ആറന്മുളയിൽ സ്​ട്രോങ്​ റൂം സീൽ ചെയ്യുന്നത്​ വൈകുന്നു

പത്തനംതിട്ട: ആറന്മുള നിയമസഭ മണ്ഡലത്തിൽ സ്​ട്രോങ്​ റൂം സീൽ ചെയ്യുന്നത്​ വൈകുന്നു. മൗണ്ട്​ ബഥനി സ്​കൂളിലാണ്​ സ്​ട്രോങ്​ റൂം സീൽ ചെയ്യുന്നതിനുള്ള നടപടികൾ പുരോഗമിക്കുന്നത്​. വോട്ടിങ്​ യന്ത്രങ്ങൾ എത്താൻ വൈകിയതാണ്​ സ്​ട്രോങ്​ റൂം സീൽ ചെയ്യുന്നതിലും പ്രശ്​നമുണ്ടാകാൻ കാരണമെന്നാണ്​ പത്തനംതിട്ട ജില്ലാ കലക്​ടർ നൽകുന്ന വിശദീകരണം.

തെരഞ്ഞെടുപ്പിനിടെ കഴിഞ്ഞ ദിവസം ആറന്മുളയിൽ സംഘർഷമുണ്ടായിരുന്നു. ഇരു സ്ഥാനാർഥികളും എതിർ വിഭാഗം തടഞ്ഞുവെന്ന ആരോപണവുമായി രംഗത്തെത്തിയിരുന്നു. അതേസമയം, അമ്പലപ്പുഴയിലെ സ്​ട്രോങ്​ റൂമിന്​ സുരക്ഷ പോരെന്ന ആരോപണവുമായി കോൺഗ്രസ്​ നേതാവ്​ എം.ലിജുവും രംഗത്തെത്തി.