തെരുവുനായ ചാടിയുള്ള അപകടം: സമീപിക്കേണ്ടത് സിരിജഗൻ കമീഷനെ –മനുഷ്യാവകാശ കമീഷൻ

കൊല്ലം: തെരുവുനായ കുറുകെ ചാടി വാഹനാപകടം സംഭവിക്കുമ്പോൾ നഷ്​ടപരിഹാരത്തിനുവേണ്ടി സമീപിക്കേണ്ടത് സുപ്രീംകോടതി ഉത്തരവിെൻറ അടിസ്ഥാനത്തിൽ രൂപവത്​കൃതമായ ജസ്​റ്റിസ് സിരിജഗൻ കമീഷനെയാണെന്ന് സംസ്ഥാന മനുഷ്യാവകാശ കമീഷൻ. അടൂരിന് സമീപം ഇരുചക്രവാഹനത്തിന് മുന്നിൽ തെരുവുനായ കുറുകെ ചാടിയുണ്ടായ അപകടത്തിൽ നഷ്​ടപരിഹാരം ആവശ്യപ്പെട്ട് പെരുമ്പുഴ സ്വദേശി കെ.എൻ. സോമൻ സമർപ്പിച്ച പരാതിയിലാണ് കമീഷൻ അംഗം വി.കെ. ബീനാകുമാരി ഉത്തരവിട്ടത്​.