ഗൂരുവായൂർ ലോഡ്​ജിൽ കൂട്ട ആത്​മഹത്യാശ്രമം; മൂന്നു വയസുകാരൻ മരിച്ചു

ഗുരുവായുർ: പടിഞ്ഞാറെ നടയിലെ സ്വകാര്യ ലോഡ്ജിൽ മക്കൾക്ക് വിഷം നൽകിയ ശേഷം മാതാപിതാക്കളും വിഷം കഴിച്ച് ആത്മഹത്യക്ക് ശ്രമിച്ച സംഭവത്തിൽ മകൻ മരിച്ചു. മലപ്പുറം ചേറംകോട് കാറമല വീട്ടിൽ സുനിലി​​െൻറ മകൻ ആകാശ് (3) ആണ് മരിച്ചത്. സുനിൽ, ഭാര്യ സുജാത, മകൻ അമൽ എന്നിവർ മെഡിക്കൽ കോളജിൽ തുടരുന്നു. 

പായസത്തിൽ എലിവിഷം കലർത്തിയാണ് കഴിച്ചത്. ബുധനാഴ്ച രാത്രിയാണ് ഇവർ ലോഡ്ജിൽ മുറിയെടുത്തത്. വ്യാഴാഴ്ച ഉച്ചക്ക് ശേഷം ഭക്ഷ്യവിഷബാധയെന്ന് പറഞ്ഞ് ഇവർ ദേവസ്വം ആശുപത്രിയിലെത്തുകയായിരുന്നു. തുടർന്ന് 4 പേരേയും മെഡിക്കൽ കോളജിലേക്ക് മാറ്റി. ആകാശ് രാത്രി 12.30 ഓടെ മരിച്ചു. സാമ്പത്തിക പ്രശ്നങ്ങളാണ് ആത്മഹത്യ ശ്രമത്തിന് പിന്നിലെന്ന് കരുതുന്നു.