വിദ്യാർഥി മംഗളൂരുവിൽ ബൈക്കപകടത്തിൽ മരിച്ചു

കുമ്പള: ഉപ്പള സ്വദേശിയായ എൻജിനീയറിങ് വിദ്യാർഥി മംഗളൂരുവിൽ ബൈക്കപകടത്തിൽ മരിച്ചു. ഉപ്പള മണ്ണങ്കുഴിയിൽ താമസക്കാരനും പെരിങ്കടി സ്വദേശിയുമായ നൂർ മുഹമ്മദ് - താഹിറ ദമ്പതികളുടെ മകൻ മുഹമ്മദ് നഷാദ് (21) ആണ് മരിച്ചത്.

മംഗളൂരു ശ്രീദേവി എൻജിനീയറിങ് കോളജ് വിദ്യാർഥിയാണ്. കോളജിലേക്ക് പോകവേ ബുള്ളറ്റ് ബൈക്ക് നിയന്ത്രണം വിട്ടു സമീപത്തെ ഡിവൈഡറിലിടിച്ച് ആണ് അപകടം.

സഹോദരങ്ങൾ: നഹീം (സൗദി), നുഹ, നുബ്‌ല.