പൊ​ലീ​സ്​ പു​റ​ത്തു​വി​ട്ട വിഡിയോയിൽ ദുരൂഹത; മത്സ്യവിൽപനക്കാരിയുടെ പരാതി വ്യാജമെന്ന്​ തെളിയിക്കാൻ ശ്രമം

തി​രു​വ​ന​ന്ത​പു​രം: ക​ര​മ​ന​യി​ല്‍ വ​ഴി​യോ​ര​ത്ത് വി​ല്‍പ​ന​ക്ക്​ വെ​ച്ച മ​ത്സ്യം ത​ട്ടി​ത്തെ​റി​പ്പി​ച്ചെ​ന്ന പ​രാ​തി വ്യാ​ജ​മെ​ന്ന് തെ​ളി​യി​ക്കാ​നു​ള്ള ശ്ര​മ​ത്തി​ൽ പൊ​ലീ​സ്. ദൃ​ക്​​സാ​ക്ഷി​യെ ഉ​ൾ​പ്പെ​ടെ രം​ഗ​ത്തി​റ​ക്കി​യാ​ണ്​ പൊ​ലീ​സി​െൻറ നീ​ക്കം. എ​ന്നാ​ൽ, പൊ​ലീ​സ്​ ത​ന്നെ​യാ​ണ്​ ത​െൻറ മ​ത്സ്യ​വും പാ​ത്ര​വും ച​വി​ട്ടി​ത്തെ​റി​പ്പി​ച്ച​തെ​ന്ന നി​ല​പാ​ടി​ൽ ഉ​റ​ച്ചു​നി​ൽ​ക്കു​ക​യാ​ണ്​ പ​രാ​തി​ക്കാ​രി. അ​തി​നി​ടെ പ​രാ​തി ശ്ര​ദ്ധ​യി​ൽ​പെ​ട്ട തൊ​ഴി​ൽ​മ​ന്ത്രി വി. ​ശി​വ​ൻ​കു​ട്ടി വി​ഷ​യ​ത്തി​ൽ ഇ​ട​പെ​ട്ടു. സം​ഭ​വ​ത്തെ​ക്കു​റി​ച്ച്​ അ​ന്വേ​ഷി​ച്ച്​ റി​പ്പോ​ർ​ട്ട്​ സ​മ​ർ​പ്പി​ക്കാ​ൻ ജി​ല്ല തൊ​ഴി​ൽ ഒാ​ഫി​സ​ർ​ക്ക്​ നി​ർ​ദേ​ശം ന​ൽ​കി.

ക​ഴി​ഞ്ഞ​ദി​വ​സം ക​ര​മ​ന പാ​ല​ത്തി​ന്​ സ​മീ​പ​മു​ള്ള ഫു​ട്​​പാ​ത്തി​ൽ മ​ത്സ്യം വി​ൽ​ക്കു​ക​യാ​യി​രു​ന്ന വ​ലി​യ​തു​റ സ്വ​ദേ​ശി​നി മ​രി​യ പു​ഷ്​​പ​ത്തി​െൻറ മ​ത്സ്യ​വും പാ​ത്ര​വും പൊ​ലീ​സു​കാ​ർ ച​വി​ട്ടി​ത്തെ​റി​പ്പി​ച്ചെ​ന്നാ​ണ്​ പ​രാ​തി. ഇ​തി​നെ​തു​ട​ർ​ന്ന്​ സ്ഥ​ല​ത്ത്​ ശ​ക്ത​മാ​യ പ്ര​തി​ഷേ​ധ​മു​ണ്ടാ​യി. അ​തി​ന്​ പി​ന്നാ​ലെ​യാ​ണ്​ ത​ങ്ങ​ൾ​ക്ക്​​ പ​ങ്കി​ല്ലെ​ന്ന്​ വ്യ​ക്ത​മാ​ക്കു​ന്ന തെ​ളി​വു​ക​ളു​മാ​യി പൊ​ലീ​സ്​ രം​ഗ​ത്തെ​ത്തി​യ​ത്.

