ശൂരനാട് സംഭവം വിപ്ലവ ചരിത്രത്തിലെ ചോരവീണ ഏട്

കാ​യം​കു​ളം: സ​മ​ര​വ​ഴി​ക​ളി​ലെ പ്ര​ക​മ്പ​നം പ​ല​പ്പോ​ഴും പ്ര​മാ​ണി​മാ​രു​മാ​യു​ള്ള ഏ​റ്റു​മു​ട്ട​ലു​ക​ൾ​ക്ക് വ​ഴി​യൊ​രു​ക്കി. ക​മ്യൂ​ണി​സ്റ്റു​കാ​രു​ടെ ശ​ല്യം സ​ഹി​ക്കാ​താ​യ​പ്പോ​ൾ ജ​ന്മി​ക​ൾ പൊ​ലീ​സി​നെ വ​രു​ത്തി നേ​രി​ടാ​ൻ തു​ട​ങ്ങി. പൊ​ലീ​സ് തേ​ർ​വാ​ഴ്ച സ​ഹി​ക്കാ​ൻ ക​ഴി​യാ​താ​യ​തോ​ടെ പാർട്ടിപ്രവർത്തകർ പ​ല​വ​ഴി​ക്കാ​യി ഒ​ളി​വി​ൽ​പോ​യി. ഇ​തി​നി​ടെ​യി​ലാ​ണ് വ​ള്ളി​കു​ന്ന​ത്തി​ന്‍റെ സ​മീ​പ​മാ​യ ശൂ​ര​നാ​ട്ട്​ ഇ​വ​ർ ഒ​ത്തു​കൂ​ടി​യ​ത്.

ഇ​വി​ടെ​യും ജ​ന്മി​ത്വ​വാ​ഴ്ച​യു​ടെ ദു​രി​ത​ങ്ങ​ളാ​ണ് അ​ഭി​മു​ഖീ​ക​രി​ക്കേ​ണ്ടി വ​ന്ന​ത്. തു​ട​ർ​ന്ന് ന​ട​ത്തി​യ ഇ​ട​പെ​ട​ലു​ക​ളാ​ണ് നാ​ല് പൊ​ലീ​സു​കാ​രു​ടെ കൊ​ല​പാ​ത​ക​ത്തി​ൽ ക​ലാ​ശി​ച്ച 1949 ഡി​സം​ബ​ർ 31ലെ ‘​ശൂ​ര​നാ​ട്’ സം​ഭ​വ​ത്തി​ന് വ​ഴി​യൊ​രു​ക്കി​യ​ത്. പാ​വ​പ്പെ​ട്ട​വ​ർ മീ​ൻ പി​ടി​ച്ച് ഉ​പ​ജീ​വ​നം ന​ട​ത്തി​യി​രു​ന്ന ശൂ​ര​നാ​ട്ടെ ‘പു​റ​മ്പോ​ക്ക് കു​ളം’ പ്ര​മാ​ണി​മാ​രു​ടെ താ​ൽ​പ​ര്യ​പ്ര​കാ​രം ലേ​ലം ചെ​യ്ത​തി​നെ തൊ​ഴി​ലാ​ളി​ക​ൾ ചോ​ദ്യം ചെ​യ്തു. വി​ല​ക്ക് ലം​ഘി​ച്ച് ക​മ്യൂ​ണി​സ്റ്റു​കാ​രു​ടെ നേ​തൃ​ത്വ​ത്തി​ൽ തൊ​ഴി​ലാ​ളി​ക​ൾ മീ​ൻ​പി​ടി​ച്ചു.

സം​ഘ​ർ​ഷാ​വ​സ്ഥ​യെ തു​ട​ർ​ന്ന് എ​ത്തി​യ പൊ​ലീ​സ് ക​മ്യൂ​ണി​സ്റ്റു​കാ​രെ തേ​ടി​യി​റ​ങ്ങി. ക​മ്യൂ​ണി​സ്റ്റു​കാ​ർ​ക്ക് സ​ഹാ​യം ചെ​യ്ത പാ​യി​ക്കാ​ട്ട് വീ​ട്ടി​ലെ​ത്തി​യ പൊ​ലീ​സും ഗു​ണ്ട​ക​ളും സ്ത്രീ​ക​ളെ ആ​ക്ര​മി​ക്കു​ന്ന​ത് ത​ട​യാ​ൻ സി.​കെ. കു​ഞ്ഞു​രാ​മ​ൻ അ​ട​ക്ക​മു​ള്ള സ​ഖാ​ക്ക​ൾ ഓ​ടി​യെ​ത്തി. തു​ട​ർ​ന്നു​ണ്ടാ​യ സം​ഘ​ട്ട​ന​ത്തി​ലാ​ണ് സ​ബ് ഇ​ൻ​സ്പെ​ക്ട​റ​ട​ക്ക​മു​ള്ള പൊ​ലീ​സു​കാ​ർ കൊ​ല്ല​പ്പെ​ടു​ന്ന​ത്. ഇ​തോ​ടെ ക​മ്യൂ​ണി​സ്റ്റു​കാ​രു​ടെ ത​ല​ക്ക് സ​ർ​ക്കാ​ർ ഇ​നാം പ്ര​ഖ്യാ​പി​ച്ചു. പി​ടി​കൂ​ടി​യ പ്ര​തി​ക​ൾ കൊ​ടി​യ പീ​ഡ​ന​ങ്ങ​ൾ​ക്ക് വി​ധേ​യ​രാ​യി. പ​ല​രും ലോ​ക്ക​പ്പി​ൽ കൊ​ല്ല​പ്പെ​ട്ടു.

