വൈദ്യുതി ഉപഭോഗത്തില്‍ റെക്കോര്‍ഡ്; മൂന്നാം ദിനവും 100 ദശലക്ഷം യൂണിറ്റ് കടന്നു

സംസ്ഥാനത്തെ വൈദ്യുതി ഉപയോഗത്തില്‍ വീണ്ടും റെക്കോര്‍ഡ്. 5066 മെഗാവാട്ടായിരുന്നു ഇന്നലെ പ്രധാന സമയത്തെ ഉപഭോഗം. ഇത് സര്‍വകാല റെക്കോര്‍ഡാണെന്ന് അധികൃതർ പറയുന്നു. മാർച്ച് 11ന് രേഖപ്പെടുത്തിയ 5024 മെഗാവാട്ടിനെയാണിത് മറികടന്നത്. തുടര്‍ച്ചയായ മൂന്നാം ദിവസവും മൊത്ത വൈദ്യുതി ഉപയോഗം 100 ദശലക്ഷം യൂണിറ്റ് കടന്നിരിക്കുകയാണ്. ഇന്നലെ 101.84 ദലശലക്ഷം യൂണിറ്റാണ് ഉപയോഗിച്ചത്.

വൈ​ദ്യു​തി ഉ​പ​ഭോ​ഗം കു​തി​ച്ചു​യ​രു​ക​യും പ്ര​ശ്ന​പ​രി​ഹാ​ര​ത്തി​ന്​ വ​ഴി​കാ​ണാ​തെ കെ.​എ​സ്.​ഇ.​ബി പ്ര​തി​സ​ന്ധി നേ​രി​ടു​ക​യും ചെ​യ്യു​ന്ന പ​ശ്ചാ​ത്ത​ല​ത്തി​ൽ വ്യാ​ഴാ​ഴ്ച മു​ഖ്യ​മ​​ന്ത്രി പി​ണ​റാ​യി വി​ജ​യ​ന്‍റെ സാ​ന്നി​ധ്യ​ത്തി​ൽ ഉ​ന്ന​ത​ത​ല​യോ​ഗം ചേർന്നു. പ്ര​തി​സ​ന്ധി മ​റി​ക​ട​ക്കാ​നു​ള്ള ന​ട​പ​ടി​ക​ൾ ഊ​ർ​ജ വ​കു​പ്പി​ന്​ മാ​ത്ര​മാ​യി കൈ​കാ​ര്യം ചെ​യ്യാ​ൻ സാ​ധി​ക്കാ​ത്ത സാ​ഹ​ച​ര്യ​ത്തി​ലാ​ണ്​ യോ​ഗം. ദി​നംപ്രതി 15 മു​ത​ൽ 20 കോ​ടി രൂ​പ ന​ൽ​കി പ​വ​ർ എ​ക്സ്ചേ​ഞ്ചി​ൽ​നി​ന്നു വൈ​ദ്യു​തി വാ​ങ്ങി​യാ​ണിപ്പോൾ ലോ​ഡ് ഷെ​ഡി​ങ് ഒ​ഴി​വാ​ക്കു​ന്ന​ത്.

കെ.​എ​സ്.​ഇ.​ബി സാ​മ്പ​ത്തി​ക പ്ര​തി​സ​ന്ധി​യി​ൽ ആ​യ​തി​നാ​ൽ ഈ ​രീ​തി​യി​ൽ മു​ന്നോ​ട്ടു​പോ​കാ​നാ​വി​ല്ലെന്നാണ് അധികൃതർ നൽകുന്ന മുന്നറിയിപ്പ്. തെ​ര​ഞ്ഞെ​ടു​പ്പ്​ ആ​സ​ന്ന​മാ​യി​രി​ക്കെ ലോ​ഡ്​ ഷെ​ഡി​ങ് ഒഴിവാക്കാനുള്ള സമ്മർദ്ധം വക​ുപ്പിന് മുകളിലുണ്ട്. ​ഇ​ത​ര​സം​സ്ഥാ​ന​ങ്ങ​ളി​ൽ​നി​ന്ന്​ കു​റ​ഞ്ഞ നി​ര​ക്കി​ൽ വൈ​ദ്യു​തി വാ​ങ്ങാ​നു​ള്ള സാ​ധ്യ​ത​ക​ളാണ് പ്രധാനമായും പ​രി​ശോ​ധി​ക്കുന്നത്.

വൈ​ദ്യു​തി വാ​ങ്ങാ​ൻ ബോ​ർ​ഡ് ചെ​ല​വ​ഴി​ക്കു​ന്ന തു​ക ഭാ​വി​യി​ൽ ഉ​പ​ഭോ​ക്താ​ക്ക​ൾ സ​ർ​ചാ​ർ​ജാ​യി ന​ൽ​കേ​ണ്ടി​ വന്നേക്കും. വേ​ന​ൽ​മ​ഴ കു​റ​വാ​യ​തി​നാ​ൽ അ​ണ​ക്കെ​ട്ടു​ക​ളി​ലെ ജ​ല​നി​ര​പ്പും ആ​ശ​ങ്ക സൃഷ്ടിക്കുകയാണ്. വേ​ന​ൽ​ക്കാ​ല ആ​വ​ശ്യ​ത്തി​ന്​ കൂ​ടു​ത​ൽ വൈ​ദ്യു​തി മൂ​ന്നു​​ ക​മ്പ​നി​ക​ളി​ൽ​നി​ന്ന്​ യൂ​നി​റ്റി​ന് 8.69 രൂ​പ നി​ര​ക്കി​ൽ വാ​ങ്ങാ​ൻ റെ​ഗു​ലേ​റ്റ​റി ക​മീ​ഷ​ൻ നേ​ര​ത്തേ അ​നു​മ​തി ന​ൽ​കി​യി​രു​ന്നു.