യുവാവിനെ പുഴയിൽ മരിച്ച നിലയിൽ കണ്ടെത്തിയ സംഭവം: മൂന്നുപേർ അറസ്​റ്റിൽ

മാനന്തവാടി: പത്ത് മാസം മുമ്പ് യുവാവിനെ പുഴയിൽ മരിച്ച നിലയിൽ കണ്ടെത്തിയ സംഭവവുമായി ബന്ധപ്പെട്ട് മൂന്ന് പേരെ പൊലീസ് അറസ്​റ്റ് ചെയ്തു. കൊയിലേരി, ഊർപ്പള്ളിപൊയിൽ സ്വദേശികളായ വേലിക്കോത്ത് അമ്മു(38), മണിയാറ്റിങ്കൽ വീട് പ്രശാന്ത് എന്ന ജയൻ (36), പൊയിൽ കോളനിയിലെ കാവലൻ(52) എന്നിവരാണ് അറസ്​റ്റിലായത്​. തിരുവനന്തപുരം തച്ചൂർകുന്ന്, എസ്.എൽ മന്ദിരം സുലിലി​െൻറ(33) മരണവുമായി ബന്ധപ്പെട്ടാണ് ഇവർ അറസ്​റ്റിലായത്. ഇവരെ കൂടാതെ ക്വട്ടേഷൻ നൽകിയതെന്ന് കരുതപ്പെടുന്ന, സുലിലിനൊപ്പം കഴിഞ്ഞിരുന്ന യുവതിയെയും പൊലീസ് കസ്​റ്റഡിയിലെടുത്തു.

കൊയിലേരി റോഡിലെ ഭർതൃമതിയായ യുവതി​േയാടൊപ്പം താമസിച്ചുവരുകയായിരുന്ന സുലിലിനെ സെപ്റ്റംബർ 26നാണ് ഊർപ്പള്ളിയിൽ കബനി പുഴയോരത്ത് മരിച്ചനിലയിൽ കണ്ടെത്തിയത്. മരണത്തിൽ ദുരൂഹത ആരോപിച്ച് നാട്ടുകാർ ആക്​ഷൻ കമ്മിറ്റി രൂപവത്കരിച്ചിരുന്നു. എന്നാൽ, മുങ്ങി മരിച്ചതായാണ് പോസ്​റ്റ്​മോർട്ടം റിപ്പോർട്ടെന്ന് ​െപാലീസ് വെളിപ്പെടുത്തി. സുലിലിനൊടൊപ്പം താമസിച്ചിരുന്ന യുവതിയെ ചോദ്യംചെയ്ത് വിട്ടയക്കുകയും ചെയ്തു. എന്നാൽ, ആക്​ഷൻ കമ്മിറ്റിയുടെ ഇടപെടലിനെതുടർന്ന് പ്രത്യേക അന്വേഷണസംഘം രൂപവത്കരിച്ച് നടത്തിയ അന്വേഷണത്തിലാണ് പ്രതികളിലേക്ക് സംശയം നീണ്ടത്. കേസുമായി ബന്ധപ്പെട്ട രേഖകൾ പരിശോധിക്കുകയും മുമ്പ് ചോദ്യം ചെയ്തവരെ വീണ്ടും ചോദ്യംചെയ്യുകയും ചെയ്തതോടെയാണ് യുവാവി​​െൻറ മരണം കൊലപാതകമാണെന്ന് തെളിഞ്ഞത്.

യുവതിയുടെ വീട്ടിലെ ജോലിക്കാരിയായിരുന്ന അമ്മുവിനെ വിശദമായി ചോദ്യം ചെയ്തതിൽ നിന്നാണ് കൊലപാതകത്തി​െൻറ ചുരുളഴിഞ്ഞത്. അമ്മുവും ജയനും ചേർന്ന് യുവാവിനെ കമ്പിപ്പാര കൊണ്ട് തലക്കടിച്ച് കൊലപ്പെടുത്തുകയും കാവല​​െൻറ കൂടി സഹായത്തോടെ മൃതദേഹം വലിച്ചിഴച്ച് പുഴയിൽ കൊണ്ടിടുകയുമായിരുന്നു. സാമ്പത്തിക ഇടപാടുകളാണ് കൊലപാതകത്തിലേക്ക് നയിച്ചതെന്ന് പൊലീസ് പറഞ്ഞു. സ്ഥലം വിറ്റ് കിട്ടിയ വകയിൽ ഭീമമായ തുക കൊല്ലപ്പെട്ട യുവാവി​​െൻറ കൈവശമുണ്ടായിരുന്നു. ഇത് സംബന്ധിച്ച് കൂടുതൽ വിവരം ഇപ്പോൾ കസ്​റ്റഡിയിലുള്ള യുവതിയെ ചോദ്യം ചെയ്തതിന് ശേഷം വ്യക്തമാകൂ.

കൊലപാതകത്തിന് ഉപയോഗിച്ച കമ്പിപ്പാര അമ്മുവി​​െൻറ വീട്ടിൽ നിന്ന്​ പൊലീസ് കണ്ടെടുത്തു. മാനന്തവാടി സി.ഐ പി.കെ. മണി, എസ്.ഐ രതീഷ് തെരുവത്ത് പീടികയിൽ എന്നിവരുടെ നേതൃത്വത്തിലുള്ള പ്രത്യേക അന്വേഷണസംഘമാണ് പ്രതികളെ അറസ്​റ്റു ചെയ്​തത്. കസ്​റ്റഡിയിലുള്ള യുവതിയുടെ ക്വട്ടേഷനാണ് കൊലപാതകത്തിന് കാരണമെന്നാണ് സൂചന.