സുനിൽ പി. ഇളയിടത്തി​െൻറ ഒാഫീസിനു നേരേ ആക്രമണം

കാലടി: ശബരിമല വിഷയത്തിൽ സംസ്ഥാന സർക്കാർ നിലപാടിനെ പിന്തുണച്ച്​ വിവിധ വേദികളിൽ പ്രഭാഷണം നടത്തുന്ന ഡോ. സുനിൽ പി. ഇളയിടത്തി​​​​െൻറ ഒാഫിസിൽ സംഘ്​പരിവാർ അതിക്രമം. നേരത്തേ ഹൈന്ദവ സംഘടനകൾ അദ്ദേഹത്തിനെതിരെ വധഭീഷണി മുഴക്കിയിരുന്നു. ശ്രീശങ്കരാചാര്യ സംസ്കൃത സർവകലാശാല മലയാളവിഭാഗം മേധാവിയും വാഗ്​മിയും എഴുത്തുകാരനുമായ ഡോ. സുനിൽ പി. ഇളയിടത്തി​​​െൻറ സർവകലാശാലയിലെ ഓഫിസ്​ വാതിലിലാണ് ബുധനാഴ്ച രാത്രി അജ്​ഞാതർ കാവി നിറത്തിൽ മൂന്ന്​ ഗുണനചിഹ്നം വരക്കുകയും നെയിംബോർഡ്​ എടുത്തുമാറ്റുകയും ചെയ്​തത്​.

കാമ്പസിലെ എസ്​.എഫ്.ഐ കൊടിതോരണങ്ങളും കത്തിച്ചു. സർവകലാശാലയിൽ എം.ഫിൽ പ്രവേശനപരീക്ഷ നടക്കുന്നതിനാൽ ക്ലാസ് ഉണ്ടായിരുന്നില്ല. രാവിലെ 11ഒാടെ എത്തിയ സഹ അധ്യാപകരാണ് സംഭവം ​െപാലീസിൽ അറിയിച്ചത്. ഫോണിലും നേരിട്ടും ആരും ഭീഷണിപ്പെടുത്തിയിട്ടി​െല്ലന്നും പേടിപ്പിച്ച് നിശ്ശബ്​ദനാക്കാൻ കഴിയി​െല്ലന്നും ഡോ. സുനിൽ പി. ഇളയിടം ‘മാധ്യമ’ത്തോട്​ പറഞ്ഞു.

സർവകലാശാല നൽകിയ പരാതിയിൽ കേസെടുത്ത് അന്വേഷണം ആരംഭിച്ചതായും കാമ്പസിലെ നിരീക്ഷണ കാമറകൾ പരിശോധിച്ചുവരുകയാണെന്നും അക്രമികളെ ഉടൻ പിടികൂടുമെന്നും സി.ഐ സജി മാർക്കോസ് പറഞ്ഞു. സംഭവത്തിൽ പ്രതിഷേധിച്ച് സി.പി.എം, എസ്.എഫ്.ഐ സംഘടനകളുടെ നേതൃത്വത്തിൽ കാലടി ടൗണിൽ പ്രതിഷേധ പ്രകടനവും പൊതുസമ്മേളനവും നടത്തി.