സെൻകുമാറിനെതിരായ പരാമർശം സുപ്രീ​ംകോടതി നീക്കി

ന്യൂഡൽഹി: സംസ്​ഥാന മുൻ പൊലീസ്​ മേധാവി ടി.പി സെൻകുമാറിനെതിരെ​ ഹൈകോടതി പുറപ്പെടുവിച്ച ഉത്തരവിലെ വിവാദ പരാമർശം സുപ്രീം കോടതി നീക്കി. പൊലീസ് സേനയിൽ വിവേചനം ഉണ്ടെന്ന് കരുതുകയാണെങ്കിൽ പണി ഉപേക്ഷിച്ച് സെൻകുമാർ വീട്ടിൽ പോകണം എന്ന ജസ്​റ്റിസ്​ കമാൽപാഷയുടെ പരാമർശമാണ്​ നീക്കിയത്​.

കലാഭവൻ മണി പ്രതിയായ കേസുമായി ബന്ധപ്പെട്ട് സെൻകുമാർ നടത്തിയ പരാമർശങ്ങളെ തുടർന്നായിരുന്നു ഹൈകോടതി വിമർശനം. പോലീസ് സേനയിൽ സമ്പന്നരും പാവപ്പെട്ടവരും തമ്മിൽ വിവേചനം ഉണ്ടെന്ന് സെൻകുമാർ അഭിപ്രായപ്പെട്ടിരുന്നു.