മണൽഖനനം കടൽ ആവാസവ്യവസ്ഥ തകർക്കുമെന്ന്​ പഠനം

തി​രു​വ​ന​ന്ത​പു​രം: കേ​ര​ള തീ​ര​ത്തെ ക​ട​ൽ മ​ണ​ൽ​ഖ​ന​നം സ​മു​ദ്ര ആ​വാ​സ വ്യ​വ​സ്ഥ ത​ക​ർ​ക്കു​മെ​ന്ന്​ പ​ഠ​നം. സ​മു​ദ്ര പ​രി​സ്ഥി​തി, ജൈ​വ​വൈ​വി​ധ്യം, തീ​ര​ദേ​ശ ഉ​പ​ജീ​വ​ന​മാ​ർ​ഗം എ​ന്നി​വ​യി​ൽ ക​ട​ൽ മ​ണ​ൽ ഖ​ന​നം സൃ​ഷ്ടി​ക്കാ​വു​ന്ന പ്ര​ത്യാ​ഘാ​ത​ങ്ങ​ളെ​ക്കു​റി​ച്ച്​ കേ​ര​ള സ​ർ​വ​ക​ലാ​ശാ​ല അ​ക്വാ​ട്ടി​ക് ബ​യോ​ള​ജി ആ​ൻ​ഡ്​ ഫി​ഷ​റീ​സ് വ​കു​പ്പി​ലെ മ​റൈ​ൻ മോ​ണി​റ്റ​റി​ങ്​ ലാ​ബ് (എം.​എം.​എ​ൽ) ആ​ണ്​ പ​ഠ​നം ന​ട​ത്തി​യ​ത്. ജ​ല​ത്തി​ന​ടി​യി​ലു​ള്ള ജൈ​വ​വൈ​വി​ധ്യ പ​ഠ​ന​ത്തി​ൽ കൊ​ല്ലം തീ​ര​പ്ര​ദേ​ശ​ത്തെ 40 മീ​റ്റ​ർ ആ​ഴം വ​രെ​യു​ള്ള സ​മു​ദ്ര​ഭാ​ഗം പാ​റ​പ്പാ​രു​ക​ളാ​ൽ സ​മ്പ​ന്ന​മാ​ണെ​ന്നും വം​ശ​നാ​ശ​ഭീ​ഷ​ണി നേ​രി​ടു​ന്ന പ​വി​ഴ ജീ​വി​ക​ളു​ടെ വ​ലി​യ സാ​ന്നി​ധ്യം പ്ര​ദേ​ശ​ത്ത് ല​ഭ്യ​മാ​ണെ​ന്നും ക​ണ്ടെ​ത്തി.

കേ​ര​ള​ത്തി​ൽ സ്ഥി​രീ​ക​രി​ച്ചി​ട്ടു​ള്ള മൃ​ദു​വാ​യ പ​വി​ഴ ഇ​ന​ങ്ങ​ളു​ടെ മൂ​ന്നി​ൽ ര​ണ്ട് ഭാ​ഗ​വും കൊ​ല്ലം തീ​ര​ത്താ​ണ് കാ​ണ​പ്പെ​ടു​ന്ന​ത്. ഈ ​പാ​റ​ക്കെ​ട്ടു​ക​ൾ ജൈ​വ​വൈ​വി​ധ്യ ഹോ​ട്ട്‌​സ്‌​പോ​ട്ടു​ക​ളു​മാ​ണ്​. വി​വി​ധ​യി​നം മ​ത്സ്യ​ങ്ങ​ൾ, പ​വി​ഴ​ജീ​വി​ക​ൾ, സ്പോ​ഞ്ചു​ക​ൾ, ആ​ൽ​ഗ​ക​ൾ എ​ന്നി​വ​ക്ക്​ തീ​റ്റ​യും അ​ഭ​യ​കേ​ന്ദ്ര​വു​മാ​യി ഈ ​മേ​ഖ​ല​യി​ലെ പാ​റ​പ്പാ​രു​ക​ൾ പ്ര​വ​ർ​ത്തി​ക്കു​ന്നു. കൊ​ല്ല​ത്തു​നി​ന്ന് 40-100 മീ​റ്റ​ർ ആ​ഴം ല​ക്ഷ്യ​മാ​ക്കി​യു​ള്ള ഖ​ന​ന പ്ര​വ​ർ​ത്ത​ന​ങ്ങ​ൾ പാ​റ​പ്പാ​രു​ക​ളു​ടെ ആ​വാ​സ​വ്യ​വ​സ്ഥ​യെ ദു​ർ​ബ​ല​പ്പെ​ടു​ത്തും.

