തെരുവ്​ നായകളെ ​കൊന്നവർ അറസ്​റ്റ്​ ഭീഷണിയിൽ; പ്രതിഷേധവുമായി നാട്ടുകാർ

വർക്കല: ​തെരുവ്​ നായയുടെ ​കടിയേറ്റ്​ 90കാരൻ മരിച്ചതിന്​ പിന്നാലെ വർക്കലയിൽ നായകളെ കൊന്നവരെ പൊലീസ്​ അറസ്​റ്റ്​ ചെയ്യാനെത്തിയത്​ സംഘർഷാവസ്​ഥക്ക്​ കാരണമായി. ആലപ്പുഴ ജനസേവാ ശിശുഭവൻ ചെയർമാനും തെരുവുനായ ഉൻമൂലന സംഘത്തി​െൻറ ഭാരവാഹിയുമായ ജോസ്​മാ​വേലിയെയും ഗുരുവായൂർ ശാന്തി മെഡിക്കൽ ഇൻഫർമേഷൻ ഡയറക്​ടർ ഉമാപ്രേമനെയുമാണ്​ ഇന്ന്​ രാവിലെയാണ്​ പൊലീസ്​ അറസ്​റ്റ്​ ചെയ്യാൻ ശ്രമിച്ചത്​. പ്രദേശത്ത്​ 35ഒാളം നായ്​ക്കളെ ഇവരുടെ നേതൃത്വത്തിൽ നാട്ടുകാർ കൊന്നിരുന്നു.

എന്നാൽ സ്​ത്രീകളും വ്യദ്ധരുമടങ്ങുന്ന 100 ഒാളം വരുന്ന ആൾക്കൂട്ടം പൊലീസിനെതിരെ രംഗത്തെത്തുകയും ഇവരെ അറസ്​റ്റ്​​ ചെയ്യുകയാണെങ്കിൽ തങ്ങ​ളെക്കൂടി അറസ്​റ്റ്​ ​െചയ്യണമെന്നാവശ്യപ്പെട്ട്​ പൊലീസിനെതിരെ ​പ്രതിഷേധിക്കുകയായിരുന്നു. 900​ത്തോളം ടൂറിസ്​റ്റ്​ ​മേഖലകളുള്ള വർക്കലയിൽ ടൂറിസ്​റ്റ്​ കേന്ദ്രങ്ങളിലെയും ആശുപത്രി, അറവ്​ശാല, എന്നിവിടങ്ങളിലെയും പ്ലാസ്​റ്റിക്​ മാലിന്യങ്ങൾ രാത്രികാലങ്ങളിൽ വലിച്ചെറിയുന്നതും തെരുവ്​ നായകൾ വർദ്ധിക്കാൻ കാരണമായിട്ടുണ്ട്​.

കഴിഞ്ഞ ദിവസം പുലർച്ചെയാണ്​ വീട്ടിലെ സിറ്റൗട്ടില്‍ കിടന്നുറങ്ങിയ രാഘവനെ നായകൾ കൂട്ടമായി അക്രമിച്ചത്​. മുഖം, തല, കാല് തുടങ്ങിയ ഭാഗത്തെല്ലാം ആഴത്തില്‍ മുറിവേറ്റ വൃദ്ധനെ വര്‍ക്കല താലൂക്ക് ആശുപത്രിയിൽ നിന്ന്​ മെഡിക്കല്‍ കോളേജിലേക്ക് മാറ്റി അടിയന്തിര ചികിത്സ നല്‍കിയെങ്കിലും ഉച്ചയോടെ മരിക്കുകയായിരുന്നു.