മ​ത്സ്യ​വി​ൽ​പ​ന​ക്കാ​രി​യാ​ണ്​ പാ​ത്രം ത​ട്ടി​യി​ട്ട​തെ​ന്ന വെ​ളി​പ്പെ​ടു​ത്ത​ലു​മാ​യി ദൃ​ക്​​സാ​ക്ഷി ക​ര​മ​ന സ്വ​ദേ​ശി രം​ഗ​ത്തെ​ത്തി. പൊ​ലീ​സു​കാ​ർ ജീ​പ്പി​ലി​രു​ന്നാ​ണ്​ അ​വ​രോ​ട്​ സം​സാ​രി​ച്ച​തെ​ന്നും അ​വ​ർ പോ​യ​ശേ​ഷ​മാ​ണ്​ പാ​ത്രം ത​ട്ടി​യി​ട്ട​തെ​ന്നും ഇ​യാ​ൾ പ​റ​യു​ന്നു.

ഇ​തി​ന്​ സ​ഹാ​യ​ക​മാ​കു​ന്ന സി.​സി.​ടി.​വി ദൃ​ശ്യ​ങ്ങ​ളും പൊ​ലീ​സ്​ പു​റ​ത്തു​വി​ടു​ന്നു​ണ്ട്. പൊ​ലീ​സ്​ ജീ​പ്പ്​ മ​ത്സ്യ​ത്തൊ​ഴി​ലാ​ളി​ക്ക്​ സ​മീ​പം നി​ർ​ത്തി സം​സാ​രി​ക്കു​ന്ന​ത്​ ദൃ​ശ്യ​ത്തി​ൽ കാ​ണാം. എ​ന്നാ​ൽ, പൊ​ലീ​സ്​ വാ​ഹ​നം പോ​കു​ന്ന​ത്​ ദൃ​ശ്യ​ത്തി​ലി​ല്ല. ഇ​ത്​​ ദു​രൂ​ഹ​ത കൂ​ട്ടു​ന്നു. ഇ​തു​സം​ബ​ന്ധി​ച്ച പ​രാ​തി​യു​ടെ അ​ടി​സ്ഥാ​ന​ത്തി​ൽ ജീ​പ്പ്​ നി​ർ​ത്തി​യി​രു​ന്ന സ്ഥ​ല​വും ഫു​ട്​​പാ​ത്തും ത​മ്മി​ലെ അ​ക​ലം ഉ​ൾ​പ്പെ​ടെ പ​രി​ശോ​ധി​ക്കു​ക​യും തെ​ളി​വെ​ടു​പ്പ്​ ന​ട​ത്തു​ക​യും ചെ​യ്​​തു.

അ​സി. ക​മീ​ഷ​ണ​ർ ഉ​ൾ​പ്പെ​ടെ സ്ഥ​ലം സ​ന്ദ​ർ​ശി​ച്ചു. തൊ​ഴി​ൽ വ​കു​പ്പ്​ അ​ധി​കൃ​ത​രും സ്ഥ​ല​ത്തെ​ത്തി. തൊ​ഴി​ൽ​വ​കു​പ്പി​െൻറ അ​ന്വേ​ഷ​ണ റി​പ്പോ​ർ​ട്ട്​ ല​ഭി​ച്ച​ശേ​ഷം തു​ട​ർ​ന​ട​പ​ടി​ക​ൾ കൈ​ക്കൊ​ള്ളു​മെ​ന്ന്​ വ​കു​പ്പ്​ വൃ​ത്ത​ങ്ങ​ൾ വ്യ​ക്ത​മാ​ക്കി. ത​നി​ക്കു​നേ​രെ പൊ​ലീ​സ്​ അ​തി​ക്ര​മം കാ​ട്ടി​യെ​ന്ന ആ​ക്ഷേ​പ​ത്തി​ൽ പ​രാ​തി​ക്കാ​രി മ​രി​യ പു​ഷ്​​പം ഉ​റ​ച്ചു​നി​ൽ​ക്കു​ക​യാ​ണ്.