വിദ്യാർഥികളുടെ നിരക്കുവർധന: ബസുടമകൾ കോടതിയിലേക്ക് 

പാ​ല​ക്കാ​ട്: വി​ദ്യാ​ർ​ഥി​ക​ളു​ടെ യാ​ത്ര​നി​ര​ക്കി​ൽ വി​ട്ടു​വീ​ഴ്ച​ക്കി​ല്ലാ​തെ ബ​സു​ട​മ​ക​ൾ. രാ​മ​ച​ന്ദ്ര​ൻ ക​മീ​ഷ​ൻ റി​പ്പോ​ർ​ട്ട്​ പ്ര​കാ​രം വി​ദ്യാ​ർ​ഥി​ക​ളു​ടെ നി​ര​ക്കു​​വ​ർ​ധ​ന ന​ട​പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട് ഹൈ​കോ​ട​തി​യെ സ​മീ​പി​ക്കാ​ൻ പാ​ല​ക്കാ​ട് ചേ​ർ​ന്ന ഒാ​ൾ കേ​ര​ള ബ​സ് ഓ​പ​റേ​റ്റേ​ഴ്സ് ഓ​ർ​ഗ​നൈ​സേ​ഷ​ൻ സം​സ്ഥാ​ന സ​മി​തി യോ​ഗം തീ​രു​മാ​നി​ച്ചു.

വി​ദ്യാ​ർ​ഥി​ക​ളു​ടെ നി​ര​ക്ക് വ​ർ​ധി​പ്പി​ക്കാ​തെ സ​മ​രം അ​വ​സാ​നി​പ്പി​ക്കി​ല്ലെ​ന്ന ബ​സു​ട​മ​ക​ളു​ടെ ഭീ​ഷ​ണി​ക്ക്​ സ​ർ​ക്കാ​ർ വ​ഴ​ങ്ങാ​തി​രു​ന്ന​തി​നാ​ലാ​ണ് നി​യ​മ​ന​ട​പ​ടി​ക​ളു​മാ​യി മു​ന്നോ​ട്ടു​പോ​കാ​ൻ തീ​രു​മാ​നി​ച്ച​ത്. വി​ദ്യാ​ർ​ഥി​ക​ളു​ടെ മി​നി​മം ചാ​ർ​ജ് ര​ണ്ടു​രൂ​പ​യാ​ക്ക​ണ​മെ​ന്നും 2.5 കി​ലോ​മീ​റ്റ​റി​ന് ശേ​ഷം ചാ​ർ​ജി​​​െൻറ 25 ശ​ത​മാ​നം ന​ൽ​ക​ണ​മെ​ന്നു​മാ​ണ് രാ​മ​ച​ന്ദ്ര​ൻ ക​മീ​ഷ​ൻ റി​പ്പോ​ർ​ട്ടി​ൽ പ​റ​യു​ന്ന​ത്. 

സ​ർ​ക്കാ​ർ അം​ഗീ​കൃ​ത യാ​ത്ര പാ​സി​ല്ലാ​ത്ത വി​ദ്യാ​ർ​ഥി​ക​ൾ​ക്കും അം​ഗീ​കാ​ര​മി​ല്ലാ​ത്ത സ്ഥാ​പ​ന​ങ്ങ​ളി​ലെ കു​ട്ടി​ക​ൾ​ക്കും യാ​ത്ര ആ​നു​കൂ​ല്യം ന​ൽ​കേ​ണ്ട​തി​ല്ലെ​ന്നും ആ​ർ.​ടി.​ഒ ന​ൽ​കു​ന്ന കാ​ർ​ഡി​ല്ലാ​ത്ത​വ​ർ​ക്ക് ജൂ​ൺ ഒ​ന്നു​മു​ത​ൽ ക​ൺ​സ​ഷ​ൻ ന​ൽ​കേ​ണ്ടെ​ന്നും യോ​ഗം തീ​രു​മാ​നി​ച്ചു. 

സ്വ​കാ​ര്യ ബ​സു​ക​ൾ ന​ൽ​കു​ന്ന അ​തേ നി​ര​ക്കി​ൽ വി​ദ്യാ​ർ​ഥി​ക​ൾ​ക്ക് കെ.​എ​സ്.​ആ​ർ.​ടി.​സി​യി​ലും ക​ൺ​സ​ഷ​ൻ ന​ൽ​ക​ണ​മെ​ന്ന്​ സം​ഘ​ട​ന ആ​വ​ശ്യ​പ്പെ​ട്ടു. വി​ദ്യാ​ർ​ഥി​ക​ളു​ടെ പ​ഠ​നം സ്വ​കാ​ര്യ ബ​സു​ട​മ​ക​ളു​ടെ മാ​ത്രം ഉ​ത്ത​ര​വാ​ദി​ത്ത​മ​ല്ലെ​ന്നും നേ​താ​ക്ക​ൾ ചൂ​ണ്ടി​ക്കാ​ട്ടി.