കൂടൊരുക്കവേ മരത്തിൽ കുടുങ്ങി, കാക്കക്ക് മൂന്നാംനാൾ അതിജീവനം

മു​ക്കം: 50 അ​ടി​യോ​ളം ഉ​യ​ര​മു​ള്ള മ​ര​ത്തി​ൽ മൂ​ന്നു ദി​വ​സം കാ​ക്ക കു​ടു​ങ്ങി​ക്കി​ട​ന്നു. ഒ​ടു​വി​ൽ നാ​ട്ടു​കാ​രു​ടെ​യും മ​രം​വെ​ട്ടു​കാ​ര​ന്റെ​യും ആ​ർ.​ആ​ർ.​ടി വ​ള​ന്റി​യ​ർ​മാ​രു​ടെ​യും സാ​ഹ​സി​ക​ശ്ര​മ​ത്തി​നൊ​ടു​വി​ൽ കാ​ക്ക​ക്ക് അ​തി​ജീ​വ​നം. കാ​ര​ശ്ശേ​രി കു​മാ​ര​ന​ല്ലൂ​ർ ഗേ​റ്റും​പ​ടി​യി​ലെ മ​ര​ത്തി​ൽ കൂ​ടു​കൂ​ട്ടു​ന്ന​തി​നി​ടെ​യാ​ണ് കാ​ക്ക നൂ​ൽ​ക്ക​മ്പി​യി​ൽ കു​ടു​ങ്ങി​യ​ത്. 50 അ​ടി​യോ​ളം ഉ​യ​ര​മു​ള്ള ചീ​നി​മ​ര​ത്തി​ൽ കാ​ക്ക കു​ടു​ങ്ങി​ക്കി​ട​ന്ന​ത് നാ​ട്ടു​കാ​രു​ടെ ശ്ര​ദ്ധ​യി​ൽ​പെ​ട്ട​ത് മൂ​ന്നു ദി​വ​സം മു​മ്പാ​ണ്. ര​ണ്ടു ദി​വ​സം പ​ല രീ​തി​യി​ലും ര​ക്ഷി​ക്കാ​ൻ ശ്ര​മി​ച്ചെ​ങ്കി​ലും ന​ട​ന്നി​ല്ല.

മ​ര​ത്തി​ന്റെ വ​ണ്ണ​ക്കൂ​ടു​ത​ലും ഉ​യ​ര​വും പ്ര​തി​സ​ന്ധി​യാ​യി. വ്യാ​ഴാ​ഴ്ച രാ​വി​ലെ നാ​ട്ടു​കാ​ർ അഗ്നിരക്ഷാസേനയെ വി​ളി​ച്ചെ​ങ്കി​ലും വ​നം​വ​കു​പ്പി​നെ ബ​ന്ധ​പ്പെ​ടാ​നാ​യി​രു​ന്നു നി​ർ​ദേ​ശം. തു​ട​ർ​ന്ന് വ​നം​വ​കു​പ്പ് ആ​ർ.​ആ​ർ.​ടി വ​ള​ന്റി​യ​ർ​മാ​ർ താ​മ​ര​ശ്ശേ​രി​യി​ൽ നി​ന്നെ​ത്തി​യെ​ങ്കി​ലും കാ​ക്ക​യെ ര​ക്ഷി​ക്കാ​നാ​യി​ല്ല. പി​ന്നീ​ടാ​ണ് കാ​ര​ശ്ശേ​രി ക​രീ​റ്റി​പു​റ​ത്ത് സ്വ​ദേ​ശി​യും മ​രം​മു​റി​ക്കാ​ര​നു​മാ​യ സു​കു​മാ​ര​നെ വി​വ​ര​മ​റി​യി​ക്കു​ന്ന​ത്. മു​ട​ക്കം​പ​റ​യാ​തെ ഉ​ട​ൻ ത​ന്നെ സു​കു​മാ​ര​ൻ സ്ഥ​ല​ത്തെ​ത്തി. സാ​ഹ​സി​ക​മാ​യി മ​ര​ത്തി​ൽ ക​യ​റു​മ്പോ​ൾ നാ​ട്ടു​കാ​ർ​ക്ക് ഉ​ൾ​ഭ​യം. ഒ​ടു​വി​ൽ പ​രി​ച​യ​സ​മ്പ​ന്ന​നാ​യ സു​കു​മാ​ര​ൻ കാ​ക്ക​യെ ചി​ല്ല​യി​ൽ​നി​ന്ന് ര​ക്ഷ​പ്പെ​ടു​ത്തു​ക​യാ​യി​രു​ന്നു. നി​ല​ത്തു​വീ​ഴു​ന്ന കാ​ക്ക​ക്ക് പ​രി​ക്കേ​ൽ​ക്കാ​തി​രി​ക്കാ​ൻ നാ​ട്ടു​കാ​ർ താ​ഴെ ബെ​ഡ്ഷീ​റ്റും പി​ടി​ച്ചു. വീ​ണ ഉ​ട​നെ കാ​ക്ക​ക്ക് ആ​ർ.​ആ​ർ.​ടി വ​ള​ന്റി​യ​ർ​മാ​ർ വെ​ള്ളം കൊ​ടു​ത്തു. മൂ​ന്നു ദി​വ​സം കാ​ത്തി​രു​ന്നി​ട്ടാ​ണെ​ങ്കി​ലും കാ​ക്ക​യെ ജീ​വ​നോ​ടെ ര​ക്ഷി​ക്കാ​ൻ പ​റ്റി​യ സ​ന്തോ​ഷ​ത്തി​ലാ​യി​രു​ന്നു എ​ല്ലാ​വ​രും. മു​ൻ​കൈ​യെ​ടു​ത്ത അ​ദി​നാ​ൻ, സ​ലീം, വേ​ലാ​യു​ധ​ൻ, ജാ​ഫ​ർ, അ​ൻ​വ​ർ തു​ട​ങ്ങി​യ​വ​ർ​ക്കും നാ​ട്ടു​കാ​രു​ടെ കൈ​യ​ടി കി​ട്ടി.