ആനയിടഞ്ഞ് മൂന്ന് പേർ മരിച്ച സംഭവം: വീഴ്ചയുണ്ടെങ്കിൽ കർശന നടപടി; രണ്ടാനകൾക്കുള്ള അനുമതിയുണ്ടായിരുന്നു -ഫോറസ്റ്റ് കൺസർവേറ്റർ

കോഴിക്കോട്: കൊയിലാണ്ടി മണക്കുളങ്ങര ക്ഷേത്ര ഉത്സവത്തിനിടെ ആനയിടഞ്ഞ് മൂന്ന് പേർ മരിക്കാനിടയായ സംഭവത്തിൽ വീഴ്ചയുണ്ടെങ്കിൽ കർശന നടപടി സ്വീകരിക്കുമെന്ന് ഫോറസ്റ്റ് കൺസർവേറ്റർ ആർ.കീർത്തി. ഉത്സവത്തിന് രണ്ട് ആനകളെ എഴുന്നള്ളിക്കുന്നതിനുള്ള അനുമതി ഉണ്ടായിരുന്നു. ഇന്ന് തന്നെ ഇതുസംബന്ധിച്ച അന്വേഷണ റിപ്പോർട്ട് വനംമന്ത്രി ശശീന്ദ്രന് സമർപ്പിക്കുമെന്നും അവർ പറഞ്ഞു.

ആനകളെ ആവശ്യത്തിന് അകലം പാലിച്ചാണ് നിർത്തിയതെന്നാണ് ജീവനക്കാരുടെ മൊഴി. ഇക്കാര്യത്തിൽ ഉൾപ്പടെ പരിശോധനയുണ്ടാകുമെന്നും അവർ പറഞ്ഞു. ക്ഷേത്രം സന്ദർശിച്ച ഫോറസ്റ്റ് കൺസർവേറ്റർ ആശുപത്രിയിലെത്തി അപകടത്തിൽ പരിക്കേറ്റവരേയും കണ്ടു.

കു​റു​വ​ങ്ങാ​ട് മ​ണ​ക്കു​ള​ങ്ങ​ര ക്ഷേ​ത്രോ​ത്സ​വ​ത്തി​ന് കൊ​ണ്ടു​വ​ന്ന ര​ണ്ട് ആ​ന​ക​ളാണ് വി​ര​ണ്ടത്. സംഭവത്തിൽ തി​ക്കി​ലും തി​ര​ക്കി​ലും പെ​ട്ട് ര​ണ്ട് സ്ത്രീ​ക​ള്‍ ഉ​ള്‍പ്പ​ടെ മൂ​ന്നു​പേ​ര്‍ മ​രി​ച്ചിരുന്നു. 23 പേ​ര്‍ക്ക് പ​രി​ക്കേ​ൽക്കുകയും ചെയ്തിരുന്നു. വ്യാ​ഴാ​ഴ്ച വൈ​കീ​ട്ടാ​ണ് സം​ഭ​വമുണ്ടായത്. കു​റു​വ​ങ്ങാ​ട് വ​ട്ടാ​ങ്ക​ണ്ടി താ​ഴെ ലീ​ല (68), താ​ഴ​ത്തേ​ട​ത്ത് അ​മ്മു​ അ​മ്മ (78), വ​ട​ക്ക​യി​ല്‍ രാ​ജ​ന്‍ (68) എ​ന്നി​വ​രാ​ണ് മ​രി​ച്ച​ത്. സം​ഭ​വ​ത്തെ തു​ട​ര്‍ന്ന് ഉ​ത്സ​വം നി​ര്‍ത്തി​വെ​ച്ചു. പ​രി​ക്കേ​റ്റ​വ​രെ കൊ​യി​ലാ​ണ്ടി താ​ലൂ​ക്കാ​ശു​പ​ത്രി​യി​ലും കോ​ഴി​ക്കോട് മെഡിക്കൽ കോളജ് ആശുപത്രിയിലടക്കം വിവിധ ആശുപത്രികളിൽ പ്രവേശിപ്പിച്ചു.

ഉ​ത്സ​വ എ​ഴു​ന്ന​ള്ളി​പ്പി​നി​ടെ വൈ​കീ​ട്ട് 5.45ഓ​ടെ​യാ​ണ് ഗു​രു​വാ​യൂ​രി​ല്‍നി​ന്നെ​ത്തി​ച്ച പീ​താം​ബ​ര​ന്‍, ഗോ​കു​ല്‍ എ​ന്നീ ആ​ന​ക​ൾ ഇ​ട​ഞ്ഞ​ത്. കു​റു​വ​ങ്ങാ​ട് ശി​വ​ക്ഷേ​ത്ര​ത്തി​ല്‍നി​ന്ന് മ​ണ​ക്കു​ള​ങ്ങ​ര ക്ഷേ​ത്ര​ത്തി​ലേ​ക്കു​ള്ള എ​ഴു​ന്ന​ള്ളി​പ്പി​ന് ആ​ന​ക​ളെ സ​ജ്ജ​മാ​ക്കു​ന്ന​തി​നി​ടെ​യാ​ണ് പീ​താം​ബ​ര​ന്‍ എ​ന്ന ആ​ന ആ​ദ്യം ഇ​ട​ഞ്ഞ​ത്.

ആ​ന​ക​ളു​ടെ പു​റ​ത്ത് തി​ട​മ്പേ​റ്റി​ക്കൊ​ണ്ടി​രി​ക്കു​ക​യാ​യി​രു​ന്നു. ആ​ന​പ്പു​റ​ത്തി​രു​ന്ന കു​റ​ച്ചു​പേ​ര്‍ ചാ​ടി ര​ക്ഷ​പ്പെ​ട്ടു. എ​ന്നാ​ല്‍, ഇ​റ​ങ്ങാ​ന്‍ ക​ഴി​യാ​ത്ത ര​ണ്ടു​പേ​രെ​യും​കൊ​ണ്ട് ആ​ന കു​റെ നേ​രം ഓ​ടി. ക്ഷേ​ത്ര​ത്തി​ലേ​ക്കു​ള്ള വ​ര​വി​നി​ടെ പ​ട​ക്കം പൊ​ട്ടി​ച്ച​പ്പോ​ഴാ​ണ് ആ​ന വി​ര​ണ്ട​തെ​ന്ന് ദൃ​ക്‌​സാ​ക്ഷി​ക​ള്‍ പ​റ​ഞ്ഞു. പീ​താം​ബ​ര​ന്‍ എ​ന്ന ആ​ന ഗോ​കു​ലി​നെ കു​ത്തി​യ​തോ​ടെ ര​ണ്ടാ​ന​ക​ളും ഓ​ടു​ക​യാ​യി​രു​ന്നു.