സൂര്യയും ഇഷാനും ഒന്നായി; രാജ്യത്തെ ആദ്യ ട്രാൻസ്​ജെൻഡർ വിവാഹം VIDEO

തിരുവനന്തപുരം: തിങ്ങിനിറഞ്ഞ സദസ്സിനെ സാക്ഷിയാക്കി ഇഷാൻ താലിചാർത്തി ഒപ്പം കൂട്ടിയത്​ സൂര്യയെ മാത്രമായിരുന്നില്ല, വിവാഹചരിത്രത്തെകൂടിയായിരുന്നു. സംസ്​ഥാനത്തെ ആദ്യ ട്രാൻസ്​​​െജൻഡർ ദമ്പതികളെന്ന സവിശേഷതയോടെയാണ്​ ഇൗ ദമ്പതികളെ ചരിത്രം ഇനി അടയാളപ്പെടുത്തുക. ലിംഗമാറ്റ ശസ്ത്രക്രിയയിലൂടെ സ്ത്രീയായി മാറിയ സൂര്യയും പുരുഷനായി മാറിയ ഇഷാൻ കെ. ഷാനും വ്യാഴ​ാഴ്​ച പ്രസ്ക്ലബിന് സമീപത്തെ മന്നം മെമ്മോറിയൽ ക്ലബിലാണ് വിവാഹിതരായത്​. 

മതാചാരങ്ങളെല്ലാം ഒഴിവാക്കി ഇരുകൂട്ടരുടെയും ബന്ധുക്കളുടെ സാന്നിധ്യത്തിലായിരുന്നു ചടങ്ങ്​. ആശീർവാദവും അനുഗ്രഹവുമായി ട്രാൻസ്​​സമൂഹം എത്തിയിരുന്നു. സ്പെഷൽ മാര്യേജ് ആക്ട് പ്രകാരമാണ് വിവാഹം. രാവിലെ ഒമ്പത​രയോടെ വധുവാണ് മണ്ഡപത്തിലേക്ക്​ കൂട്ടുകാർക്കൊപ്പം ആദ്യമെത്തിയത്​. നേരെ മേക്കപ്​ റൂമിലേക്ക്​. പത്തോടെ വ​രനുമെത്തി. ട്രാൻസ്​മാൻ വിഹാൻ പീതാംബർ​ വരനെ സ്വീകരിച്ചു​. തുടർന്ന്​ ​ആഘോഷപൂർവം വേദിയിലേക്ക്​. അൽപനേരത്തിനകം അണി​​ഞ്ഞൊരുങ്ങിയ സൂര്യയെ സദസ്സിന്​ നടുവിലൂടെ തോഴിമാർ വേദിയിലേക്ക്​ ആനയിച്ചു. പാട്ടും നൃത്തവുമായി വർണാഭമായിരുന്നു ആനയിക്കൽ. ശേഷം മണ്ഡപത്തിൽ വിവാഹം. 

കുരവയുടെ അകമ്പടിയോടെയായിരുന്നു താലി​െകട്ട്​. പിന്നാലെ പരസ്​പരം പുഷ്​പഹാരാർപ്പണം. ചടങ്ങുകൾക്ക്​ കാർമികത്വം വഹിക്കാൻ ബന്ധുക്കൾക്കൊപ്പം ട്രാൻസ്​പ്രതിനിധികളും സജീവമായിരുന്നു. മധുരവും വിതരണം ചെയ്തു. അതിഥികൾക്ക്​ വിഭവസമൃദ്ധമായ സദ്യയും ഒരുക്കിയിരുന്നു. ആറുവർഷത്തെ സൗഹൃദത്തിന് ഒടുവിലാണ് സൂര്യയും ഇഷാനും വിവാഹിതരാകുന്നത്. ഇരുകുടുംബങ്ങളുടെയും സഹകരണത്തോടെയാണ്​ വിവാഹം. സൂര്യ 2014ലും ഇഷാൻ 2015 ലുമാണ് ലിംഗമാറ്റ ശസ്ത്രക്രിയക്ക് വിധേയമായത്​. വെല്ലുവിളികള്‍ നിറഞ്ഞ വഴികളെല്ലാം ഒരുപോലെ നേരിട്ടവരാണ്​ ഇരുവരും. വിവാഹം നാടും നാട്ടുകാര​ും അറിഞ്ഞുതന്നെ വേണമെന്നത് ഇഷാ​​​​െൻറ ആഗ്രഹമായിരുന്നു. സൂര്യയും സമ്മതം മൂളി. പിന്നാലെ കുടുംബാംഗങ്ങളും ഒത്തുചേരുകയായിരുന്നു.

കേരളത്തിൽ ആദ്യമായി തിരിച്ചറിയൽ കാർഡ് സ്വന്തമാക്കി വോട്ട് ചെയ്ത ട്രാൻസ്‌ജെൻഡറാണ് സൂര്യ. സംസ്ഥാന ട്രാൻസ്‌ജെൻഡർ ജസ്​റ്റിസ്​ ബോർഡ് അംഗവു​ം ഡി.വൈ.എഫ്‌.ഐ പി.എം.ജി യൂനിറ്റ് സെക്രട്ടറിയുമാണ് സൂര്യ. ഇഷാൻ ജില്ല ട്രാൻസ്‌ജെൻഡർ ബോർഡ് അംഗമാണ്​. മേയർ വി.കെ. പ്രശാന്ത്​, മുൻ എം.പി ടി.എൻ. സീമ, കൗൺസിലർ ഐ.പി. ബിനു, ‍ഡബ്ബിങ്​ ആർട്ടിസ്​റ്റ്​ ഭാഗ്യലക്ഷ്​മി എന്നിവർ പ​െങ്കടുത്തു.