കുളിക്കാനിറങ്ങിയ എൻജിനീയറിങ്​ വിദ്യാർഥിയെ ഒഴുക്കിൽപെട്ട് കാണാതായി

കോതമംഗലം: കൂട്ടുകാരോടൊത്ത് പെരിയാറ്റിൽ കുളിക്കാനിറങ്ങിയ എൻജിനീയറിങ്​ വിദ്യാർഥിയെ ഒഴുക്കിൽപെട്ട് കാണാതായി. നേര്യമംഗലം ചെങ്ങറയിൽ രാധാകൃഷ്ണ​​െൻറ മകൻ അനന്തകൃഷ്ണൻ (അനന്തു -22) ആണ് ഒഴുക്കിൽപെട്ടത്. ശനിയാഴ്ച വൈകീട്ട് 4.30ഒാടെയാണ് സംഭവം. 

കൂട്ടുകാരായ ആകാശ്, വിഷ്ണു എന്നിവരോടൊപ്പം പെരിയാറ്റിൽ നേര്യമംഗലം പത്തായപാറക്ക് സമീപം കുളിക്കാനിറങ്ങിയ അനന്തകൃഷ്ണൻ ശക്തമായ ഒഴുക്കിൽപെടുകയായിരിന്നു. ലോവർപെരിയാർ ഡാമി​​െൻറ ഷട്ടർ ഉയർത്തിയതിനാൽ ശക്തമായ ഒഴുക്കുണ്ടെന്ന് പറഞ്ഞ് കൂടെയുണ്ടായിരുന്ന സുഹൃത്തുക്കൾ പുഴയിലിറങ്ങിയില്ല. അനന്തു ഒഴുക്കിൽപെട്ടതറിഞ്ഞ് ബഹളം​െവച്ചതിനെ തുടർന്ന് നാട്ടുകാർ ഓടിക്കൂടുകയും ​െപാലീസിനെയും ഫയർ ഫോഴ്സിനെയും വിവരമറിയിക്കുകയുമായിരുന്നു. ഫയർ ഫോഴ്സും ​െപാലീസും നാട്ടുകാരും രക്ഷാപ്രവർത്തനങ്ങളിൽ ഏർപ്പെടുകയും ചെയ്തു.

ശക്തമായ ഒഴുക്ക്​, കലങ്ങിയ വെള്ളം, ഇരുട്ട് എന്നിവ രക്ഷാപ്രവർത്തനത്തിന്​ തടസ്സമായി. രാത്രി 7.30ഒാടെ തിരച്ചിൽ നിർത്തി​െവക്കുകയായിരുന്നു. നെല്ലിമറ്റം എംബിറ്റ്സ് എൻജിനീയറിങ്​ കോളജിലെ മൂന്നാം വർഷ ബി.ടെക് വിദ്യാർഥിയാണ്. പെരുമ്പാവൂരിൽ സ്​റ്റാറ്റിസ്​റ്റിക്കൽ ഡിപ്പാർട്​മ​െൻറിലെ ഉദ്യോഗസ്ഥനാണ്​ അനന്തുവി​​െൻറ പിതാവ്​.