Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഉപകരാറുകൾ തൊടാതെ...

ഉപകരാറുകൾ തൊടാതെ പാർട്ടിയുടെ തന്ത്രപരമായ പ്രതിരോധം; എല്ലാം കെൽട്രോണിന് മേൽ

text_fields
bookmark_border
ഉപകരാറുകൾ തൊടാതെ പാർട്ടിയുടെ തന്ത്രപരമായ പ്രതിരോധം; എല്ലാം കെൽട്രോണിന് മേൽ
cancel

തി​രു​വ​ന​ന്ത​പു​രം: എ.​ഐ കാ​മ​റ വി​വാ​ദ​ത്തി​ൽ സ​ർ​ക്കാ​റി​ന്​ പ്ര​തി​രോ​ധം തീ​ർ​ത്ത്​ സി.​പി.​എം രം​ഗ​ത്തെ​ത്തി​യെ​ങ്കി​ലും ആ​ത്യ​ന്തി​ക​മാ​യി ഉ​ത്ത​ര​വാ​ദി​ത്വം മു​ഴു​വ​ൻ കെ​ൽ​ട്രോ​ണി​ന്​ മേ​ൽ കെ​ട്ടി​യേ​ൽ​പ്പി​ച്ച​ത​ല്ലാ​തെ വി​വാ​ദ​മാ​യ ഉ​പ​ക​രാ​റു​ക​ളി​ല​ട​ക്കം പാ​ർ​ട്ടി സെ​ക്ര​ട്ട​റി​ക്കും വി​ശ​ദീ​ക​ര​ണ​മി​ല്ല. അ​ഴി​മ​തി​യി​ല്ലെ​ന്ന്​ സ്ഥാ​പി​ക്കാ​ൻ എം.​വി. ഗോ​വി​ന്ദ​ൻ നി​ര​ത്തി​യ ക​ണ​ക്കു​ക​ളെ​ല്ലാം ഒ​ന്നാം ദി​വ​സം മു​ത​ൽ കെ​ൽ​ട്രോ​ൺ ആ​വ​ർ​ത്തി​ക്കു​ന്ന​വ​യാ​ണ്.

സ​ർ​ക്കാ​റി​ന്​ ന​ഷ്ട​മു​ണ്ടാ​യി​​ട്ടി​ല്ലെ​ന്നും ന​യാ പൈ​സ ചെ​ല​വാ​യി​ട്ടി​ല്ലെ​ന്നും ഉ​പ​ക​രാ​റു​ക​ൾ​ക്ക്​ ഉ​ത്ത​ര​വാ​ദി കെ​ൽ​ട്രോ​ണെ​ന്നും വി​ദ​ശീ​ക​രി​ക്കു​ന്ന പാ​ർ​ട്ടി സെ​ക്ര​ട്ട​റി, ​ നേ​ര​ത്തേ ഗ​താ​ഗ​ത മ​ന്ത്രി ആ​ന്‍റ​ണി രാ​ജു​വ​ട​ക്കം സ്വീ​ക​രി​ച്ച ​ത​ന്ത്ര​പ​ര​മാ​യ കൈ​യൊ​ഴി​യ​ൽ ന​യം ആ​വ​ർ​ത്തി​ച്ച​ത​ല്ലാ​തെ പു​തി​യ കാ​ര്യ​ങ്ങ​ളൊ​ന്നും പ​റ​ഞ്ഞു​വെ​ച്ചി​ട്ടി​ല്ല.

കെ​ൽ​ട്രോ​ൺ ന​ട​ത്തി​യ വ​ഴി​വി​ട്ട ഇ​ട​പാ​ടു​ക​ളും ഉ​പ​ക​രാ​റു​ക​ളു​മാ​ണ്​ സ​ർ​ക്കാ​ർ അ​ഭി​മാ​ന പ​ദ്ധ​തി​യാ​യി അ​വ​ത​രി​പ്പി​ച്ച നി​ർ​മി​ത ബു​ദ്ധി കാ​മ​റ​യെ സം​ശ​യ​നി​ഴ​ലി​ലാ​ക്കി​യ​ത്. ദു​രൂ​ഹ​മാ​യ ഉ​പ​ക​രാ​റു​ക​ളാ​ണ്​ മു​ഖ്യ​മ​ന്ത്രി​യി​ലേ​ക്ക​ട​ക്കം സം​ശ​യ​മു​ന നീ​ണ്ട ആ​രോ​പ​ണ​ങ്ങ​ൾ​ക്ക്​ ഇ​ട​വ​രു​ത്തി​യ​ത്.

