വിദ്യാർഥി പുഴയിൽ മുങ്ങിമരിച്ചു

പനമരം: പുഴയിൽ കുളിക്കുന്നതിനിടെ വിദ്യാർഥി മുങ്ങിമരിച്ചു. നീർവാരം ഗവ. ഹയർ സെക്കൻഡറി സ്കൂൾ പ്ലസ്​ വൺ വിദ്യാർഥി പനമരം പുത്തൻതോട്ടത്തിൽ ആസിഫലിയുടെ മകൻ അജ്​മലാണ് (17) മരിച്ചത്. ഞായറാഴ്ച രാവിലെ ആ​േറാടെ പനമരം പുഴയിൽ കീഞ്ഞുകടവിനടുത്താണ് അപകടം.

നോമ്പിനോടനുബന്ധിച്ച് പള്ളിയിൽ അന്തിയുറങ്ങിയ അജ്​മൽ രാവിലെ കൂട്ടുകാരോടൊന്നിച്ചാണ് പുഴയിൽ കുളിക്കാൻ പോയത്. നീന്തുന്നതിനിടയിൽ കാണാതാവുകയായിരുന്നു. കൂട്ടുകാർ അറിയിച്ചതിനനുസരിച്ച് നാട്ടുകാർ തിരച്ചിൽ നടത്തി അര മണിക്കൂറിനുള്ളിൽ മൃതദേഹം കണ്ടെത്തി. ശക്തമായ അടിയൊഴുക്കുള്ള ഭാഗത്താണ് അപകടം. ആസിയയാണ് അജ്​മലിൻെറ മാതാവ്​. സഹോദരങ്ങൾ: ആബിദ്, അസീബ.