30 ഗോഡൗണുകൾ ആവശ്യപ്പെട്ട്​ സ​ൈപ്ലകോ

പാലക്കാട്: ഭക്ഷ്യധാന്യം നശിച്ച സംഭവം ആവർത്തിക്കാതിരിക്കാൻ സംസ്ഥാന സർക്കാർ നിർദേശപ്രകാരം സ​ൈപ്ലകോ നടപടി തുടങ്ങി. ഭക്ഷ്യധാന്യം സൂക്ഷിക്കാൻ ശാസ്​ത്രീയ രീതിയിൽ സംവിധാനിച്ച 30 ഗോഡൗണുകൾ ആവശ്യപ്പെട്ട് സപ്ലൈകോ ദർഘാസ്​ ക്ഷണിച്ചു.

നിലവിൽ സംസ്ഥാനത്ത്​ 220 ഗോഡൗണുകളുണ്ട്​. കേന്ദ്ര-സംസ്ഥാന വെയർ ഹൗസുകളും സ​ൈപ്ലകോ ഗോഡൗണുകളും സ്വകാര്യ ഗോഡൗണുകളും ഉൾപ്പെടെയാണിത്​.

സ​ൈപ്ലകോക്ക്​ സ്വന്തമായി ഏഴ്​ ഗോഡൗണുകളേയുള്ളൂ. 98 എണ്ണം സ്വകാര്യ ഉടമസ്ഥതയിലാണ്​. ശാസ്​ത്രീയ സംവിധാനം ഒരുക്കാത്ത സ്വകാര്യ ഗോഡൗണുകളിൽ സൂക്ഷിച്ച 2868 മെട്രിക് ടൺ ഭക്ഷ്യധാന്യമാണ് കഴിഞ്ഞമാസം നശിച്ചത്​. ഇത്​ വൻ വിവാദമാകുകയും സംസ്ഥാനതല സാ​േങ്കതിക സമിതി പരിശോധിച്ച്​ സർക്കാറിന്​ റിപ്പോർട്ട്​ നൽകുകയും ചെയ്​തിരുന്നു.

ഭക്ഷ്യഭദ്രത നിയമം അനുശാസിക്കുന്ന ഗോഡൗൺ സംവിധാനം ഇല്ലാത്തതാണ്​ ഭക്ഷ്യധാന്യം നശിക്കാൻ കാരണമെന്ന്​ സമിതി റിപ്പോർട്ട്​ ചെയ്​തിരുന്നു.

ആദ്യം ഡിപ്പോയിൽ എത്തിച്ചവ ആദ്യം വിതരണത്തിന്​ വിടുകയെന്ന (ഫസ്​റ്റ്​ ഇൻ ഫസ്​റ്റ്​ ഒൗട്ട്​) സ​മ്പ്രദായം നടപ്പാക്കാത്തതും വീഴ്​ചയായി ചൂണ്ടിക്കാട്ടപ്പെട്ടു. ഭക്ഷ്യധാന്യം നശിച്ച മുഴുവൻ ഗോഡൗണുകള​ും ഒഴിവാക്കും. പകരം ഇൗർപ്പം കടക്കാത്തതും ​പ്രാണികൾ കയറാത്തതും സുരക്ഷ കാമറകൾ ഉള്ളതുമായ 30 ഗോഡൗണുകൾ ആവശ്യപ്പെട്ടാണ്​ സ​ൈപ്ലകോ ദർഘാസ് ക്ഷണിച്ചത്.

മിക്ക താലൂക്കുകളിലും ശാസ്ത്രീയമായി ഗോഡൗണുകൾ പണി കഴിപ്പിച്ചിട്ടുണ്ടെങ്കിലും ചെറിയ ഗോഡൗണുകളിലാണ് ഇപ്പോഴും സംഭരണവും വിതരണവും നടത്തുന്നത്.

ഇതുകാരണം ടൺകണക്കിന് ഭക്ഷ്യധാന്യങ്ങളാണ് ഒാരോ വർഷവും വിതരണയോഗ്യമല്ലാതാകുന്നത്. താലൂക്കിൽ ഒരു പി.ഡി.എസ് ഡിപ്പോ വേണം എന്ന ഭക്ഷ്യവകുപ്പ്​ നിർദേശം അവഗണിക്കപ്പെടുകയാണ്​.