ക​ണ്ടോ​ന്താ​ർ പ്രാ​ദേ​ശി​ക ച​രി​ത്ര മൂ​സി​യം; ഇവിടെയുണ്ട്, ഗതകാല സ്​മൃതിക്കൊരു സാക്ഷ്യപത്രം

പ​യ്യ​ന്നൂ​ർ: ക​യ​റി​ച്ചെ​ല്ലു​മ്പോ​ൾ സ്ക്രീ​നി​ൽ തെ​ളി​യും ഒ​രു നാ​ട് താ​ണ്ടി​യ സ​ഹ​ന​പാ​ത​ക​ൾ. ഒ​പ്പം നാ​ടി​‍െൻറ പാ​ര​ത​ന്ത്ര്യ​ത്തി​ൽ​നി​ന്ന് സ്വാ​ത​ന്ത്ര്യ​ത്തി​‍െൻറ വെ​ളി​ച്ച​ത്തി​ലേ​ക്കു​ള്ള പ്ര​യാ​ണ​പാ​ത​യി​ൽ ഉ​രു​കി​യി​ല്ലാ​താ​യ​വ​രു​ടെ ജീ​വി​ത​ക​ഥ, ഇ​ന്ന​ലെ​ക​ളു​ടെ തൊ​ഴി​ലി​ട​ങ്ങ​ൾ... ഇ​ത് ക​ട​ന്ന​പ്പ​ള്ളി പാ​ണ​പ്പു​ഴ ഗ്രാ​മ​പ​ഞ്ചാ​യ​ത്തി​ലെ ക​ണ്ടോ​ന്താ​റി​ൽ യാ​ഥാ​ർ​ഥ്യ​മാ​യ പ്രാ​ദേ​ശി​ക ച​രി​ത്ര മ്യൂ​സി​യം. കേ​ര​ള​ത്തി​ലെ​ത​ന്നെ ആ​ദ്യ പ്രാ​ദേ​ശി​ക ച​രി​ത്ര മ്യൂ​സി​യ സ​ജ്ജീ​ക​ര​ണ​മാ​ണ് ക​ണ്ടോ​ന്താ​റി​ൽ പൂ​ർ​ത്തി​യാ​യ​ത്. സു​ര​ക്ഷി​ത സ്മാ​ര​ക​മാ​യി പ്ര​ഖ്യാ​പി​ച്ച പ​ഴ​യ ജ​യി​ലി​നോ​ട് ചേ​ർ​ന്ന് പു​തു​താ​യി നി​ർ​മി​ച്ച കെ​ട്ടി​ട​ത്തി​ലാ​ണ് മ്യൂ​സി​യം സ​ജ്ജീ​ക​രി​ച്ച​ത്.

സ്വാ​ത​ന്ത്ര്യ​സ​മ​ര സേ​നാ​നി​ക​ളെ​യും തു​ട​ർ​ന്ന് ക​മ്യൂ​ണി​സ്​​റ്റ്​ ക​ർ​ഷ​ക പോ​രാ​ളി​ക​ളെ​യും അ​റ​സ്​​റ്റ്​ ചെ​യ്ത് പ​യ്യ​ന്നൂ​ർ പൊ​ലീ​സ് സ്​​റ്റേ​ഷ​നി​ലാ​യി​രു​ന്നു എ​ത്തി​ച്ചി​രു​ന്ന​ത്. എ​ന്നാ​ൽ, മൂ​ന്ന് പു​ഴ ക​ട​ന്ന് അ​ത്ര​യും ദൂ​രം എ​ത്തി​ക്കു​ക എ​ളു​പ്പ​മ​ല്ല. അ​തു​കൊ​ണ്ട് പോ​രാ​ളി​ക​ളെ പാ​ർ​പ്പി​ക്കാ​നു​ള്ള ഇ​ട​ത്താ​വ​ള​മാ​യാ​ണ് ബ്രി​ട്ടീ​ഷ് സ​ർ​ക്കാ​ർ ക​ണ്ടോ​ന്താ​റി​ൽ ജ​യി​ൽ സ്ഥാ​പി​ച്ച​ത്. നി​ര​വ​ധി പോ​രാ​ളി​ക​ളെ​യാ​ണ് ഇ​വി​ട​ത്തെ ലോ​ക്ക​പ്പി​ൽ അ​ട​ച്ചി​ട്ട​ത്. നാ​ട്ടു​കാ​ര​നാ​യ മ​ന്ത്രി രാ​മ​ച​ന്ദ്ര​ൻ ക​ട​ന്ന​പ്പ​ള്ളി ക​ണ്ടോ​ന്താ​റി​ലെ പ​ഴ​യ ജ​യി​ൽ പു​രാ​വ​സ്തു വ​കു​പ്പി​‍െൻറ സം​ര​ക്ഷി​ത സ്മാ​ര​ക​മാ​യി പ്ര​ഖ്യാ​പി​ക്കു​ക​യും തു​ട​ർ​ന്ന് അ​വി​ടെ ഒ​രു പ്രാ​ദേ​ശി​ക ച​രി​ത്ര മ്യൂ​സി​യം സ്ഥാ​പി​ക്കു​മെ​ന്ന് പ്ര​ഖ്യാ​പി​ക്കു​ക​യും ചെ​യ്തു. ഇ​താ​ണ് ഇ​പ്പോ​ൾ യാ​ഥാ​ർ​ഥ്യ​മാ​യ​ത്.

