സാഹിത്യ അക്കാദമിയുടെ 60ാം വാർഷികാഘോഷത്തിൽ  മന്ത്രി സുനിൽകുമാറിനെ ഒഴിവാക്കി

തൃശൂർ: സാഹിത്യ അക്കാദമിയുടെ അറുപതാം വാർഷികാഘോഷങ്ങളിൽ സ്ഥലം എം.എൽ.എ ആയ മന്ത്രി വി.എസ്. സുനിൽകുമാർ ഇല്ല. ശനിയാഴ്ച തുടങ്ങിയ മൂന്ന് നാൾ നീണ്ട  പരിപാടിയുടെ ഉദ്​ഘാടനത്തിന്​ എത്തിയ സാംസ്​കാരിക മന്ത്രി എ.കെ. ബാലൻ അന്വേഷിച്ചപ്പോഴാണ്​ മുറപ്രകാരം ഉദ്​ഘാടനചടങ്ങിൽ അധ്യക്ഷനാകേണ്ട സ്​ഥലം എം.എൽ.എയുടെ അസാന്നിധ്യം പ്രശ്​നമായത്​. മൂന്ന് ദിവസങ്ങളിലായി നടക്കുന്ന ആഘോഷത്തിലേക്ക്​ സുനിൽ കുമാറിനെ അടുപ്പിച്ചി​േട്ടയില്ല. ആദ്യ നാളിൽ വാർഷിക സമ്മേളനവും വിശിഷ്ടാംഗത്വം, സമഗ്രസംഭാവന  പുരസ്കാര സമർപ്പണ പരിപാടികളും കവി സച്ചിദാനന്ദൻ പങ്കെടുക്കുന്ന സെമിനാറുമായിരുന്നു. മന്ത്രി എ.െക. ബാലനാണ് പുരസ്കാര സമർപ്പണവും സമ്മേളന  ഉദ്ഘാടനവും നിർവഹിച്ചത്. 

വൈകീട്ടായിരുന്നു പുരസ്കാര സമർപ്പണ  സമ്മേളനം. അക്കാദമി പ്രസിഡൻറ് വൈശാഖനാണ് ഈ ചടങ്ങിൽ അധ്യക്ഷത വഹിച്ചത്. ഇതിന് തൊട്ടുപിന്നാലെയായിരുന്നു സമീപത്ത് റീജനൽ തിയറ്ററിൽ സംഗീത  നാടക അക്കാദമിയുടെ പ്രഫഷനൽ നാടകങ്ങളുടെ പുരസ്കാര സമർപ്പണ ചടങ്ങ്. ഈ ചടങ്ങിൽ മന്ത്രി സുനിൽകുമാർ പങ്കെടുക്കുകയും ചെയ്തു.   പരിപാടിയിൽ സുനിൽകുമാറിനെ കാണാതിരുന്നതിനെക്കുറിച്ച്​ മന്ത്രി ബാലൻ അന്വേഷിച്ചപ്പോഴാണ് തന്നെ ഇക്കാര്യം  അറിയിച്ചിട്ടില്ലെന്ന് സുനിൽ വ്യക്തമാക്കിയത്. പരിപാടിയിൽനിന്ന്​ സുനിൽകുമാറിനെ ഒഴിവാക്കിയതിൽ മന്ത്രി ബാലൻ സാഹിത്യ അക്കാദമി ഭാരവാഹികളെ  അതൃപ്തി അറിയിച്ചു. 

സാഹിത്യ അക്കാദമിയുടെ ഭരണസമിതിയംഗങ്ങളെ നിർണയിക്കുന്നതിൽ സി.പി.ഐയുമായി തർക്കമുണ്ടായിരുന്നുവെങ്കിലും  സുനിൽകുമാറുമായി സി.പി.എം നേതൃത്വം അടുപ്പത്തിലാണ്​. പൂരം വെടിക്കെട്ട് വിവാദങ്ങളിൽ  നിറഞ്ഞുനിന്ന്​ സി.പി.എമ്മിന് അതൃപ്തിയുണ്ടാക്കിയതൊഴിച്ചാൽ ജില്ലയിൽ സുനിൽകുമാറുമായി നേതാക്കൾ അടുപ്പത്തിലാണ്​. അക്കാദമിയുടെ അറുപതാം വാർഷിക ചടങ്ങിൽനിന്ന്​ സുനിൽകുമാറിനെ ഒഴിവാക്കിയതിൽ സി.പി.എമ്മിലും അതൃപ്തിയുണ്ട​​േത്ര.