തെരുവുനായ്​ വാക്സിനേഷൻ; രണ്ടാംഘട്ടത്തിനും വെല്ലുവിളിയായി സാമ്പത്തിക പ്രതിസന്ധി

തി​രു​വ​ന​ന്ത​പു​രം: സം​സ്ഥാ​ന​ത്ത്​ പേ​വി​ഷ പ്ര​തി​രോ​ധ യ​ജ്ഞ​ത്തി​ന്‍റെ ഭാ​ഗ​മാ​യി വീ​ണ്ടും ആ​രം​ഭി​ക്കാ​നി​രി​ക്കു​ന്ന വാ​ക്സി​നേ​ഷ​ൻ കാ​മ്പ​യി​ന്​ വെ​ല്ലു​വി​ളി​യാ​യി തു​ട​ക്ക​ത്തി​ലെ സാ​മ്പ​ത്തി​ക പ്ര​തി​സ​ന്ധി. സെ​പ്റ്റം​ബ​ർ ഒ​ന്നു​മു​ത​ൽ ഒ​രു​മാ​സം നീ​ളു​ന്ന തീ​വ്ര​യ​ജ്ഞ പ​രി​പാ​ടി​യാ​ണ്​ ത​ദ്ദേ​ശ- മൃ​ഗ​സം​ര​ക്ഷ​ണ വ​കു​പ്പു​ക​ൾ ആ​ലോ​ചി​ക്കു​ന്ന​ത്. ഇ​തി​ലേ​ക്ക്​ ആ​വ​ശ്യ​മാ​യ തു​ക മി​ക്ക പ​ഞ്ചാ​യ​ത്തു​ക​ളും നീ​ക്കി​വെ​ച്ചി​ട്ടി​ല്ല. നീ​ക്കി​വെ​ച്ചി​ട​ങ്ങ​ളി​ലാ​ക​ട്ടെ, തു​ക പ​ര്യാ​പ്ത​വു​മ​ല്ല.

ക​ഴി​ഞ്ഞ​വ​ർ​ഷം സെ​പ്​​റ്റം​ബ​ർ മു​ത​ൽ ഒ​രു​മാ​സം നീ​ളു​ന്ന തീ​വ്ര​യ​ജ്ഞ വാ​ക്സി​നേ​ഷ​ൻ കാ​മ്പ​യി​ൻ സം​ഘ​ടി​പ്പി​ച്ച​പ്പോ​ഴും സ്ഥി​തി ഇ​തു​ത​ന്നെ ആ​യി​രു​ന്നു. അ​തി​നാ​ൽ നാ​മ​മാ​ത്രം തെ​രു​വു​നാ​യ്​​ക്ക​ൾ​ക്ക്​ മാ​ത്ര​മേ അ​ന്നും വാ​ക്സി​നേ​ഷ​ൻ പൂ​ർ​ത്തി​യാ​ക്കാ​ൻ ക​ഴി​ഞ്ഞി​രു​ന്നു​ള്ളൂ. അ​തു​ പ​രി​ഹ​രി​ക്കാ​ൻ ഈ ​സാ​മ്പ​ത്തി​ക വ​ർ​ഷം പ​ഞ്ചാ​യ​ത്തു​ക​ൾ അ​ട​ക്കം ത​ദ്ദേ​ശ സ്ഥാ​പ​ന​ങ്ങ​ൾ തെ​രു​വു​നാ​യ്​ വാ​ക്സി​നേ​ഷ​ന്​ ആ​വ​ശ്യ​മാ​യ തു​ക നീ​ക്കി​വെ​ക്ക​ണ​മെ​ന്നും ത​ദ്ദേ​ശ​സ്ഥാ​പ​ന​ങ്ങ​ൾ ത​ന​ത്​ ഫ​ണ്ടി​ൽ​നി​ന്നും തു​ക ക​ണ്ടെ​ത്ത​ണ​മെ​ന്നും നി​ർ​ദേ​ശം ന​ൽ​കി​യി​രു​ന്നു. പ​​ക്ഷേ, മി​ക്ക ത​ദ്ദേ​ശ സ്ഥാ​പ​ന​ങ്ങ​ളും ഒ​രു ല​ക്ഷ​വും ഒ​ന്ന​ര​ല​ക്ഷ​വും രൂ​പ​മാ​ത്ര​മാ​ണ്​ നീ​ക്കി​വെ​ച്ചി​രി​ക്കു​ന്ന​ത്. അ​തി​നാ​ൽ കാ​മ്പ​യി​ൻ ഒ​രി​ട​ത്തും കാ​ര്യ​ക്ഷ​മ​മാ​യി മു​ന്നോ​ട്ട്​ കൊ​ണ്ടു​പോ​കാ​ൻ ക​ഴി​യാ​ത്ത അ​വ​സ്ഥ​യാ​ണ്. 550 രൂ​പ​യാ​ണ്​ ഒ​രു നാ​യ്​​ക്ക്​ വാ​ക്സി​​നേ​ഷ​നു​ള്ള ചെ​ല​വ്. വി​വി​ധ ജി​ല്ല​ക​ളി​ലാ​യി 2.89 ല​ക്ഷം തെ​രു​വു​നാ​യ്ക്ക​ൾ ഉ​ണ്ടെ​ന്നാ​ണ്​ മൃ​ഗ​സം​ര​ക്ഷ​ണ വ​കു​പ്പി​ന്‍റെ ക​ണ​ക്ക്. ക​ഴി​ഞ്ഞ സെ​പ്റ്റം​ബ​റി​ൽ പ്ര​ഖ്യാ​പി​ച്ച കാ​മ്പ​യി​നി​ൽ വെ​റും 32,000 തെ​രു​വു​നാ​യ്ക്ക​ൾ​ക്ക്​ മാ​ത്ര​മാ​ണ്​ വാ​ക്സി​ൻ ന​ൽ​കാ​നാ​യ​ത്.