ത​ണ്ടാ​ശ്ശേ​രി രാ​ഘ​വ​ൻ, ക​ള​ക്കാ​ട്ട്ത​റ പ​ര​മേ​ശ്വ​ര​ൻ നാ​യ​ർ, പാ​യി​ക്കാ​ലി​ൽ ഗോ​പാ​ല​പി​ള്ള, മ​ഠ​ത്തി​ൽ ഭാ​സ്ക​ര​ൻ നാ​യ​ർ, കാ​ട്ടൂ​ർ ജ​നാ​ർ​ദ​ന​ൻ നാ​യ​ർ, കാ​ഞ്ഞി​ര​പ്പ​ള്ളി വ​ട​ക്ക് പു​രു​ഷോ​ത്ത​മ​കു​റു​പ്പ്, പാ​യി​ക്കാ​ലി രാ​മ​ൻ നാ​യ​ർ, ഉ​ന്തി​ലേ​ത്ത് വാ​സു​പി​ള്ള, മ​ല​മേ​ൽ കൃ​ഷ്ണ​പി​ള്ള തു​ട​ങ്ങി​വ​രാ​ണ് പൊ​ലീ​സ് മ​ർ​ദ​ന​ത്തി​ൽ ര​ക്ത​സാ​ക്ഷി​ക​ളാ​യ​ത്. ചാ​ലി​ത്ത​റ കു​ഞ്ഞ​ച്ച​ന്‍റെ തി​രോ​ധാ​നം ഇ​ന്നും ദു​രൂ​ഹ​മാ​യി തു​ട​രു​ന്നു. ഗൂ​ഢാ​ലോ​ച​ന കേ​സി​ൽ തോ​പ്പി​ൽ ഭാ​സി​യും ശ​ങ്ക​ര​നാ​രാ​യ​ണ​ൻ ത​മ്പി​യും പേ​രൂ​ർ മാ​ധ​വ​ൻ​പി​ള്ള​യും അ​ട​ക്ക​മു​ള്ള​വ​രും പ്ര​തി​ക​ളാ​യി. വീ​ടും വീ​ട്ടു​കാ​രെ​യും കു​ഞ്ഞു​ങ്ങ​ളെ​യും വി​പ്ല​വ​വ​ഴി​യി​ൽ ഉ​പേ​ക്ഷി​ച്ച് മി​ക്ക​വ​രും ഒ​ളി​വി​ൽ പോ​യി.

ഇ​വ​രെ കി​ട്ടാ​ത്ത ദേ​ഷ്യം പൊ​ലീ​സ് വീ​ട്ടു​കാ​രു​ടെ മേ​ൽ പ്ര​യോ​ഗി​ച്ചു. തോ​പ്പി​ൽ ഭാ​സി​യു​ടെ വീ​ട് ക​ണ്ടു​കെ​ട്ടി കു​ടും​ബ​ത്തെ പൊ​ലീ​സ് വീ​ട്ടി​ൽ​നി​ന്ന്​ ഇ​റ​ക്കി​വി​ട്ടു. ഭാ​സി​യു​ടെ പ്ര​മാ​ണി​യാ​യ പി​താ​വ് പ​ര​മേ​ശ്വ​ര​ൻ​പി​ള്ള​യെ ലോ​ക്ക​പ്പി​ല​ട​ച്ചു. ജാ​മ്യ​ത്തി​ലി​റ​ങ്ങി​യ പ​ര​മേ​ശ്വ​ര​ൻ​പി​ള്ള​ക്കും ഭാ​ര്യ നാ​ണി​ക്കു​ട്ടി​യ​മ്മ​ക്കും ക​യ​റി​ക്കി​ട​ക്കാ​ൻ ഇ​ട​മി​ല്ലാ​ത്ത അ​വ​സ്ഥ​യി​ൽ ഓ​ച്ചി​റ പ​ട​നി​ല​മാ​ണ് അ​ഭ​യ​കേ​ന്ദ്ര​മാ​യ​ത്.

