പൊലീസിനെ നോക്കാൻ 39.64 കോ​ടി​യുടെ 'വല്യേട്ടൻ': 520 സ്റ്റേഷനുകളിൽ സി.സി ടി.വി കാമറ സ്ഥാപിക്കുന്നു

തൃ​ശൂ​ർ: പൊ​ലീ​സ് സ്റ്റേ​ഷ​നു​ക​ളി​ൽ മ​ർ​ദ​ന​മു​റ​ക​ൾ വ​ർ​ധി​ക്കു​​െ​ന്ന​ന്ന്​ നി​ര​ന്ത​ര പ​രാ​തി ഉ​യ​ർ​ന്ന​തിനെ തുടർന്ന് സു​പ്രീം​കോ​ട​തി​യു​ടെ ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ൽ കാ​മ​റ സ്ഥാ​പി​ക്കുന്നു. 520 പൊ​ലീ​സ് സ്റ്റേ​ഷ​നു​ക​ളി​ലാണ് അ​ത്യാ​ധു​നി​ക സി.​സി ടി.​വി കാ​മ​റ​ക​ൾ സ്ഥാ​പി​ക്കുന്നതിന് ക​രാർ നൽകിയത്.

ഡ​ൽ​ഹി ആ​സ്ഥാ​ന​മാ​യു​ള്ള ടെ​ലി ക​മ്യൂ​ണി​ക്കേ​ഷ​ൻ ക​ൺ​സ​ൾ​ട്ട​ന്‍റ്​​സ്​ ഇ​ന്ത്യ (ടി.​സി.​ഐ.​എ​ൽ) ലി​മി​റ്റ​ഡു​മാ​യി 39.64 കോ​ടി​യു​ടെ ക​രാ​റി​ൽ സം​സ്ഥാ​നം ഒ​പ്പു​വെ​ച്ചു. 11.88 ല​ക്ഷം മു​ൻ​കൂ​റാ​യി ന​ൽ​കി.

ക​ഴി​ഞ്ഞ ദി​വ​സം കൊ​ല്ലം കി​ളി​കൊ​ല്ലൂ​രി​ൽ സ്റ്റേ​ഷ​നി​ൽ സൈ​നി​​ക​നെ​യും സ​ഹോ​ദ​ര​നെ​യും മ​ർ​ദി​ച്ച​തി​ന്‍റെ വി​വ​ര​ങ്ങ​ള​റി​യാ​ൻ സി.​സി ടി.​വി ദൃ​ശ്യ​ങ്ങ​ളാ​ണ് നി​ർ​ണാ​യ​ക​മാ​യ​ത്. സ്വ​യ​ര​ക്ഷ​ക്ക് പൊ​ലീ​സ് പു​റ​ത്തു​വി​ട്ട വി​ഡി​യോ തി​രി​ച്ച​ടി​ക്കു​ക​യും ചെ​യ്തി​രു​ന്നു.

കി​ളി​കൊ​ല്ലൂ​രി​ന്​ പു​റ​മെ ത​ല​ശ്ശേ​രി പൊ​ലീ​സ് സ്റ്റേ​ഷ​നി​ൽ ദ​മ്പ​തി​ക​ൾ​ക്കും കൊ​ല്ലം തെ​ന്മ​ല സ്റ്റേ​ഷ​നി​ൽ യു​വാ​വി​നും കോ​ഴി​ക്കോ​ട് വ​ട​ക​ര സ്റ്റേ​ഷ​നി​ൽ മ​ർ​ദ​ന​മേ​റ്റ കോ​ലോ​ത്ത് സ​ജീ​വ​ൻ മ​രി​ച്ച​തും ചൂ​ണ്ടി​ക്കാ​ട്ടി പൊ​തു​പ്ര​വ​ർ​ത്ത​ക​നും വി​വ​രാ​വ​കാ​ശ സം​ഘ​ട​ന​യാ​യ നേ​ർ​ക്കാ​ഴ്ച അ​സോ​സി​യേ​ഷ​ൻ ഡ​യ​റ​ക്ട​റു​മാ​യ പി.​ബി. സ​തീ​ഷ് വി​വ​രാ​വ​കാ​ശ​പ്ര​കാ​രം ന​ൽ​കി​യ അ​പേ​ക്ഷ​യി​ലാ​ണ് കാ​മ​റ​ക​ൾ സ്ഥാ​പി​ക്കാ​ൻ ക​രാ​റി​ലേ​ർ​പ്പെ​ട്ട​താ​യി മ​റു​പ​ടി ല​ഭി​ച്ച​ത്.

രാ​​ത്രി വെ​ളി​ച്ച​ക്കു​റ​വു​ള്ള പൊ​ലീ​സ് സ്റ്റേ​ഷ​ന്‍റെ ഭാ​ഗ​ങ്ങ​ളു​ൾ​പ്പെ​ടെ വ്യ​ക്ത​ത​യോ​ടെ ദൃ​ശ്യ​ങ്ങ​ൾ പ​ക​ർ​ത്താ​നും ശ​ബ്ദം റെ​ക്കോ​ഡ് ചെ​യ്യാ​നും ക​ഴി​യു​ന്ന ത​ര​ത്തി​െ​ല കാ​മ​റ​യാ​ണ്​ സ്ഥാ​പി​ക്കു​ക. കാ​മ​റ​ക​ൾ വ​ഴി നേ​രി​ൽ ക​ണ്ടു​സം​സാ​രി​ക്കാ​നും സാ​ധി​ക്കും.

ഉ​ന്ന​ത ഉ​ദ്യോ​ഗ​സ്ഥ​ർ​ക്ക് സ്റ്റേ​ഷ​നു​ക​ളി​ലെ കാ​മ​റ​ക​ളി​ലെ ദൃ​ശ്യ​ങ്ങ​ളും പൊ​ലീ​സി​ന്‍റെ പ്ര​വ​ർ​ത്ത​ന​വും നേ​രി​ട്ട് കാ​ണാ​നാ​കു​മെ​ന്നും മ​റു​പ​ടി​യി​ൽ വ്യ​ക്ത​മാ​ക്കു​ന്നു. 18 മാ​സം ദൃ​ശ്യ​ങ്ങ​ൾ സൂ​ക്ഷി​ക്കാം. വൈ​ദ്യു​തി ത​ട​സ്സം നേ​രി​ട്ടാ​ലും പ്ര​വ​ർ​ത്തി​ക്കും. മൂ​ന്ന് കൊ​ല്ല​ത്തേ​ക്ക് ഇ​ട​ക്കാ​ല വാ​റ​ന്‍റി​യും വീ​ണ്ടും ര​ണ്ട് കൊ​ല്ലം വാ​റ​ന്‍റി​യു​മു​ണ്ട്. തു​ട​ർ​ന്ന് അ​ഞ്ചു​വ​ർ​ഷം കാ​ര്യ​ക്ഷ​മ​മാ​യി പ്ര​വ​ർ​ത്തി​ക്ക​ണ​മെ​ന്നും ക​രാ​റി​ൽ വ്യ​വ​സ്ഥ​യു​ണ്ട്.