ഇ​തു സം​ബ​ന്ധി​ച്ച്​ വി​ശ​ദീ​ക​രി​ക്കു​ക​യും വ്യ​ക്ത​ത വ​രു​ത്തു​ക​യും വേ​ണ​മെ​ന്നാ​ണ്​ പ്ര​തി​പ​ക്ഷം ആ​വ​ർ​ത്തി​ക്കു​ന്ന​ത്. എ​ന്നാ​ൽ, സ​ർ​ക്കാ​ർ പ​ണം ചെ​ല​വ​ഴി​ക്കാ​ത്ത​തി​നാ​ൽ ‘ന​ഷ്ട​മി​ല്ല, അ​ഴി​മ​തി​യി​ല്ല’ എ​ന്ന്​ പ​റ​ഞ്ഞൊ​ഴി​യു​ന്ന​ത​ല്ലാ​തെ ഉ​പ​ക​രാ​റു​ക​ളെ​കു​റി​ച്ച്​ വി​ശ​ദീ​ക​രി​ക്കാ​ൻ പാ​ർ​ട്ടി​യും സ​ന്ന​ദ്ധ​മാ​കു​ന്നി​ല്ല. പ​ക​രം സം​ശ​യ​നി​ഴ​ലി​ലു​ള്ള കാ​ര്യ​ങ്ങ​ളു​ടെ​യെ​ല്ലാം ഉ​ത്ത​ര​വാ​ദി​ത്വം കെ​ൽ​ട്രോ​ണി​ന്‍റെ ചു​മ​ലി​ൽ ചാ​ർ​ത്തു​ക​യാ​ണ്​.

ഉ​പ​ക​രാ​റി​ലാ​ണ്​ ചോ​ദ്യ​ങ്ങ​ൾ, വി​ശ​ദീ​ക​ര​ണം വേ​ണ്ട​തും ഈ ​ക​ണ​ക്കു​ക​ളി​ൽ

കാ​മ​റ​യും ക​ൺ​ട്രോ​ൾ റൂ​മു​ക​ളു​മ​ട​ക്കം സം​വി​ധാ​ന​ങ്ങ​ൾ സ്ഥാ​പി​ക്കു​ന്ന​തി​ന്​ 142 കോ​ടി​യും അ​ഞ്ചു​ വ​ർ​ഷ​ത്തെ ശ​മ്പ​ള​മ​ട​ക്കം നി​ർ​വ​ഹ​ണ​ച്ചെ​ല​വ്​ 56.24 കോ​ടി​യും, ജി.​എ​സ്.​ടി 35.76 കോ​ടി​യു​മ​ട​ക്കം പ​ദ്ധ​തി​യു​ടെ ചെ​ല​വ്​ 232 കോ​ടി​യെ​ന്ന കെ​ൽ​ട്രോ​ൺ വാ​ദ​മാ​ണ്​ സി.​പി.​എം ആ​വ​ർ​ത്തി​ക്കു​ന്ന​ത്. കെ​ല്‍ട്രോ​ണ്‍ 151.22 കോ​ടി​ക്കാ​ണ് പ​ദ്ധ​തി ബം​ഗ​ളൂ​രു ആ​സ്ഥാ​ന​മാ​യ ക​മ്പ​നി​യെ ഏ​ല്‍പ്പി​ച്ച​തെ​ന്നും ഈ ​ക​മ്പ​നി മ​റ്റു ര​ണ്ട് ക​മ്പ​നി​ക​ളു​മാ​യു​ണ്ടാ​ക്കി​യ ഉ​പ​ക​രാ​റി​ൽ 75 കോ​ടി​ക്ക്​ പ​ദ്ധ​തി ന​ട​പ്പാ​ക്കാ​മെ​ന്ന് പ​റ​യു​ന്നു​വെ​ന്നു​മാ​ണ്​ രേ​ഖ​ക​ൾ പു​റ​ത്തു​വി​ട്ടു​ള്ള പ്ര​തി​പ​ക്ഷ ആ​രോ​പ​ണം.

75 കോ​ടി 151 കോ​ടി​യാ​യും പി​ന്നീ​ട് 232 കോ​ടി​യാ​യും മാ​റു​ന്ന​ത് എ​ങ്ങ​നെ​യെ​ന്ന​താ​ണ് ചോ​ദ്യം. മാ​ർ​ച്ച് 15ന് ​നി​യ​മ​സ​ഭ​യി​ൽ മ​ന്ത്രി ആ​ന്റ​ണി രാ​ജു രേ​ഖാ​മൂ​ലം ന​ൽ​കി​യ മ​റു​പ​ടി​യി​ൽ ക​ൺ​ട്രോ​ൾ റൂ​മും കാ​മ​റ​ക​ളും സ്ഥാ​പി​ക്കു​ന്ന​തി​ന് 165.89 കോ​ടി രൂ​പ​യാ​ണ് വേ​ണ്ടി വ​ന്ന​തെ​ന്ന് വ്യ​ക്ത​മാ​ക്കി​യി​രു​ന്നു. ഇ​ക്കാ​ര്യ​ങ്ങ​​ളി​ളെ​ല്ലാം ബ​ന്ധ​പ്പെ​ടു​ന്ന​തും വ്യ​ക്ത​ത വ​രേ​ണ്ട​തും ഉ​പ​ക​രാ​റു​ക​ളി​ലാ​ണെ​ന്നി​രി​ക്കെ അ​തി​നെ​ക്കു​റി​ച്ച്​ പ​രാ​മ​ർ​ശ​മേ​യി​ല്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:KeltronAI Cameracpm
News Summary - strategic defense of the party without touching subcontracts; All over Keltron
Next Story