സമൂഹമാധ്യമത്തിൽ ആത്മഹത്യ മുന്നറിയിപ്പ് നൽകി യുവാവ് മരിച്ചു

കൊട്ടാരക്കര: സമൂഹമാധ്യമങ്ങളിലൂടെ ആത്മഹത്യ മുന്നറിയിപ്പ് നൽകിയ യുവാവ് മരിച്ച നിലയിൽ. വാളകം രാജി ഭവനിൽ രാജേഷി നെയാണ്​ (28) വീട്ടിൽ ഫാനിൽ തൂങ്ങിമരിച്ച നിലയിൽ കണ്ടെത്തിയത്. സംഭവവുമായി ബന്ധപ്പെട്ട് ആത്മഹത്യ പ്രേരണാകുറ്റത്തി ന് രാജേഷി​​െൻറ ഭാര്യാപിതാവ് തുളസീധരൻപിള്ളയെ പൊലീസ് അറസ്​റ്റ്​ ചെയ്തു.

പൊലീസ് പറയുന്നത്: ടാക്‌സി ഡ്രൈവറായ രാജേഷ്, ഭാര്യ വീണ, തുളസീധരൻപിള്ള എന്നിവർ കഴിഞ്ഞ ദിവസം ബന്ധുവീട്ടിൽ പോയിരുന്നു. മടങ്ങുംവഴി കാറിൽ​െവച്ച് തുളസീധരൻപിള്ളയും രാജേഷും വഴക്കിട്ടു. രാത്രി പന്ത്രണ്ടോടെ പട്ടാഴിയിൽ കാർ നിർത്തിയപ്പോൾ തുളസീധരൻപിള്ള രാജേഷിനെ മർദിച്ചു.

ഫോണിൽ വിവരമറിയിച്ചതിനെതുടർന്ന് പൊലീസ് സ്ഥലത്തെത്തി രാജേഷിനെ കൊട്ടാരക്കര താലൂക്കാശുപത്രിയിൽ പ്രവേശിപ്പിച്ചു. മുഖത്ത് പരിക്കേറ്റ ഇയാൾ ചികിത്സ തേടാതെ ആശുപത്രിയിൽനിന്ന്​ കടന്നു. ഭാര്യാപിതാവ് തന്നെ മർദിച്ചതിനാൽ ആത്മഹത്യ ചെയ്യുകയാണെന്നുകാട്ടി സുഹൃത്തുക്കൾക്ക് വിഡിയോ സന്ദേശം അയച്ചിരുന്നു.

വെള്ളിയാഴ്ച പുലർച്ചയാണ് മരിച്ച നിലയിൽ കണ്ടെത്തിയത്. ഗർഭിണിയായ വീണയെ കൈയേറ്റം ചെയ്തതിനാലാണ് രാജേഷിനെ മർദിച്ചതെന്ന് തുളസീധരൻപിള്ള മൊഴി നൽകിയതായി കൊട്ടാരക്കര സി.ഐ ന്യുമാൻ പറഞ്ഞു.