രജിസ്​ട്രാർക്ക്​ സസ്​പെൻഷൻ അധികാരം: സഹകരണ മേഖലയിൽ പുതിയ​ പോർമുഖം ഒരുങ്ങുന്നു

തി​രു​വ​ന​ന്ത​പു​രം: ഗു​രു​ത​ര ക്ര​മ​ക്കേ​ടു​ക​ൾ ക​ണ്ടെ​ത്തി​യാ​ൽ ര​ജി​സ്ട്രാ​ർ​ക്ക് സ​ഹ​ക​ര​ണ സം​ഘം ഭ​ര​ണ​സ​മി​തി​യെ സ​സ്​​പെ​ൻ​ഡ്​ ചെ​യ്യാ​ൻ അ​ധി​കാ​ര​മു​ണ്ടെ​ന്ന ​ഹൈ​കോ​ട​തി​വി​ധി സ​ഹ​ക​ര​ണ മേ​ഖ​ല​യി​ൽ നി​ർ​ണാ​ക​യ​മാ​കും. ​സ​ഹ​ക​ര​ണ മേ​ഖ​ല​യി​ൽ ക്ര​മ​ക്കേ​ടു​ക​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ ര​ജി​സ്​​ട്രാ​റു​ടെ സ​സ്​​പെ​ൻ​ഷ​ൻ അ​ധി​കാ​രം അ​ഴി​മ​തി ത​ട​യാ​ൻ ഗു​ണ​ക​ര​മാ​കു​മെ​ന്നാ​ണ്​ ​പൊ​തു​വി​ല​യി​രു​ത്ത​ൽ.

എ​ന്നാ​ൽ, സ​ർ​ക്കാ​റി​ന്​ താ​ൽ​പ​ര്യ​മി​ല്ലാ​ത്ത സ​ഹ​ക​ര​ണ ഭ​ര​ണ​സ​മി​തി​ക​ൾ​ക്കെ​തി​രെ ആ​രോ​പ​ണ​മു​ന്ന​യി​ച്ച്​ ന​ട​പ​ടി​യെ​ടു​ക്കാ​നു​ള്ള സാ​ധ്യ​ത​യാ​ണ്​ ഇ​തി​ലൂ​ടെ തു​റ​ക്ക​പ്പെ​ടു​ന്ന​തെ​ന്ന ആ​ശ​ങ്ക​യും ഒ​രു​വി​ഭാ​ഗം സ​ഹ​കാ​രി​ക​ൾ ഉ​യ​ർ​ത്തു​ന്നു.

ഇ​ടു​ക്കി നെ​ടു​ങ്ക​ണ്ടം ഡീ​ലേ​ഴ്‌​സ് സ​ഹ​ക​ര​ണ സം​ഘം ഭ​ര​ണ​സ​മി​തി​യെ സ​സ്​​പെ​ൻ​ഡ് ചെ​യ്ത​തു​മാ​യി ബ​ന്ധ​പ്പെ​ട്ട കേ​സി​ലാ​ണ്​ സ​ഹ​ക​ര​ണ മേ​ഖ​ല​യി​ൽ രാ​ഷ്ട്രീ​യ​മാ​യി പു​തി​യ ​പോ​ർ​മു​ഖ​ങ്ങ​ൾ തു​റ​ക്കാ​നി​ട​യാ​ക്കു​ന്ന വി​ധി​യു​ണ്ടാ​യ​ത്. നി​ല​വി​ലെ സ​ഹ​ക​ര​ണ നി​യ​മ​ത്തി​ലും ച​ട്ട​ങ്ങ​ളി​ലും ഇ​ത്ത​ര​ത്തി​ൽ സ​സ്​​പെ​ഷ​ന്​ വ്യ​വ​സ്ഥ​യി​ല്ല.

