡിലെ മുൻ പഞ്ചായത്ത് മെംബർ കൂടിയായ വൈസ് പ്രസിഡൻറ് ജെസി ജോസ് പറഞ്ഞു. മൃതദേഹം ഇയാളുടേതായിരിക്കാമെന്നും ​െജസി ജോസ് പറയുന്നു. എന്നാൽ, പൊലീസും റവന്യൂ അധികൃതരും പറയുന്ന പ്രകൃതിദുരന്തംമൂലം മരണപ്പെട്ടവരുടെ ലിസ്​റ്റിൽ ഈ മൃതദേഹത്തെക്കുറിച്ച് പറയുന്നുമില്ല.

Show Full Article
TAGS:heavy rain koottickal DNA testing Landslide 
News Summary - Suspicion that leg obtained with body is not Alen's DNA testing
Next Story