റെയിൽവേ യാത്രക്കാരന്‍റെ മൊബൈൽ മോഷ്ടിച്ച പ്രതി പിടിയിൽ

കൊച്ചി: റെയിൽവേ സ്റ്റേഷനിൽ നിന്നും യാത്രക്കാരന്‍റെ മൊബൈൽ മോഷ്ടിച്ച പ്രതി പിടിയിലായി. തമിഴ്നാട് സ്വദേശി മുരുകൻ മുനിയാണ്ടി (41) ആണ് പിടിയിലായത്.

എറണാകുളം സൗത്ത് റെയിൽവേ സ്റ്റേഷൻ വിശ്രമമുറിയിൽ നിന്നാണ് ഇയാൾ മൊബൈൽ മോഷ്ടിച്ചത്. ഇന്നലെ രാവിലെയായിരുന്നു സംഭവം. എറണാകുളം സ്വദേശികളാണ് പരാതിക്കാർ.

ഉച്ചയോടെ പിടികൂടിയ പ്രതി കോടതിയിൽ ഹാജരാക്കി റിമാൻഡ് ചെയ്തു. എറണാകുളം സൗത്ത് ആർ.പി.എഫ് ഇൻസ്പെക്ടർ ബിനോയി ആന്റണി, സ്ക്വാഡ് എസ്.ഐ മണികണ്ഠൻ, എ.എസ്.ഐ രമേശ്, ജുബിഷ്, അൻസാർ എന്നിവരാണ് പ്രതിയെ പിടിക്കുടിയത്.