20 ല​ക്ഷം രൂ​പ ചെ​ല​വി​ൽ ജ​യി​ൽ കെ​ട്ടി​ട​ത്തി​‍െൻറ സം​ര​ക്ഷ​ണ​വും 17.18 ല​ക്ഷം രൂ​പ ചെ​ല​വി​ൽ മ്യൂ​സി​യം കെ​ട്ടി​ട നി​ർ​മാ​ണ​വും പൂ​ർ​ത്തി​യാ​ക്കി. 30 ല​ക്ഷം രൂ​പ​യു​ടെ ഭ​ര​ണാ​നു​മ​തി​യാ​ണ് മൂ​സി​യ​ത്തി​ന് ന​ൽ​കി​യ​ത്. മൊ​ത്തം 66.34 ല​ക്ഷം രൂ​പ. പ്രാ​ദേ​ശി​ക ച​രി​ത്രം പ​ല​പ്പോ​ഴും വേ​ണ്ട​വി​ധം രേ​ഖ​പ്പെ​ടു​ത്താ​തെ പോ​വു​ന്ന​തി​നു​ള്ള പ​രി​ഹാ​ര​മാ​യാ​ണ് പു​രാ​വ​സ്തു വ​കു​പ്പ് ജി​ല്ല പൈ​തൃ​ക മ്യൂ​സി​യ​ങ്ങ​ളും പ്രാ​ദേ​ശി​ക ച​രി​ത്ര മ്യൂ​സി​യ​ങ്ങ​ളും സ​ജ്ജീ​ക​രി​ച്ച​ത്. വ​കു​പ്പി​ന് കീ​ഴി​ൽ ആ​ദ്യ​ത്തെ പ്രാ​ദേ​ശി​ക ച​രി​ത്ര മ്യൂ​സി​യ​മാ​ണ് ക​ണ്ടോ​ന്താ​റി​ൽ സ്ഥാ​പി​ത​മാ​യ​തെ​ന്ന് ബ​ന്ധ​പ്പെ​ട്ട​വ​ർ പ​റ​ഞ്ഞു. ക​ഴി​ഞ്ഞ 22ന് ​മ​ന്ത്രി രാ​മ​ച​ന്ദ്ര​ൻ ക​ട​ന്ന​പ്പ​ള്ളി​യാ​ണ് മ്യൂ​സി​യം നാ​ടി​ന് സ​മ​ർ​പ്പി​ച്ച​ത്.

നാ​ടി​​െൻറ കാ​ർ​ഷി​ക ച​രി​ത്രം മ​ല​യാ​ള​ത്തി​ലെ ആ​ദ്യ ചെ​റു​ക​ഥ സ​മ്മാ​നി​ച്ച കേ​സ​രി വേ​ങ്ങ​യി​ൽ കു​ഞ്ഞി​രാ​മ​ൻ നാ​യ​നാ​രു​ടെ ജീ​വി​തം, ക​ട​ന്ന​പ്പ​ള്ളി​യി​ലെ പ്ര​മു​ഖ ജ​ന​നേ​താ​ക്ക​ളു​ടെ ല​ഘു ജീ​വ​ച​രി​ത്രം, ക​ട​ന്ന​പ്പ​ള്ളി വെ​ള്ളാ​ല​ത്ത് ശി​വ​ക്ഷേ​ത്ര​ത്തി​ലെ ശി​ലാ​ലി​ഖി​തം തു​ട​ങ്ങി നാ​ടി​‍െൻറ ച​രി​ത്ര​ത്തി​ലേ​ക്ക് വെ​ളി​ച്ചം വീ​ശു​ന്ന നി​ര​വ​ധി സ​ന്ദ​ർ​ഭ​ങ്ങ​ളും മ​റ്റും മ്യൂ​സി​യ​ത്തി​ലു​ണ്ട്. ഒ​പ്പം പ​ഴ​യ രീ​തി​യി​ൽ പു​ന​ർ​ജ​നി​ച്ച ജ​യി​ല​റ​യും കാ​ണാം. ച​രി​ത്ര​രേ​ഖ​ക​ൾ അ​ട​ങ്ങി​യ പു​സ്ത​ക​വും ത​യാ​റാ​ക്കി​യി​ട്ടു​ണ്ട്.