കാലുമാറി ശസ്ത്രക്രിയ: ഇടതുകാലി​േൻറത് ഒരുമാസം കഴിഞ്ഞ്, തി​ങ്ക​ളാ​ഴ്ച വൈ​കീ​ട്ടോ​ടെ ഡി​സ്ചാ​ർ​ജ് വാ​ങ്ങി സ​ജ്ന വീ​ട്ടി​ലേ​ക്ക് മ​ട​ങ്ങി

കോ​ഴി​ക്കോ​ട്: സ്വ​കാ​ര്യ ആ​ശു​പ​ത്രി​യി​ൽ കാ​ലു​മാ​റി ശ​സ്ത്ര​ക്രി​യ​ക്ക് വി​ധേ​യ​യാ​യ ക​ക്കോ​ടി സ്വ​ദേ​ശി സ​ജ്‌​ന​യു​ടെ ഇ​ട​തു​കാ​ലി​ന് ഒ​രു​മാ​സം ക​ഴി​ഞ്ഞ് ശ​സ്ത്ര​ക്രി​യ ചെ​യ്യാ​മെ​ന്ന് മെ​ഡി​ക്ക​ൽ ബോ​ർ​ഡ്. കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചേ​ർ​ന്ന മെ​ഡി​ക്ക​ൽ ബോ​ർ​ഡ് യോ​ഗ​ത്തി​ന്‍റേ​താ​ണ് തീ​രു​മാ​നം. തി​ങ്ക​ളാ​ഴ്ച വൈ​കീ​ട്ടോ​ടെ ഡി​സ്ചാ​ർ​ജ് വാ​ങ്ങി സ​ജ്ന വീ​ട്ടി​ലേ​ക്ക് മ​ട​ങ്ങി.

ഇ​ട​തു​കാ​ലി​ന് പ​ക​രം ശ​സ്ത്ര​ക്രി​യ ന​ട​ത്തി​യ വ​ല​തു​കാ​ലി​ലെ പ്ലാ​സ്റ്റ​ർ അ​ഴി​ക്കാ​ൻ 10 ദി​വ​സ​മെ​ങ്കി​ലും വേ​ണം. സ്‌​കാ​നി​ങ് ന​ട​ത്തി​യാ​ലേ വ​ല​തു​കാ​ലി​ലെ പ്ര​ശ്‌​ന​ങ്ങ​ൾ അ​റി​യാ​നാ​വൂ​വെ​ന്ന് മെ​ഡി​ക്ക​ൽ ബോ​ർ​ഡ് അം​ഗ​ങ്ങ​ൾ പ​റ​ഞ്ഞ​താ​യി സ​ജ്‌​ന​യു​ടെ മ​ക​ൾ ഷി​മ്‌​ന സു​കു​മാ​ര​ൻ പ​റ​ഞ്ഞു.

