വിദ്യാർഥിനി തൂങ്ങിമരിച്ചത് ഓൺലൈൻ പഠനത്തിൽ തടസ്സം നേരിട്ടതിൽ മനംനൊന്തെന്ന് ബന്ധുക്കൾ

തിരൂരങ്ങാടി (മലപ്പുറം): പത്താം ക്ലാസുകാരിയായ ദലിത് വിദ്യാർഥിനി കഴിഞ്ഞദിവസം വീട്ടിനുള്ളിൽ തൂങ്ങിമരിച്ചത് ഓൺലൈൻ പoനത്തിനിടെ വൈദ്യുതി പോയതിനെ തുടർന്ന്​ ഫോൺ ലഭിക്കാത്തതിനാലാണെന്ന്​ ബന്ധുക്കൾ. തൃക്കുളം പന്താരങ്ങാടി ലക്ഷംവീട് കോളനിയിലെ കോട്ടുവലക്കാട്ട് ദാസ​​െൻറ മകൾ അഞ്ജലിയാണ്​ (15) മരിച്ചത്. 

പത്താം തരത്തിലെ ഓൺലൈൻ ക്ലാസ് ടി.വിയിൽ കണ്ടുകൊണ്ടിരിക്കെ വൈദ്യുതി പോയതിനെ തുടർന്ന് അഞ്ജലി സഹോദരിയോട് മൊബൈൽ ഫോൺ ആവശ്യ​പ്പെട്ടതായി ബന്ധുക്കൾ പറഞ്ഞു. മൊബൈൽ പഠനത്തിന് ഉപയോഗിക്കാനുള്ളതിനാൽ സഹോദരി നൽകാൻ വിസമ്മതിച്ചു. പിതാവ് ദാസനോട് തനിക്ക് ഒരു ഫോൺ പoനത്തിന്​ വാങ്ങിത്തരാൻ എത്ര തവണയായി പറയുന്നെന്ന് അഞ്ജലി ചോദിച്ചിരുന്നതായും ബന്ധുക്കൾ പറയുന്നു. 

എന്നാൽ, കോവിഡ് പ്രതിസന്ധിമൂലം ജോലിക്കുപോലും പോകാൻ കഴിയാത്ത താൻ എങ്ങനെയാണ് ഫോൺ വാങ്ങുക എന്ന് പിതാവ് ചോദിച്ചിരുന്നു. ഓൺലൈൻ ക്ലാസ് തുടങ്ങിയത് മുതൽ എല്ലാദിവസവും ഫോൺ വിഷയം പറയാറുണ്ട്. 

പ​േക്ഷ, ഇതി​​െൻറ പേരിൽ മരിക്കുമെന്ന് കരുതിയിരുന്നി​െല്ലന്നും ദാസൻ പറഞ്ഞു. ഓൺലൈൻ ക്ലാസ് മനസ്സിലാവാത്തതി​​െൻറ വിഷമം പറഞ്ഞിരുന്നതായും സഹോദരി വ്യക്തമാക്കി. തിരൂരങ്ങാടി ഗവ. ഹയർസെക്കൻഡറി സ്‌കൂൾ വിദ്യാർഥിനിയാണ് അഞ്ജലി. ഇൻക്വസ്​റ്റ്​ നടത്തിയ മൃതദേഹം കോഴിക്കോട് മെഡിക്കൽ കോളജ്​ ആശുപത്രിയിൽ പോസ്​റ്റ്​മോർട്ടത്തിനുശേഷം കുടുംബ ശ്മശാനത്തിൽ സംസ്കരിച്ചു.