ക്ര​മ​ക്കേ​ടു​ണ്ടെ​ങ്കി​ൽ ര​ജി​സ്​​ട്രാ​ർ​ക്ക്​ ന​ട​പ​ടി​യെ​ടു​ക്കാ​നു​ള്ള സ്വാ​ത​ന്ത്ര്യ​മാ​ണ്​ കോ​ട​തി വി​ധി​യി​ലൂ​ടെ ല​ഭി​ക്കു​ന്ന​ത്. സം​ഘ​ങ്ങ​ൾ​ക്കെ​തി​രാ​യ അ​ന്വേ​ഷ​ണം പൂ​ർ​ത്തി​യാ​യാ​ൽ മാ​ത്ര​മേ ഭ​ര​ണ​സ​മി​തി പി​രി​ച്ചു​വി​ടാ​വൂ​യെ​ന്ന നി​ല​വി​ലെ നി​യ​മം സ​സ്​​പെ​ൻ​ഷ​ൻ ന​ട​പ​ടി​ക​ൾ​ക്ക് ബാ​ധ​ക​മ​ല്ലെ​ന്ന ഉ​ത്ത​ര​വി​ലെ പ​രാ​മ​ർ​ശ​വും സ​ഹ​ക​ര​ണ രം​ഗ​ത്ത്​ ര​ജി​സ്​​ട്രാ​റു​ടെ അ​ധി​കാ​രം കൂ​ടു​ത​ൽ ശ​ക്തി​പ്പെ​ടു​ത്തു​ന്ന​താ​ണ്.

ര​ജി​സ്​​ട്രാ​ർ​ക്ക്​ ഈ ​അ​ധി​കാ​രം ല​ഭി​ക്കു​ന്ന​തി​ലൂ​ടെ ദു​രു​പ​യോ​ഗ സാ​ധ്യ​ത ഏ​റെ​യാ​ണെ​ന്ന്​ സ​ഹ​ക​ര​ണ സം​ര​ക്ഷ​ണ സ​മി​തി ചെ​യ​ർ​മാ​ൻ ക​ര​കു​ളം കൃ​ഷ്ണ​പി​ള്ള ‘മാ​ധ്യ​മ’​ത്തോ​ട്​ പ​റ​ഞ്ഞു. നി​യ​മ​സ​ഭ പാ​സാ​ക്കി​യ സ​ഹ​ക​ര​ണ നി​യ​മ​ഭേ​ദ​ഗ​തി​യും സ​മാ​ന​മാ​യ അ​ധി​കാ​രം ര​ജി​സ്​​ട്രാ​ർ​ക്ക്​ ന​ൽ​കു​ന്ന​താ​ണ്. ര​ജി​സ്​​ട്രാ​ർ സ​ർ​ക്കാ​ർ ന​യ​ങ്ങ​ൾ​ക്കും നി​ർ​ദേ​ശ​ങ്ങ​ൾ​ക്കു​മ​നു​സ​രി​ച്ചാ​കും പ​ല​പ്പോ​ഴും പ്ര​വ​ർ​ത്തി​ക്കു​ക.

ക്ര​മ​ക്കേ​ടു​ണ്ടെ​ങ്കി​ൽ അ​ന്വേ​ഷി​ച്ച്​ ബോ​ധ്യ​പ്പെ​ട്ട ശേ​ഷ​മേ ന​ട​പ​ടി​യെ​ടു​ക്കാ​വൂ. ഇ​ഷ്ട​മ​ല്ലാ​ത്ത സം​ഘ​ങ്ങ​ൾ​ക്കെ​തി​രെ ന​ട​പ​ടി​യെ​ടു​ക്കു​ന്ന​ത്​ അ​ന​ഭി​ല​ഷ​ണീ​യ സാ​ഹ​ച​ര്യം സൃ​​ഷ്​​ടി​ക്കും. ​പി​ടി​ച്ചെ​ടു​ക്കാ​ൻ ക​ഴി​യാ​ത്ത സം​ഘ​ങ്ങ​ളെ ര​ജി​സ്​​ട്രാ​റെ ഉ​പ​യോ​ഗി​ച്ച്​ സ​സ്​​പെ​ൻ​ഡ്​ ചെ​യ്ത്​ പ്ര​തി​ന്ധി​യി​ലാ​ക്കു​ന്ന സ്ഥി​തി​യു​ണ്ടാ​കു​ന്ന​ത്​ ഗു​ണ​ക​ര​മ​​​​ല്ലെ​ന്നും അ​ദ്ദേ​ഹം പ​റ​ഞ്ഞു.