സുജിത വധക്കേസ്​: തെ​ളി​വെ​ടു​പ്പിനൊരുങ്ങി പൊലീസ്

തു​വ്വൂ​ർ (മ​ല​പ്പു​റം): സു​ജി​ത വ​ധ​ക്കേ​സ് പ്ര​തി​ക​ളു​ടെ തെ​ളി​വെ​ടു​പ്പ് വെ​ള്ളി​യാ​ഴ്ച ന​ട​ന്നേ​ക്കു​മെ​ന്ന്​ സൂ​ച​ന. ചൊ​വ്വാ​ഴ്ച രാ​ത്രി​യോ​ടെ മ​ഞ്ചേ​രി കോ​ട​തി​യി​ൽ ഹാ​ജ​റാ​ക്കി​യ നാ​ലു​പ്ര​തി​ക​ളെ​യും റി​മാ​ൻ​ഡ് ചെ​യ്ത് ജ​യി​ലി​ലേ​ക്ക​യ​ച്ചി​രു​ന്നു. ഇ​വ​രെ ക​സ്റ്റ​ഡി​യി​ൽ വി​ട്ടു​കി​ട്ടാ​ൻ വ്യാ​ഴാ​ഴ്ച കോ​ട​തി​യി​ൽ അ​പേ​ക്ഷ ന​ൽ​കാ​നാ​ണ് പൊ​ലീ​സ് തീ​രു​മാ​നം.

ക​സ്റ്റ​ഡി അ​നു​വ​ദി​ച്ചാ​ൽ വെ​ള്ളി​യാ​ഴ്ച​യും അ​ല്ലെ​ങ്കി​ൽ അ​ടു​ത്ത ദി​വ​സ​ങ്ങ​ളി​ലു​മാ​യി​രി​ക്കും തെ​ളി​വെ​ടു​പ്പ്. പ്ര​തി​ക​ളാ​യ വി​ഷ്ണു​വി​ന്റെ​യും സ​ഹോ​ദ​ര​ങ്ങ​ളു​ടെ​യും വീ​ട്, ജ​ഡം കു​ഴി​ച്ചി​ട്ട സ്ഥ​ലം, ആ​ഭ​ര​ണ​ങ്ങ​ൾ വി​ൽ​പ​ന ന​ട​ത്തി​യ ജ്വ​ല്ല​റി​ക​ൾ തു​ട​ങ്ങി​യ ഇ​ട​ങ്ങ​ളി​ൽ പ്ര​തി​ക​ളെ കൊ​ണ്ടു​വ​രേ​ണ്ട​തു​ണ്ട്. പ്ര​തി​ക​ൾ​ക്കെ​തി​രെ ശ​ക്ത​മാ​യ ജ​ന​വി​കാ​രം നി​ല​നി​ൽ​ക്കു​ന്ന​തി​നാ​ൽ സു​ര​ക്ഷ​ക്ക്​ വ​ൻ പൊ​ലീ​സ് സേ​ന​ത​ന്നെ വേ​ണ്ടി​വ​രും. പ്ര​തി​ക​ൾ നാ​ലു​പേ​രു​ള്ള​തും ത​ല​വേ​ദ​ന​യു​ണ്ടാ​ക്കും.

കുടുംബശ്രീ പ്രവർത്തകയും കൃഷിഭവൻ താൽക്കാലിക ജീവനക്കാരിയുമായ സുജിതയെ ആഗസ്റ്റ് 11നാണ് കാണാതായത്. ഭ​ർ​ത്താ​വി​ന്‍റെ പ​രാ​തി​യി​ൽ ക​രു​വാ​ര​കു​ണ്ട്​ പൊ​ലീ​സ്​ ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ ​കൊ​ല​പാ​ത​ക​മാ​ണെ​ന്ന്​ തെ​ളി​ഞ്ഞ​ത്. അ​റ​സ്റ്റി​ലാ​യ മു​ഖ്യ​പ്ര​തി വി​ഷ്ണു​വി​ന്‍റെ വീ​ട്ടു​വ​ള​പ്പി​ലെ മാ​ലി​ന്യ​ക്കു​ഴി​യി​ൽ​നി​ന്ന്​ തി​ങ്ക​ളാ​ഴ്ച​യാ​ണ്​ സു​ജി​ത​യു​ടെ മൃ​ത​ദേ​ഹം ക​ണ്ടെ​ത്തി​യ​ത്.

യൂത്ത് കോൺഗ്രസ് പ്രാദേശിക നേതാവാണ് വിഷ്ണു. വിഷ്ണുവിന്‍റെ അച്ഛൻ കുഞ്ഞുണ്ണി, വിഷ്ണുവിന്റെ സഹോദരന്മാരായ വൈശാഖ്, ജിത്തു, സുഹൃത്ത് ഷിഫാൻ എന്നിവരാണ് അറസ്റ്റിലായത്. വീട്ടിൽ വച്ച് സുജിതയെ ശ്വാസം മുട്ടിച്ചുകൊന്നുവെന്ന് വിഷ്ണു മൊഴിനൽകിയിട്ടുണ്ട്.