എസ്​.​ഐ വെടിയേറ്റ്​ മരിച്ച സംഭവത്തിനു പിന്നിൽ തീവ്രസ്വഭാവമുള്ള സംഘടനകളെന്ന് പൊലീസ്

മാർത്താണ്ഡം (കന്യാകുമാരി): കേരള-തമിഴ്​നാട്​ അതിർത്തിയിൽ തമിഴ്​നാട്​ എസ്​.​ഐ വെടിയേറ്റ്​ മരിച്ച സംഭവത്തിൽ തീവ ്രസ്വഭാവമുള്ള സംഘടനകളെന്ന് പൊലീസ്. സംശയമുള്ളവരുടെ ചിത്രങ്ങൾ തമിഴ്നാട് പൊലീസ് പുറത്തുവിട്ടു. കൊലക്കേസ് പ്രതി രാജ് കുമാറിന്‍റെ നേതൃത്വത്തിലെ രണ്ടംഗ സംഘമാണ് വെടിവെപ്പ് നടത്തിയതെന്നാണ് പൊലീസ് േനരത്തെ പറഞ്ഞിരുന്നത്.

അതിർത്തിയിൽനിന്ന്​ ഒരു കിലോമീറ്റർ അകലെയുള്ള മാർക്കറ്റ്​ റോഡ്​ ചെക്​പോസ്​റ്റിൽ ബുധനാഴ്ച രാത്രി 10ഒാടെയായിരുന്നു സംഭവം. കളിയിക്കാവിള സ്​റ്റേഷനിലെ സ്​പെഷൽ സബ് ഇൻസ്​പെക്ടർ മാർത്താണ്ഡം സ്വദേശി വിത്സനാണ്​ (56) മരിച്ചത്.

പ്രതികൾ കേരളത്തിലേക്ക് കടന്നതായാണ് പൊലീസ് നൽകുന്ന വിവരം. ഇതേതുടർന്ന് കേരള-തമിഴ്​നാട്​ പൊലീസ്​ സംയുക്തമായി തിരച്ചിൽ നടത്തുകയാണ്. സ്ഥിതിഗതികൾ വിലയിരുത്താൻ തമിഴ്നാട് ഡി.ജി.പി തിരുവനന്തപുരത്തെത്തിയിട്ടുണ്ട്.