അ​തേ​സ​മ​യം, 4.5 ല​ക്ഷ​ത്തോ​ളം വ​ള​ർ​ത്തു​നാ​യ്​​ക്ക​ൾ​ക്ക്​ വാ​ക്സി​ൻ ന​ൽ​കാ​നാ​യി എ​ന്ന​താ​ണ്​ കാ​മ്പ​യി​ന്‍റെ നേ​ട്ട​മാ​യി ഇ​​പ്പോ​ൾ ചൂ​ണ്ടി​ക്കാ​ട്ട​പ്പെ​ടു​ന്ന​ത്. എ​ന്നാ​ൽ, വ​ള​ർ​ത്തു​നാ​യ്​​ക്ക​ളു​ടെ വാ​ക്സി​നേ​ഷ​ൻ ചെ​ല​വ്​ മു​ഴു​വ​ൻ വ​ഹി​ച്ച​ത്​ ഉ​ട​മ​യാ​ണ്. ര​ണ്ടാം​ഘ​ട്ട വാ​ക്സി​നേ​ഷ​നി​ൽ ക​ഴി​ഞ്ഞ​വ​ർ​ഷം ന​ൽ​കി​യ നാ​യ്ക്ക​ൾ​ക്ക്​ ബൂ​സ്റ്റ​ർ വാ​ക്സി​നേ​ഷ​നും ന​ൽ​കേ​ണ്ട​തു​ണ്ട്. 32,000 ത്തോ​ളം വ​രു​ന്ന തെ​രു​വു​നാ​യ്ക്ക​ൾ​ക്ക്​ ബൂ​സ്റ്റ​ർ വാ​ക്സി​​ൻ ന​ൽ​കാ​നു​ള്ള തു​ക​യും ഇ​തി​നൊ​പ്പം ക​ണ്ടെ​ത്ത​ണം.

പ്ര​തി​സ​ന്ധി​ക്കി​ട​യി​ലും വാ​ക്സി​നേ​ഷ​ൻ കാ​മ്പ​യി​നു​വേ​ണ്ടി​യു​ള്ള ന​ട​പ​ടി​ക​ൾ അ​ന്തി​മ​ഘ​ട്ട​ത്തി​ലെ​ന്ന്​ മൃ​ഗ​സം​ര​ക്ഷ​ണ വ​കു​പ്പ്​ അ​റി​യി​ച്ചു. ആ​വ​ശ്യ​മാ​യ വാ​ക്സി​ൻ എ​ല്ലാ ജി​ല്ല​ക​ളി​ലും എ​ത്തി​ച്ചു​ക​ഴി​ഞ്ഞു. നി​ല​വി​ലു​ള്ള 456 നാ​യ്​ പി​ടി​ത്ത​ക്കാ​ർ​ക്ക് പു​റ​മെ, കു​ടും​ബ​ശ്രീ​യി​ൽ നി​ന്ന് 900 നാ​യ്​ പി​ടി​ത്ത​ക്കാ​ർ​ക്കു​കൂ​ടി പ​രി​ശീ​ല​നം ന​ൽ​കി​യി​ട്ടു​ണ്ട്​.