വിദ്യാർഥിയുടെ മരണം: എസ്​.​െഎയെ മാറ്റി, സി.​െഎക്ക്​ അന്വേഷണ ചുമതല

ചവറ: ഐ.ടി.ഐ വിദ്യാർഥി രഞ്​ജിത്​ (18)​ മർദമേറ്റ്​ മരിച്ച കേസി​​െൻറ അന്വേഷണചുമതല തെക്കുംഭാഗം എസ്.ഐയിൽനിന്ന്​ മാറ്റി ചവറ സി.ഐ ചന്ദ്രദാസിന്​ നൽകി. എ.സി.പി അരുൺരാജ് രഞ്ജിത്തി​​െൻറ വീട്ടിലെത്തി മാതാപിതാക്കളിൽനിന്ന് മൊഴിയെടുത്തു. കൊല്ലം ജില്ല ജയിൽ വാർഡൻ തേവലക്കര അരിനല്ലൂർ മല്ലകത്ത് വീട്ടിൽ വിനീതി​​െൻറ നേതൃത്വത്തിൽ വീടുകയറി മർദിച്ചതിനെതുടർന്ന് ഗുരുതര പരിക്കേറ്റാണ്​ തേവലക്കര അരിനെല്ലൂർ ചിറക്കാലക്കോട്ട് കിഴക്കതിൽ രഞ്ജിത് മരിച്ചത്​.

മർദിച്ച സംഘത്തിൽ ഏഴ് പേരുണ്ടായിരുന്നെന്ന് മാതാപിതാക്കൾ പൊലീസിൽ മൊഴി നൽകിയിരുന്നു. എന്നാൽ, ജയിൽ വാർഡനെ മാത്രമേ അറസ്​റ്റ്​ ചെയ്​തുള്ളൂ. കേസിൽ ഉൾപ്പെട്ടവർക്കെതിരെ മുഖം നോക്കാതെ നടപടിയെടുക്കുമെന്ന് എ.സി.പി അരുൺരാജ് ‘മാധ്യമ’ത്തോട് പറഞ്ഞു.രഞ്ജിത്തിനെ മർദിച്ച സംഘത്തിൽ അരിനല്ലൂർ സൗത്ത് ബ്രാഞ്ച് കമ്മിറ്റിയംഗം സരസൻ പിള്ള ഉ​െണ്ടന്ന ആരോപണം സി.പി.എം ചവറ ഏരിയ സെക്രട്ടറി ടി. മനോഹരൻ നിഷേധിച്ചു.

അറസ്​റ്റിലായ ജയിൽ വാർഡൻ വിനീത്​ ഉൾപ്പെടെ ആറംഗസംഘം​ വീട്ടിലെത്തി രഞ്​ജിത്തിനെ മർദിച്ചതെന്നാണ്​ മാതാപിതാക്കൾ പൊലീസിൽ നൽകിയ മൊഴി. ഇക്കൂട്ടത്തിൽ വിനീതി​​െൻറ പിതൃസഹോദരനും സി.പി.എം അരിനല്ലൂർ തെക്ക് ​ബ്രാഞ്ച്​ സെക്രട്ടറിയുമായ സരസൻപിള്ളയും ഉണ്ടെന്ന്​ മൊഴിയിലുണ്ട്​. എന്നാൽ, ഇദ്ദേഹം ഉൾപ്പെടെ എല്ലാവരെയും പ്രതിപ്പട്ടികയിൽനിന്ന്​ ഒഴിവാക്കിയ പൊലീസ്​, ജില്ല ജയിൽ വാർഡൻ വിനീതിനെ മാത്രം പ്രതിയാക്കുകയായിരുന്നു.