യാ​ച​ക​ർ​ക്കൊ​പ്പം ക​ഞ്ഞി​കു​ടി​ച്ച് ആ​റ് മാ​സ​ത്തോ​ള​മാ​ണ് ഇ​വ​ർ ഓ​ച്ചി​റ​യി​ൽ ക​ഴി​ഞ്ഞ​ത്. പൊ​ലീ​സി​ന്‍റെ​യും നാ​ട്ടു​കാ​രു​ടെ​യും അ​തി​ക്ര​മം ഭ​യ​ന്ന് ചി​ത​റി​യോ​ടി​യ സി.​കെ. കു​ഞ്ഞു​രാ​മ​ന്‍റെ മ​ക്ക​ൾ അ​നാ​ഥ​രാ​യി നാ​ടു​ചു​റ്റി​യ സം​ഭ​വ​മാ​ണ് ഭാ​ർ​ഗ​വി​യി​ലൂ​ടെ ഒ​ളി​വി​ലെ ഓ​ർ​മ​ക​ളി​ൽ പ​രാ​മ​ർ​ശി​ച്ച​ത്. സി.​കെ. കു​ഞ്ഞു​രാ​മ​ന്‍റെ വി​പ്ല​വോ​ജ്ജ്വ​ല​മാ​യ ജീ​വി​ത​മാ​ണ് ഭാ​സി ‘മൂ​ല​ധ​നം’ നാ​ട​ക​ത്തി​ലും ഇ​തി​വൃ​ത്ത​മാ​ക്കി​യ​ത്.

സ​ന്നി​പാ​ത ജ്വ​രം ബാ​ധി​ച്ച് ആ​യി​രം​തെ​ങ്ങ് ക​ട​പ്പു​റ​ത്ത് അ​വ​ശ​യാ​യി കി​ട​ന്ന മ​ക​ൾ ഭാ​ർ​ഗ​വി​യെ കു​ഞ്ഞു​രാ​മ​ൻ ക​ണ്ടെ​ത്തി​യ സം​ഭ​വം വി​കാ​ര​പ​ര​മാ​യ ഒ​രേ​ടാ​യി നി​ല​നി​ൽ​ക്കു​ന്നു. 13 പ്ര​തി​ക​ളി​ൽ പ​ന​ത്താ​ഴ രാ​ഘ​വ​നെ പൊ​ലീ​സി​ന് പി​ടി​കൂ​ടാ​നാ​യി​ല്ല. മ​റ്റു​ള്ള​വ​രെ​യെ​ല്ലാം ഒ​ളി​സ​ങ്കേ​ത​ങ്ങ​ളി​ൽ​നി​ന്നും പി​ടി​കൂ​ടി ലോ​ക്ക​പ്പി​ലും ജ​യി​ലി​ലു​മാ​യി ക​ടു​ത്ത മ​ർ​ദ​ന​ങ്ങ​ൾ​ക്ക് വി​ധേ​രാ​ക്കി​യ ശേ​ഷ​മാ​ണ് വി​ചാ​ര​ണ​ക്ക് വി​ട്ടു​ന​ൽ​കി​യ​ത്.

മൂ​ന്ന് മു​ത​ൽ അ​ഞ്ച് വ​രെ വീ​തം ജീ​വ​പ​ര്യ​ന്തം ത​ട​വ് ശി​ക്ഷ​യാ​ണ് ഇ​വ​ർ​ക്കു​മേ​ൽ വി​ധി​ക്ക​പ്പെ​ട്ട​ത്. സ്വ​ന്തം ജീ​വ​നും ജീ​വി​ത​വും സ​മ​ർ​പ്പി​ച്ചാ​ണ് മ​ധ്യ​തി​രു​വി​താം​കൂ​റി​ൽ ക​മ്യൂ​ണി​സ്റ്റ് പാ​ർ​ട്ടി​യെ ഇ​വ​ർ കെ​ട്ടി​പ്പൊ​ക്കി​യ​ത്. ഇ​തി​നാ​യി മേ​നി സ​മ​രം അ​ട​ക്കം ഒ​ട്ട​ന​വ​ധി തു​ട​ർ സ​മ​ര ച​രി​ത്ര​ങ്ങ​ൾ സൃ​ഷ്ടി​ച്ച നേ​താ​ക്ക​ളെ​ല്ലാം കാ​ല​യ​വ​നി​ക​ക്കു​ള്ളി​ൽ മ​റ​ഞ്ഞു. വി​പ്ല​വ​ത്തി​ന്‍റെ ജ്വ​ലി​ക്കു​ന്ന ഓ​ർ​മ​ക​ൾ മ​ന​സ്സു​ക​ളി​ൽ സൂ​ക്ഷി​ക്കു​ന്ന നി​ര​വ​ധി പേ​ർ വ​ള്ളി​കു​ന്ന​ത്തും ശൂ​ര​നാ​ട്ടും ഇ​ന്നും അ​വ​ശേ​ഷി​ക്കു​ന്നു​ണ്ട്.