വേനൽമഴ തുണയായി; വൈദ്യുതി ഉപയോഗം ‘പരിധി കടക്കാത്ത’ ആശ്വാസത്തിൽ കെ.എസ്​.ഇ.ബി

തി​രു​വ​ന​ന്ത​പു​രം: സം​സ്ഥാ​ന​ത്ത്​ മി​ക്ക ജി​ല്ല​ക​ളി​ലും ഉ​യ​ർ​ന്ന ചൂ​ട്​ അ​നു​ഭ​വ​പ്പെ​ടു​​​മ്പോ​ഴും മു​ൻ വ​ർ​ഷ​ത്തെ അ​പേ​ക്ഷി​ച്ച്​ വൈ​ദ്യു​തി ഉ​പ​യോ​ഗം കു​റ​ഞ്ഞ നി​ല​യി​ൽ തു​ട​രു​ന്ന​തി​ന്‍റെ ആ​ശ്വാ​സ​ത്തി​ൽ കെ.​എ​സ്.​ഇ.​ബി. വൈ​ദ്യു​തി ഉ​പ​യോ​ഗ​ത്തി​ൽ സ​ർ​വ​കാ​ല റെ​ക്കോ​ഡാ​ണ്​ ക​ഴി​ഞ്ഞ​വ​ർ​ഷം വേ​ന​ൽ​ക്കാ​ല​ത്തു​ണ്ടാ​യ​ത്.

ഇ​ക്കു​റി ചൂ​ട്​ കൂ​ടി​യ​തോ​ടെ, പ്ര​തി​ദി​ന ഉ​പ​യോ​ഗ​ത്തി​ലും പീ​ക്ക്​ സ​മ​യ ആ​വ​ശ്യ​ക​ത​യി​ലും വ​ർ​ധ​ന​യു​ണ്ടാ​യെ​ങ്കി​ലും പ്ര​തി​സ​ന്ധി​യു​ണ്ടാ​കു​ന്ന സാ​ഹ​ച​ര്യം ഇ​തു​വ​രെ ​നേ​രി​ടേ​ണ്ടി​വ​ന്നി​ല്ല. ക​ഴി​ഞ്ഞ​വ​ർ​ഷം പീ​ക്ക്​ സ​മ​യ​ത്തെ അ​മി​ത വൈ​ദ്യു​തി ഉ​പ​യോ​ഗം വി​ത​ര​ണ​ശൃം​ഖ​ല​യെ​യ​ട​ക്കം ബാ​ധി​ക്കു​ക​യും പ്രാ​ദേ​ശി​ക നി​യ​ന്ത്ര​ണ​ങ്ങ​ൾ ഏ​​ർ​പ്പെ​ടു​ത്തേ​ണ്ട സാ​ഹ​ച​ര്യം സൃ​ഷ്ടി​ക്കു​ക​യും ചെ​യ്തി​രു​ന്നു.

ക​ഴി​ഞ്ഞ ബു​ധ​നാ​ഴ്ച​യി​ലെ പ്ര​തി​ദി​ന ​ഉ​പ​യോ​ഗം 99.1582 ദ​ശ​ല​ക്ഷം യൂ​നി​റ്റും പീ​ക്ക്​ സ​മ​യ ഉ​പ​​യോ​ഗം 4900 മെ​ഗാ​വാ​ട്ടു​മാ​ണ്. 2024 മേ​യി​ൽ ഇ​തേ ദി​വ​സ​ത്തെ ആ​കെ ഉ​പ​​യോ​ഗം 109 ദ​ശ​ല​ക്ഷം യൂ​നി​റ്റും പീ​ക്ക്​ സ​മ​യ​ത്തേ​ത്​ 5167 മെ​ഗാ​വാ​ട്ടു​മാ​യി​രു​ന്നു. ക​ഴി​ഞ്ഞ വ​ർ​ഷം മേ​യ്​ മൂ​ന്നി​നാ​ണ്​ സം​സ്ഥാ​ന​ത്തെ ഏ​റ്റ​വും ഉ​യ​ർ​ന്ന പ്ര​തി​ദി​ന വൈ​ദ്യു​തി ഉ​പ​​യോ​ഗ​മാ​യ 115.94 ദ​ശ​ല​ക്ഷം യൂ​നി​റ്റ്​ രേ​ഖ​പ്പെ​ടു​ത്തി​യ​ത്.

പീ​ക്ക്​ സ​മ​യ​ത്തെ റെ​ക്കോ​ഡ്​ ആ​വ​ശ്യ​ക​ത (5797 മെ​ഗാ​വാ​ട്ട്) യു​ണ്ടാ​യ​ത്​ ​ക​ഴി​ഞ്ഞ വ​ർ​ഷം മേ​യ്​ മൂ​ന്നി​നാ​യി​രു​ന്നു. ഇ​ക്കൊ​ല്ലം ഏ​പ്രി​ൽ-​മേ​യ്​ മാ​സ​ങ്ങ​ളി​ൽ ക​ഴി​ഞ്ഞ​വ​ർ​ഷ​ത്തേ​തി​നെ​ക്കാ​ൾ വ​ലി​യ തോ​തി​ൽ വൈ​ദ്യു​തി ​വേ​ണ്ടി​വ​രു​മെ​ന്ന ക​ണ​ക്കു​കൂ​ട്ട​ലി​ൽ ആ​വ​ശ്യ​മാ​യ മു​ന്നൊ​രു​ക്ക​ങ്ങ​ൾ കെ.​എ​സ്.​ഇ.​ബി ന​ട​ത്തി​യി​രു​ന്നു. ദീ​ർ​ഘ​കാ​ല, ഹ്ര​സ്വ​കാ​ല ക​രാ​റു​ക​ൾ​ക്ക്​ പു​റ​മെ, കൈ​മാ​റ്റ ക​രാ​റു​ക​ളി​ലും ഏ​ർ​പ്പെ​ട്ടു.

ഏ​പ്രി​ലി​ലും ​മേ​യ്​ മാ​സം ഇ​തു​വ​രെ​യും പ​ല ദി​വ​സ​ങ്ങ​ളി​ലും പ്ര​തി​ദി​നം 100 ദ​ശ​ല​ക്ഷം യൂ​നി​റ്റി​ന്​ മു​ക​ളി​ലേ​ക്ക്​ പ്ര​തി​ദി​ന ഉ​പ​യോ​ഗം ക​ട​ന്നെ​ങ്കി​ലും ഇ​ട​ക്കി​ടെ എ​ത്തി​യ മ​ഴ വൈ​ദ്യു​തി ആ​വ​ശ്യ​ത്തി​ൽ കാ​ര്യ​മാ​യ കു​റ​വു​വ​രു​ത്തി. പ​ക​ൽ സ​മ​യ​ത്ത്​ ഉ​യ​ർ​ന്ന ചൂ​ട്​ അ​നു​ഭ​വ​പ്പെ​ടു​മ്പോ​ഴും രാ​ത്രി​യി​ലെ ചൂ​ട്​ കു​റ​ഞ്ഞു​നി​ന്ന​ത്​ എ.​സി ഉ​ൾ​പ്പെ​ടെ ഉ​പ​യോ​ഗി​ക്കു​ന്ന​തി​ലെ കു​റ​വി​ന്​ കാ​ര​ണ​മാ​യ​താ​യാ​ണ്​ വി​ല​യി​രു​ത്ത​ൽ.