തെരഞ്ഞെടുപ്പിനെ നേരിടാൻ കോൺഗ്രസിന് പുതിയ നേതൃത്വം; സണ്ണി ജോസഫും അടൂര്‍ പ്രകാശും ചുമതലയേറ്റു

തിരുവനന്തപുരം: കെ.പി.സി.സി പ്രസിഡന്റായി അഡ്വ. സണ്ണി ജോസഫ് എം.എൽ.എയും യു.ഡി.എഫ് കണ്‍വീനറായി അടൂര്‍ പ്രകാശ് എം.പിയും ചുമതലയേറ്റെടുത്തു. കെ.പി.സി.സി വര്‍ക്കിങ് പ്രസിഡന്റുമാരായി പി.സി. വിഷ്ണുനാഥ് എം.എല്‍.എ, എ.പി. അനില്‍കുമാര്‍ എം.എല്‍.എ, ഷാഫി പറമ്പില്‍ എം.പി എന്നിവരും സ്ഥാനമേറ്റെടുത്തു. കെ.പി.സി.സി ആസ്ഥാനത്ത് മുതിര്‍ന്ന നേതാക്കളുടെ സാന്നിധ്യത്തില്‍ നടന്ന ചടങ്ങിലാണ് ചുമതല ഏറ്റെടുത്തത്.

പ്രതിപക്ഷനേതാവ് വി.ഡി. സതീശന്‍, എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ, മുന്‍ കെ.പി.സി.സി അധ്യക്ഷന്‍മാര്‍, എം.പിമാര്‍, എം.എല്‍.എമാര്‍ ഉള്‍പ്പെടെയുള്ളവർ ചടങ്ങിനെത്തി. തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് വരാനിരിക്കെയാണ് കെ.പി.സി.സി തലപ്പത്ത് അഴിച്ചുപണികൾ നടത്തിയത്. നിലവിലെ യു.ഡി.എഫ് കണ്‍വീനറായ എം.എം. ഹസ്സൻ, വര്‍ക്കിങ് പ്രസിഡന്റുമാരായ കൊടിക്കുന്നില്‍ സുരേഷ്, ടി.എന്‍. പ്രതാപന്‍, ടി. സിദ്ദീഖ് എന്നിവരെ പദവിയില്‍നിന്ന് നീക്കിയാണ് പുതിയ നേതൃത്വത്തെ പ്രഖ്യാപിച്ചത്.

കോ​ൺ​ഗ്ര​സി​ന് കി​ട്ടി​ക്കൊ​ണ്ടി​രു​ന്ന ക​ത്തോ​ലി​ക്കാ വോ​ട്ടു​ക​ള്‍ ബി.​ജെ.​പി ചോ​ർ​ത്തു​ക​യും എ.​കെ. ആ​ന്റ​ണി​യെ​യും ഉ​മ്മ​ന്‍ ചാ​ണ്ടി​യെ​യും പോ​ലൊ​രു ക്രി​​സ്ത്യ​ൻ നേ​താ​വ് കേ​ര​ള​ത്തി​ൽ കോ​ൺ​ഗ്ര​സി​ന്റെ ത​ല​പ്പ​ത്ത് ഇ​ല്ലാ​തി​രി​ക്കു​ക​യും ചെ​യ്ത​താ​ണ് കെ.​പി.​സി.​സി പ്ര​സി​ഡ​ന്റ് പ​ദ​വി​യി​ലേ​ക്ക് ക്രി​സ്ത്യ​ൻ സ​മു​ദാ​യ​ത്തി​ൽ ​നി​ന്നു​ള്ള നേ​താ​വി​നെ കൊ​ണ്ടു​വ​രു​ന്ന​തി​ന് വ​ഴി​വെ​ച്ച​ത്.