പാ​റ​പ്പാ​രു​ക​ൾ സ​മു​ദ്ര ജൈ​വ​വൈ​വി​ധ്യം നി​ല​നി​ർ​ത്തു​ക​യും മ​ത്സ്യ ഉ​ൽ​പാ​ദ​ന​ക്ഷ​മ​ത ഉ​റ​പ്പാ​ക്കു​ക​യും ചെ​യ്യു​ന്ന ഫീ​ഡ​ർ സം​വി​ധാ​ന​മാണ്. ഇ​വ​യു​ടെ നാ​ശം സ​മു​ദ്ര​ജീ​വി​ക​ൾ​ക്കും അ​വ​യെ ആ​ശ്ര​യി​ക്കു​ന്ന മ​ത്സ്യ​ബ​ന്ധ​ന സ​മൂ​ഹ​ങ്ങ​ൾ​ക്കും പ്ര​ത്യാ​ഘാ​ത​ങ്ങ​ളു​ണ്ടാ​ക്കും. ഇ​തു​വ​ഴി സ​മു​ദ്ര ആ​വാ​സ​വ്യ​വ​സ്ഥ​യി​ലെ പ്രാ​ഥ​മി​ക ഉ​ൽ​പാ​ദ​ക​രാ​യ സ​സ്യ​പ്ല​വ​ക​ങ്ങ​ളു​ടെ ഉ​ൽ​പാ​ദ​ന​ക്ഷ​മ​ത, ജ​ന്തു​പ്ല​വ​ക​ങ്ങ​ളു​ടെ അ​തി​ജീ​വ​നം എ​ന്നി​വ​ക്ക്​ വെ​ല്ലു​വി​ളി​യാ​കു​ന്ന​തി​നൊ​പ്പം ഇ​വ​യെ ഭ​ക്ഷ​ണ​മാ​ക്കി ജീ​വി​ക്കു​ന്ന മ​ത്സ്യ​ങ്ങ​ൾ ഉ​ൾ​പ്പെ​ടെ​യു​ള്ള ജ​ല​ജീ​വി​ക​ളെ​യും ബാ​ധി​ക്കുമെന്ന് റിപ്പോർട്ടിൽ പറയുന്നു.

സംസ്ഥാനം എതിർപ്പറിയിച്ചിരുന്നു -മന്ത്രി

തി​രു​വ​ന​ന്ത​പു​രം: ​ക​ട​ൽ മ​ണ​ൽ ഖ​ന​ന​ത്തി​നെ​തി​രെ സം​സ്ഥാ​നം മൂ​ന്ന്​ ത​വ​ണ എ​തി​ർ​പ്പ്​ ​ അ​റി​യി​ച്ചി​രു​ന്ന​താ​യി മ​ന്ത്രി പി. ​രാ​ജീ​വ്​ വാ​ർ​ത്ത സ​മ്മേ​ള​ന​ത്തി​ൽ അ​റി​യി​ച്ചു. 2025 ജ​നു​വ​രി 11ന് ​കൊ​ച്ചി റി​നാ​യ് ഹോ​ട്ട​ലി​ൽ കേ​ന്ദ്ര മൈ​നി​ങ്​ മ​ന്ത്രാ​ല​യം ആ​ദ്യ​മാ​യി ന​ട​ത്തി​യ റോ​ഡ് ഷോ​യി​ൽ ത​ന്നെ കേ​ര​ള​ത്തി​ന്‍റെ ശ​ക്ത​മാ​യ പ്ര​തി​ഷേ​ധം രേ​ഖ​പ്പെ​ടു​ത്തി.

സം​സ്ഥാ​ന വ്യ​വ​സാ​യ വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി എ.​പി.​എം. മു​ഹ​മ്മ​ദ് ഹ​നീ​ഷ് സം​സ്ഥാ​ന നി​ല​പാ​ട് കേ​ന്ദ്ര മൈ​ൻ​സ് സെ​ക്ര​ട്ട​റി കാ​ന്ത​റാ​വു​വി​നെ അ​റി​യി​ച്ചു. ഫെ​ബ്രു​വ​രി 13ന്, ​സം​സ്ഥാ​ന​ത്തി​ന്റെ താ​ല്പ​ര്യ​ങ്ങ​ൾ സം​ര​ക്ഷി​ച്ച്​ മാ​ത്ര​മേ, ധാ​തു​പ​ര്യ​വേ​ക്ഷ​ണ​ത്തി​നും ഖ​ന​ന​ത്തി​നു​മു​ള്ള ലേ​ല ന​ട​പ​ടി​ക​ൾ ആ​രം​ഭി​ക്കാ​വൂ​വെ​ന്ന് വ്യ​വ​സാ​യ വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി കേ​ന്ദ്ര സ​ർ​ക്കാ​റി​ന് വീ​ണ്ടും ക​ത്ത് ന​ൽ​കി​യ​താ​യും മ​ന്ത്രി അ​റി​യി​ച്ചു.