ഓടുന്നതിനിടെ സ്കൂൾ വാനിൽ നിന്ന് തെറിച്ചു വീണ് വിദ്യാർഥികൾക്ക് പരിക്ക്

പൊൻകുന്നം: ഓടുന്നതിനിടെ സ്കൂൾ വാനി​​​​െൻറ പിൻവാതിലിലൂടെ വിദ്യാർഥികൾ റോഡിലേക്ക്​ തെറിച്ചുവീണു. പൊൻകുന്നത്തെ സ്വകാര്യ സ്കൂളിലെ  നാലാം ക്ലാസ് വിദ്യാർഥിനി ജോബിറ്റ് ജിയോ, ആറാം ക്ലാസ് വിദ്യാർഥിനി ആവണി രാജേന്ദ്രൻ എന്നിവർക്കാണ്​ പരിക്കേറ്റത്. ഇവരെ കാഞ്ഞിരപ്പള്ളി ജനറൽ  ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ല.
കുട്ടികൾ റോഡിലേക്ക് തെറിച്ചുവീണത് ഡ്രൈവർ അറിഞ്ഞില്ല. നിർത്താതെ പോയ വാൻ നാട്ടുകാർ  ബഹളം​െവച്ച്​ നിർത്തിക്കുകയായിരുന്നു.  

കുട്ടികളെയും കയറ്റി പൊൻകുന്നം തോണിപ്പാറ കയറ്റം കയറിവരുമ്പോൾ ചൊവ്വാഴ്​ച രാവിലെ എട്ടരയോടെ വാനി​​​​െൻറ പിൻവാതിൽ അപ്രതീക്ഷിതമായി  തുറന്നുപോകുകയും വാനി​​​​െൻറ വശങ്ങളിലിരുന്ന കുട്ടികൾ റോഡിലേക്ക് തെറിച്ചുവീഴുകയുമായിരുന്നു. വിദ്യാർഥികളിൽ ആരുടെയെങ്കിലും കൈ തട്ടി  വാനി​​​​െൻറ വാതിൽ തുറന്നുപോയതാകാമെന്ന് കരുതുന്നതായി പൊലീസ് പറഞ്ഞു.

സ്ഥിരമായി ഓടിച്ചിരുന്ന ഡ്രൈവർക്ക് ദേഹാസ്വാസ്ഥ്യം ഉണ്ടായതിനാൽ  താൽക്കാലികമായി നിയമിച്ചിരുന്നയാളാണ് വാൻ ഓടിച്ചിരുന്നത്. സ്കൂളിൽ പഠിക്കുന്ന കുട്ടിയുടെ രക്ഷിതാവ് കൂടിയാണ് അപകടത്തിൽപെട്ട വാനി​​​​െൻറ  ഡ്രൈവറെന്നും ഇയാൾക്ക് മതിയായ യോഗ്യതയുള്ളതായും പൊലീസ് പറഞ്ഞു. ഗ്രാമീണ റോഡായതിനാലും കയറ്റമായിരുന്നതിനാലും വാനിന് വേഗം  കുറവായിരുന്നു. സ്കൂൾ വാൻ ഓടിച്ചിരുന്ന ഡ്രൈവർ തോണിപ്പാറ പുന്നത്താനം വീട്ടിൽ ഷൈനിനെതിരെ (34) അശ്രദ്ധമായി വാഹനം ഓടിച്ചതിനും

വാഹനത്തിലുണ്ടായിരുന്ന ഹെൽപറായ യുവതിക്കെതിരെ വാനി​​​​െൻറ വാതിൽ സുരക്ഷിതമായി സംരക്ഷിക്കാതിരുന്നതിനും പൊൻകുന്നം പൊലീസ്  കേസെടുത്തു. കസ്​റ്റഡിയിലെടുത്ത ഇവരെ കാഞ്ഞിരപ്പള്ളി കോടതിയിൽ ഹാജരാക്കി. ഡ്രൈവറുടെ ലൈസൻസ്​ റദ്ദാക്ക​ുന്നതടക്കമുള്ള നടപടികൾ  സ്വീകരിക്കുമെന്ന് മോട്ടോർ വാഹനവകുപ്പ്​ അധികൃതർ അറിയിച്ചു.