കാ​ലു​മാ​റി ശ​സ്ത്ര​ക്രി​യ ന​ട​ത്തി​യ സം​ഭ​വ​ത്തി​ൽ ആ​ശു​പ​ത്രി​ക്ക് വീ​ഴ്ച​പ​റ്റി​യ​താ​യി ആ​രോ​ഗ്യ വ​കു​പ്പി​ന്റെ പ്രാ​ഥ​മി​ക റി​പ്പോ​ർ​ട്ട് നേ​ര​ത്തെ പു​റ​ത്തു​വ​ന്നി​രു​ന്നു. ഡി.​എം.​ഒ​യു​ടെ ചു​മ​ത​ല​യു​ള്ള ഡോ. ​പി​യൂ​ഷ് ന​മ്പൂ​തി​രി​ക്ക് അ​ഡീ​ഷ​ന​ൽ ഡി.​എം.​ഒ ഡോ. ​ദി​നേ​ശ് സ​മ​ർ​പ്പി​ച്ച റി​പ്പോ​ർ​ട്ടി​ലാ​ണ് ആ​ശു​പ​ത്രി​ക്കും ഡോ​ക്ട​ർ​ക്കും വീ​ഴ്ച​പ​റ്റി​യ​താ​യി പ​രാ​മ​ർ​ശ​മു​ള്ള​ത്. രോ​ഗ​ത്തി​ന്റെ നി​ല​വി​ലെ സ്ഥി​തി​യും ശ​സ്ത്ര​ക്രി​യ വി​വ​ര​ങ്ങ​ളും രോ​ഗി​യെ യ​ഥാ​സ​മ​യം ധ​രി​പ്പി​ച്ചി​ല്ലെ​ന്നും റി​പ്പോ​ർ​ട്ടി​ൽ പ​റ​യു​ന്നു. സം​ഭ​വ​ത്തി​ൽ വി​ശ​ദാ​ന്വേ​ഷ​ണം വേ​ണ​മെ​ന്നും എ​ല്ലു​രോ​ഗ-​ശ​സ്ത്ര​ക്രി​യ വി​ദ​ഗ്ധ​ർ അ​ട​ങ്ങു​ന്ന സ​മി​തി വി​ശ​ദ​മാ​യി പ​രി​ശോ​ധി​ക്ക​ണ​മെ​ന്നും റി​പ്പോ​ർ​ട്ടി​ലു​ണ്ട്. ഇ​തി​നി​ടെ കു​ടും​ബം ന​ൽ​കി​യ പ​രാ​തി​യി​ൽ ടൗ​ൺ അ​സി. ക​മീ​ഷ​ണ​ർ പി. ​ബി​ജു​രാ​ജ് അ​ന്വേ​ഷ​ണം തു​ട​ങ്ങി.

ഫെ​ബ്രു​വ​രി 20നാ​ണ് കോ​ഴി​ക്കോ​ട്ടെ നാ​ഷ​ന​ൽ ഹോ​സ്പി​റ്റ​ലി​ൽ ചി​കി​ത്സ​ക്കെ​ത്തി​യ സ​ജ്ന​യു​ടെ കാ​ലു​മാ​റി ശ​സ്ത്ര​ക്രി​യ ന​ട​ത്തി​യ​ത്. ഇ​ട​തു​കാ​ലി​നേ​റ്റ പ​രി​ക്കി​ന് ചി​കി​ത്സ തേ​ടി​യെ​ത്തി​യ സ​ജ്‌​ന സു​കു​മാ​ര​ന്റെ വ​ല​തു​കാ​ലി​ന് ശ​സ്ത്ര​ക്രി​യ ന​ട​ത്തു​ക​യാ​യി​രു​ന്നു. ഒ​രു​വ​ർ​ഷം മു​മ്പ് വീ​ട്ടി​ലെ വാ​തി​ലി​നു​ള്ളി​ൽ ഇ​ട​തു​കാ​ൽ കു​ടു​ങ്ങി ഞ​ര​മ്പി​ന് ഗു​രു​ത​ര​മാ​യി പ​രി​ക്കേ​റ്റാ​ണ് സ​ജ്‌​ന ഓ​ർ​ത്തോ മേ​ധാ​വി ഡോ. ​ബ​ഹി​ർ​ഷാ​നെ സ​മീ​പി​ച്ച​ത്. ശ​സ്ത്ര​ക്രി​യ ക​ഴി​ഞ്ഞ ശേ​ഷ​മാ​ണ് ഇ​ട​തു​കാ​ലി​ന് പ​ക​രം വ​ല​തു​കാ​ലി​നാ​ണ് ചെ​യ്ത​തെ​ന്ന് സ​ജ്‌​ന അ​റി​ഞ്ഞ​ത്. തു​ട​ർ​ന്ന് ചി​കി​ത്സ മെ​ഡി​ക്ക​ൽ കോ​ള​ജി​ലേ​ക്ക് മാ​റ്റു​ക​യാ​യി​രു​ന്നു.