വോട്ടല്ല, ഇത്തിരി ചോറ് തരുമോയെന്ന്​ ചോദിച്ച്​ സുരേഷ്​ ഗോപി

തൃപ്രയാർ: തൃശൂർ ലോക്​സഭ മണ്ഡലത്തിലെ എൻ.ഡി.എ സ്ഥാനാർഥി സുരേഷ്​ ഗോപിയുടെ പ്രചാരണ പര്യടനം നടക്കുന്ന പ്രദേശങ്ങള ിൽ ഉച്ചനേരത്ത്​ ഒര​ു ഊണ്​ അധികം കരുതുന്നുണ്ടെന്ന്​ പ്രചാരണത്തിന്​ ചുക്കാൻ പിടിക്കുന്നവർ പറയുന്നത്​. സുരേഷ്​ ഗോപി അടുത്ത പ്രദേശ​ത്തെങ്ങാനും ഉണ്ടെങ്കിൽ ഒരു പക്ഷെ ഉച്ചയൂണിന്​ കയറി വരുന്നത്​ തങ്ങളുടെ വീട്ടിലേക്കാണെങ്ക ിലോ എന്നാണ്​ അവരുടെ ചിന്തയ​േത്ര. ഉച്ചക്ക് ഒരു മണിക്ക് ഊണ് കഴിക്കുന്ന ശീലം സുരേഷ്​ ഗോപി പ്രചാരണത്തിരക്കിലും പാലിക്കുന്നുണ്ട്​. ആ സമയത്ത്​ എത്തുന്നത്​ എവിടെയാണോ അവിടെ ഒരു വീട്ടിൽനിന്നാവും ഊണ്​.

ചൊവ്വാഴ്ച തളിക്കുളം ബീച്ചിലെ കുറുക്കംപര്യ വീട്ടിൽ വിബി​​െൻറ വീട്ടിൽനിന്നായിരുന്നു ഊണ്​. സ്ഥാനാർഥിയെ കാണാൻ വീടി​​െൻറ മുന്നിൽനിന്ന വിബി​​െൻറ ഭാര്യ അപർണകുമാരിയോട് തുറന്ന വാഹനത്തിൽനിന്ന്​ സൂപ്പർ സ്​റ്റാർ വിളിച്ചു ചോദിച്ചു; ‘ചാളക്കറിയുണ്ടോ’?. ആദ്യമൊന്ന്​ അമ്പരന്ന അപർണകുമാരി ഞണ്ടുകറിയുണ്ടെന്ന്​ മറുപടി പറഞ്ഞു. എങ്കിൽ കുറച്ച്​ ചോറ്​ വിളമ്പിക്കോളൂ എന്നു പറഞ്ഞ്​ വാഹനത്തിൽനിന്ന്​ ഇറങ്ങി. സമൃദ്ധമായി ഊണ്​ കഴിഞ്ഞ​പ്പോ​ൾ ഇഷ്​ടമായോ എന്ന്​ അപർണയുടെ ചോദ്യത്തിന്​ ‘പാത്രം തിരിച്ചുവേണോ’ എന്ന്​ മറുചോദ്യം. വിബി​​െൻറ കുടുംബംഗങ്ങളോടും അയൽവാസികൾക്കുമൊപ്പം ഫോട്ടോയെടുത്താണ്​ വീട്ടിൽനിന്ന്​ ഇറങ്ങിയത്​.

തൃപ്രയാർ അമ്പലനടയിൽനിന്നാണ്​ ഇന്നലെ പര്യടനം തുടങ്ങിയത്​. എടമുട്ടത്ത് വികസനത്തിനും ആചാര സംരക്ഷണത്തിനുമാണ്​ വോട്ടഭ്യർഥന. മത്സ്യത്തൊഴിലാളികളുടെ കേന്ദ്രമായ പ്രിയ സ​െൻററിൽ മത്സ്യമേഖലക്കായി മോദി സർക്കാർ നടപ്പാക്കിയ പദ്ധതികളും ഫിഷറീസ് വകുപ്പ് പ്രഖ്യാപിച്ചതുമാണ്​ പ്രസംഗ വിഷയം. നാട്ടിക പോസ്​റ്റോഫിസ്​ ബീച്ച്​, സ്നേഹതീരം ബീച്ച് എന്നീ കേന്ദ്രങ്ങളിലൂടെ നീങ്ങിയ പര്യടനം പഴുവിൽ, എട്ടുമുന, ഊരകം, ചേർപ്പ്, ആറാട്ടുപുഴ, ആനക്കല്ല്, എന്നിവടങ്ങളിൽ സ്വീകരണം ഏറ്റുവാങ്ങി അവിണിശേരിയിലാണ്​ സമാപിച്ചത്​.