ശബരിമല: ജെല്ലിക്കെട്ട് സമരം കേരളത്തിൽ​ ആവർത്തിക്കാനിടയാവരുതെന്ന്​ കെ. സുധാകരൻ

കണ്ണൂർ: ശബരിമല സമരം ഗൗരവമുള്ളതാണെന്നും തമിഴ്നാട്ടിലെ ജെല്ലിക്കെട്ട് സമരം കേരളത്തിൽ ആവർത്തിക്കാനിടയാവരുതെന്നും കെ.പി.സി.സി വർക്കിങ്​ പ്രസിഡൻറ്​ കെ. സുധാകരൻ. വിധി നടപ്പാക്കാൻ സർക്കാർ വിശ്വാസികളുടെ അഭിപ്രായം ചോദിച്ചില്ലെന്നും സുധാകരൻ പറഞ്ഞു.

സർക്കാർ വലിയ തിടുക്കത്തിലാണ്. ജെല്ലിക്കെട്ട് സമരത്തിലും ഈ തിടുക്കമാണ് പ്രശ്നമാക്കിയത്. ശബരിമല സമരത്തിൽ ഇനിയും ജനപിന്തുണ കൂടും. ബി.ജെ.പി.മുതലെടുപ്പിന് ശ്രമിക്കും. അയ്യപ്പക്ഷേത്രത്തിലെ പതിനെട്ടാം പടിയിൽ വനിതാ പൊലീസിനെ വിന്യസിക്കാൻ വിശ്വാസികൾ അനുവദിക്കില്ലെന്നും അദ്ദേഹം മീറ്റ്​ ദി പ്രസിൽ വ്യക്​തമാക്കി.

റിവ്യൂ പെറ്റിഷൻ സർക്കാർ നൽകി പ്രശ്നം പരിഹരിക്കണം. തമിഴ്നാട്ടിലെത് പോലെ കലാപം ഇവിടെ ഇല്ലാതെ നോക്കണം. ക്ഷേത്രം പൊളിക്കാൻ ആഹ്വാനം ചെയ്ത പാരമ്പര്യമുള്ളവരാണ് കമ്മ്യൂണിസ്റ്റുകൾ. അവരുടെ സർക്കാർ അങ്ങിനെയാവരുത്. കോടതി വിധിയിലുണ്ടായ ഭയാശങ്ക അകറ്റാൻ സർക്കാർ ഇടപെടണമെന്നും.