തെരുവുനായ്​ക്കളുമായി പ്രകടനം: ചിറ്റിലപ്പിള്ളിക്കും ജോസ്​ മാവേലിക്കുമെതിരായ കേസ്​ റദ്ദാക്കി

കൊച്ചി: നാട്ടുകാർ പിടികൂടിയ തെരുവുനായ്​ക്കളുമായി പള്ളുരുത്തി പൊലീസ്​ സ്​റ്റേഷനിലേക്ക്​ പ്രകടനം നടത്തിയെന്ന പേരിൽ കൊച്ചൗസേഫ്​​ ചിറ്റിലപ്പിള്ളി, ജോസ്​ മാവേലി എന്നിവരടക്കം നാലുപേർക്കെതിരെ രജിസ്​റ്റർ ചെയ്​ത കേസ്​ ഹൈകോടതി റദ്ദാക്കി. തെരുവുനായ്​ക്കളിൽനിന്ന്​ നിഷ്​കളങ്കരായ മനുഷ്യ​രെ രക്ഷിക്കാൻ നടത്തിയ നടപടികള​ുടെ ഭാഗമാണ്​ കേസിനാസ്​പദമായ സംഭവമെന്നും മൃഗങ്ങളോടുള്ള ക്രൂരകൃത്യം ലക്ഷ്യമിട്ടില്ലെന്നും വ്യക്​തമാക്കിയാണ്​ സ്​ട്രേ ഡോഗ് ഫ്രീ മൂവ്മ​​​െൻറ്​ ചെയർമാൻ കൊച്ചൗസേഫ്​​ ചിറ്റിലപ്പിള്ളി, ജോസ്​ മാവേലി, ഡോ. ​േജാർജ്​ സ്ലീബ, ബ​​​െൻറ്​ലി താടിക്കാരൻ എന്നിവർക്കെതിരായ കേസുകൾ സിംഗിൾബെഞ്ച്​ റദ്ദാക്കിയത്​. 

ഹരജിക്കാർ 2015 ഒക്​ടോബർ 18നാണ്​ തെരുവുനായ്​ക്കളുമായി  പൊലീസ്​ ​സ്​റ്റേഷൻ​ മാർച്ച്​ നടത്തിയത്​. സൊസൈറ്റി ഫോർ  പ്രിവൻഷൻ ഒാഫ്​ ക്രുവൽറ്റി ടു അനിമൽസ്​ വിഭാഗം ഇൻസ്​പെക്​ടറായ സജിത്​ നൽകിയ പരാതിയിലാണ്​ ഇവർക്കെതിരെ കേസെടുത്തത്​. കേസ്​ നിലനിൽക്കുന്നതല്ലെന്നും വിവിധ വകുപ്പുകൾ ദുരുപയോഗം ചെയ്​താണ്​ തങ്ങളെ കേസിൽ പെടുത്തിയതെന്നുമായിരുന്നു ഹരജിക്കാരുടെ വാദം. 
തെരുവുനായ്​ക്കളേക്കാൾ മൂല്യം മനുഷ്യജീവനു​തന്നെയാണെന്ന്​ ഹരജി തീർപ്പാക്കി കോടതി വ്യക്​തമാക്കി.

തെരുവുനായ്​ ശല്യം സംസ്​ഥാനത്ത്​ അതിരൂക്ഷമായ വിധം വർധിച്ചു വരുകയാണ്​. ഒ​േട്ടറെ പേർ ഇൗ വിപത്തി​ന്​ ഇരകളായിട്ടുണ്ട്​. വീടിനകത്ത്​ കയറി കുഞ്ഞുങ്ങളെ വരെ തെരുവുനായ്​ക്കൾ ആക്രമിക്കുകയും ​കൊലപ്പെടുത്തുകയും ചെയ്​തിട്ടുണ്ട്​. നിയന്ത്രിക്കാൻ ഫലപ്രദമായ നടപടികൾ അധികൃതരിൽനിന്ന്​ ഉണ്ടാകാതെ വന്നതോടെ തെരുവുനായ്​ ശല്യം നേരിടാനും നിരപരാധികളായ മനുഷ്യരെ അവയുടെ ആക്രമണത്തിൽ നിന്ന്​ രക്ഷപ്പെടുത്താനുമായി ജനങ്ങൾ തന്നെ രംഗത്തിറങ്ങുകയായിരുന്നു.

മനുഷ്യനെ സംരക്ഷിക്കുകയെന്ന ലക്ഷ്യമാണ്​ ഹരജിക്കാർക്ക്​ ഉണ്ടായിരുന്നതെന്നും നായ്​ക്കളോട്​ ക്രൂരത കാട്ടാൻ ഉദ്ദേശിച്ചിട്ടില്ലെന്നുമാണ്​ മനസ്സിലാവുന്നത്​. അതിനാൽ, ഇവർക്കെതിരായ ​േകസ്​ നിലനിൽക്കി​ല്ലെന്ന്​ വ്യക്​തമാക്കിയ കോടതി െകാച്ചി ജുഡീഷ്യൽ ഫസ്​റ്റ്​ ക്ലാസ്​ മജിസ്​ട്രേറ്റ്​ കോടതി രണ്ടിൽ ഹരജിക്കാർക്കെതിരെ നിലവിലുള്ള കേസുകൾ റദ്ദാക്കി.