സം‍ശയം: ഗർഭിണിയായ ഭാര്യ​യെ ചവിട്ടിയും മർദിച്ചും കൊലപ്പെടുത്തിയ കേസിൽ ഭർത്താവിന്​ ജീവപര്യന്തം

തിരുവനന്തപുരം: ഗർഭിണിയായ ഭാര്യ​യെ ചവിട്ടിയും മർദിച്ചും കൊലപ്പെടുത്തിയ കേസിൽ ഭർത്താവിന്​ ജീവപര്യന്തം തടവും പിഴയും. കോട്ടൂർ സ്വദേശി സിന്ധുവിനെ (20) കൊല​പ്പെടുത്തിയ കേസിലാണ്​ ഭർത്താവ് സുശാന്തിനെ (39) തിരുവനന്തപുരം അഡീഷനൽ ജില്ല ജഡ്‌ജി ജയവന്ത്​ ശിക്ഷിച്ചത്​. ജീവപര്യന്തം കഠിന തടവിനു​ പുറമെ 50,000 രൂപ പിഴയ​ുമുണ്ട്​.

2006 ഡിസംബർ 21 നാണ് സംഭവം. സിന്ധു ഗർഭിണിയായത് പരപുരുഷ ബന്ധം കാരണമെന്ന സംശയത്തിലായിരുന്നു ഭർത്താവി​െൻറ കടുംകൈ. കുടുംബിനിയായ സ്‌ത്രീയെ സംരക്ഷിക്കേണ്ട ചുമതലയുള്ള ഭർത്താവ് ചെയ്‌ത പ്രവൃത്തി കുറച്ചുകാണാൻ കഴിയില്ലെന്നും ഈ വിധി സമൂഹത്തിന് ഒരു പാഠമാകണമെന്നും വിധിയിൽ പറഞ്ഞു.